حكم قول تمساح وسحالي

[نسووومة]

انا عن نفسي بصراحة ماأحب دا الكلام لا مزح ولا جد .. أحس مو أنا لما أحد يقول عليّ كـ بنت "سحلية" ... وما أحس انها شي حلو حتى لو أنا بأمزح إني أقول لرجل "تمساح" .. ماأدري مادخلت مزاجي الكلمة من اول يوم سمعتها ,, وفي نفس الوقت ماازعل لو احد قالها لي .. عشان عارفة انه بيكون مزح .. بس انا اقولها نو ويي دا رأيي بغض النظر عشانه حيوان او لا

واعتقد انه من قام بالتشبيه الخطير دا .. اكيد لأنه فيه وجه شبه بين التشبيهين السحلية والتمساح والبنت والولد .. في الحجم ..

وازا اتكلمنا عن إن التشبيه دا غلط لأنه بحيوان .. زي ماقال الشيخ

فـ طبعا بوجهة نظري انو انا ممكن اشبه الانسان بالحيوان .. ووجه الشبه يكون في الصفات "كالوفاء او القوة"

زي مااتفضل اخويا نضال بتشبيه حمزة رضي الله عنه بالأسد .. ووجه الشبه طبعا القوة ..

وكمان المثل اللي يقول "أنت كالكلب في وفائه" مو معناه اني بشتم لما بقول لشبه أحد بالكلب .. لأن الكلب معروف عنه صفة الوفاء وانا حددت هو زيه في ايه ..

والدليل على تشبيه صفات او خصائص الحيوانات بالانسان لما قال الله سبحانه وتعالى "كالحمار يحمل أسفارا"

واعتقد ان المشايخ "كثير" يستشهدو بهذه الآيه .. مو المفروض انه حرام لأنه تشبيه الحيوان بالانسان ؟؟؟

احنا ماشبهنا في الشكل او الملامح بين الاتنين عشان طبعا "ولقد كرمنا بني آدم" انو اكيد ربنا فضلنا على سائر مخلوقاته ..

ومثل ماقلت صدقيني لوماهي فتوى بااقتنع مثلك لكن لامجال للأجتهاد اشكرك لمرورك الكريم

شوفي ياحبيبتي .. لو كل انسان قال كده زيك .. اذن مافي أمل الدنيا تستمر ولا الأغلاط تتصلح .. ولا العلماء يجي علماء افضل منهم .. ولا العلم يتطور .. ونقفل عقولنا ونموت احسن :)

حبيبتي الاجتهاد ممكن في اي شي .. ماعدا القرآن والسنة :)

غير كده نحترم رأيهم ..لأنهم اجتهدو .. واحنا كمان نجتهد ونقول رأينا ..وكلنا بشر ..غير معصومين من الخطأ :)



تحياتي للجميع ..