هل يصح أن نشمت فيه؟؟ وفاة والد أمين جدة ..

[أمير القلوب]

الحمدلله أنو حنا مسلمين ونهج محمد صلى الله عليه وسلم عندما
قال له جبريل بأن يطبق على كفار مكة الأخشبين قال : لا . وهم كفار
فما بالك بمقصر وهو أخوك في الاسلام لا ندعوا عليه بكثرة
المصائب وإنما ندعوا له بالهداية وإن كان فيه خير أسأل الله
أن يهديه
أو أن يرزقنا من هو أفضل منه .

أسأل الله له الهداية وأن يغفر لوالده
تقبل مروري

[بوليمر®]

الشماته ماهي حلوه بشكل عام

المشاركة الأصلية كتبت بواسطة قاهر المتكبرين ما أعنيه بالشماتة هو الحسرة والألم الذي قد يعتريه وهو يفارق أحبابه ..

ما ادري اذا كان امين جدة الحالي له دخل في اللي صار او لا .. وقد تكون العملية تراكمية من الامناء اللي قبله

لكن وان كان له دخل ويد مباشرة في اللي حصل .. فاللي مثل هؤلاء الناس ما يتحسر لا على ابو ولا على غيره .. قيده له سوابق وصحائف سوداء تشهد لهم واقرب مثال مئات الموتى من الانفس في جدة وغيرها من تلفيات في الممتلكات والارواح ...!!

الله يرحم والده ويدخله فسيح جناته .. ويهدي كل مسلم

[never hide]

و بالنسبة لكارثة الامطاراعتقد أن المشكلة اهمال متراكم و يشترك فيه عدة اشخاص و ليس شخص بعينه ...

لكن بصراحة ما أحب الشماته لأني اشعر انها صفة لا تليق بالمؤمن ...

عمركم سمعتو عن الرسول صلى الله عليه و سلم اتشمت بأحد ...

الله يمهل و لا يهمل و مصير كل ظالم أن يسلط الله عليه أظلم منه.

[يلدرم]

لا حول ولا قوة الا بالله

[MISS EZ3AG]

ياجماعه أمين جدة الحالي ما اعتقد له ذنب ..! تدروا ليه؟
لأنه ثلاث أرباع أحياء جدة مبنيه على مجاري سيول بالأصل ..!
كل واحد يسأل أبوه أو أمه .. من متى هالأحياء موجوده ..؟ اتوقع قبل لا أهلنا ينولدو اصلا
المشكلة متراكمه من اكثر من 35 سنه
أمين جدة الحالي ماعنده عصا موسى عليه السلام .. يغير كل شي بغضون 5 أو10 سنوات؟؟
انتو فكروا فيها بعقلكم .. أولا لازم يأمنوا مساكن لكل عائلة راح يهدم بيتها من أجل تصحيح الخطأ
وتعالوا نشوف خريطة جدة وشوفوا كم حي عندنا وكم بيت مبني في مجرى السيل ..!
اتوقع كل حي ماتقل عدد البيوت اللي فيه عن 20 أو 30 بيت
ترا الشغله ماهي سهلة .. ولو أمين جدة راح للأمارة وش بيقول لهم بالله؟؟ بيقول ترا جدة خرابه ولازم نغير كل شي؟؟ محد راح يسمح له يغير كيان جدة .. افهموها واطبخوها بعقلكم .. ترا الشغلة خرابه في خرابه .. والمهندسين الشباب المتخرجين دوبهم اللي ديوان الخدمه المدنية مستخف فيهم .. هم اللي طلعوا كفو وتكلموا بالصور وشرحوا للشعب اللي غاب عنهم في المناهج والكتب ..!

[O.D]

المشاركة الأصلية كتبت بواسطة miss ez3ag ياجماعه أمين جدة الحالي ما اعتقد له ذنب ..! تدروا ليه؟ لأنه ثلاث أرباع أحياء جدة مبنيه على مجاري سيول بالأصل ..! كل واحد يسأل أبوه أو أمه .. من متى هالأحياء موجوده ..؟ اتوقع قبل لا أهلنا ينولدو اصلا المشكلة متراكمه من اكثر من 35 سنه أمين جدة الحالي ماعنده عصا موسى عليه السلام .. يغير كل شي بغضون 5 أو10 سنوات؟؟ انتو فكروا فيها بعقلكم .. أولا لازم يأمنوا مساكن لكل عائلة راح يهدم بيتها من أجل تصحيح الخطأ وتعالوا نشوف خريطة جدة وشوفوا كم حي عندنا وكم بيت مبني في مجرى السيل ..! اتوقع كل حي ماتقل عدد البيوت اللي فيه عن 20 أو 30 بيت ترا الشغله ماهي سهلة .. ولو أمين جدة راح للأمارة وش بيقول لهم بالله؟؟ بيقول ترا جدة خرابه ولازم نغير كل شي؟؟ محد راح يسمح له يغير كيان جدة .. افهموها واطبخوها بعقلكم .. ترا الشغلة خرابه في خرابه .. والمهندسين الشباب المتخرجين دوبهم اللي ديوان الخدمه المدنية مستخف فيهم .. هم اللي طلعوا كفو وتكلموا بالصور وشرحوا للشعب اللي غاب عنهم في المناهج والكتب ..!

فعلا أنا ما أعتقد انه له ذنب المشكلة متراكمة من زمن طويل و ممكن يكون ذنبه انه سكت و ما حاول يحل المشاكل الحالية أو يكون حاول بس محد أعطاله وجه زي ما ذكرت الاخت الكريمة لأنه مو معقول يغيرو كل شي في يوم وليلة و في اعتقادي اصلا انهم ما كانو يتوقعو انه الكارثة تكون بهذا الحجم لأنه عادة تنزل الامطار في وقت معين من السنة وبكمية محدودة و ما تكون الخسائر بهذه الصورة لكن الله سبحانه و تعالى فضحهم فهو يمهل و لا يهمل وهذه السنة كانت كمية الامطار على غير المتوقع فالموضوع خرج عن السيطرة و انكشف المستور

[Wanes]

الأفضل تدعي له بالهداية لو أنه فعلا ً هو السبب

واللي مطلع على الأمور يعرف جيدا ً أن أمين جدة الحالي لا ناقة له ولا جمل في اللي حصل

[JuStice]

.

هههههههههههههه يا مسكين ..

ما راعيت الأمانة وفي الأخير مات أبوك متحسر من أفعالك .. يلا حصل خير عالأقل ارتاح منك (:

سواء خائن جدة الحالي أو اللي سبقوه .. وربي أشمت فيهم ليل نهار ..!

وحتى لو كان السبب هو الخائنين السابقين .. يعني حضرته جاي يتفرج وبس ..؟ ليش ما بدأ يصلح واشتغل وينفذ المشاريع !!

واللي قاعدين يسوو نفسهم ملائكة وإنها مو أخلاق مسلمين ومدري ايش خخخ لا تضحكوني زيادة بالله عليكم

واللي يده بالنار وحرقته مو زي اللي يده بالتلاجة يطلع منها وياكل !

.

[لولو كاتي]

الله يرحمه انا مااحب اشمت بأحد و جدة هي بالاصل كانت بحر - وربنا كااااتب كدا وقوته فوق قوة اي امين
سواء موت الضحايا او ابوه كله في النهاية مقدر ومكتوب
يعني قدّر الله وماشاء فعل

[عاشق البرمجة]

الرسول صل ىالله عليه وسلمكان له جار (يهودي) يؤذيه ويضع الأذى أمام بيته

لما شارف إبنه على الموت ذهب ودعاه للإسلام ونظر الولد لأبيه وكانه يطلب شوره فقال له : أطع أبا القاسم!

طيب لو جينا ع مقياسك حنقول أنه الرسول المفروض يتشمت باليهودي لأنه كان يؤذيه وانه الشماته باليهودي مالها علاقة بإبنه؟؟؟ وحاشا رسولنا وحبيبنا محمد صلى الله عليه وسلم ذلك

متى سنترك شخصنة المواضيع والتهجم على الأشخاص والنيل من كرامتهم وتجريدهم من إنسانيتهم؟؟
لن نتقدم وتفكيرنا لا زال في مرحلةِ كهذه

بل يا أخي نقول رحمه الله وغفر له بل ونذهب للأمين ونعزيه في أبيه وندعو له

سبحانك ربي هذا بهتان عظيم