اللي راح اليوم بليييييييييييز يقول

[izon]

المشاركة الأصلية كتبت بواسطة *mimi-chan* بنات سووا زيي 1- صلوا إستخارة 2- خذوا الأمر على أنه مغامرة شيقة لمدينة الوحل و الضفادع ^^ 3- ألبسوا بوتات يفطل بلاستيك أو جلد سهل التنظيف 4- أنا دحين أحلل لبس البنطلونات الوضع ما يتحمل تنانير 5- كل يووووووووم يقولوا بتيجي مصيبة و ما بتيجي لأنهم خراطين ولا يعلم الغيب إلا الله أكرر للمرة المليون أحد كلمات الرجال العظماء (لا تصدق ما تسمع و لكن صدق ما تراه بنفسك)>>>>>>الكلام مو حرفي بس بما معنى الجملة 6- ترى الجو يجنن و الحياة حلوة و المطر هذا نعمة مو نقمة صحيح في شهداء الله يشفعلهم و يصبر عائلة كل فقيد و شهيد.... لكن أسألكم بالله لو ربي مقدرلكم إنكم حتموتوا في هذا اليوم هل مجرد إنك ما رحتي الجامعة ربي رح يبعد عنك الموت هو لازم الأخذ بجميع الاحتياطات و كل شيء لكن إنت لو أتوكلت على الله زي كل يوم و حصنتي نفسك زي كل يوم هل حتشكي في الله إنه حيصير فيك شيء؟؟؟؟؟ أنا صراحة بروح كل يوم عادي جدا ولا كأن شيئاً حدث لأن في الأول و الأخير الأعمار بيد الله و هذا أولا و أخيراً مطر موية يعني رزق صارلنا 10 سنين بنصلي صلاة الاستسقاء و ما جانا شيء و دحين لما جانا نجلس نخاف؟!؟! أقلكم معلومة أيام قنبلة هيروشيما لما نزلت على الناس فوووووووووووووق رؤوسهم و شوهتهم و صاروا يسيحوا!!!!!!! و الأطفال من الوجع صاروا ما يصرخوا و عظامهم تذوب إيش سووا؟؟؟؟ اليوم بعد نزول القنبلة عاد جميييييييييييع الطلاب لمدارسهم و كأن شيئاٍ لم يكن و الله حالنا يبكي روحوا الجامعة و بلا دلع

والله عزيزتي انا رحت اليوم وقالوا لي مافي محاضرات قلت خلاص مابروح بس والله انك شجعتيني اني اروح تاني وثالث وماخاف احسن كأنها مغامره الله يسعدك ويوفقك وإن شاء الله البنات يتوكلوا على الله ثم يقرءوا كلامك ويتشجعوااااااااا

[بنت جداوية]

كيفكم ايش اخباركم
انا اليوم رحت الجامعة الساعة وحدة ونص الجامعة صح فيها طين بس المباني الحمدلله نظيفة .
المهم ادخل في الهرجة رحت قالولي الامن انو مافي محاضرات للانتساب بعدين رجعت بيتي .
بعدين على الساعة 4 دقت عليا وحده وقالتلي في محاضرات اليوم رحت لبست بسرعة ورحت الجامعة وسالت كلية الاقتصاد والادارة قالولي في محاضرات قلتلها انو الامن كنت بادخل قالولي مافي محاضرات قالتلي هما قصدهم السنة التحضيرية خطة ب تعليم عن بعد اما الباقين المستويات الاعلى يحضروا عادي .
المهم بعدين فاتت المحاضرة حقت الساعة 3 والحمدلله لحقت المحاضرات الباقية والحمدلله كلها كانت في مبنى 420 .
صح انو البنات يعتبروا قليل بس الحمدلله انو حضرنا كل المحاضرات وبكرا ان شاءالله حيزيد عدد البنات.
واهم شيء اتعلمتو انو مره ما اسمع من اي بنت لازم اتاكد بنفسي لانو ياكثر الشاعات اللي طلعت
مع تحياتي

[moon99]

يابنات انا اليوم رحت والوضع عادي مافي اي مشاكل حتى الطين اللي يقولو عنو مره عادي تروحي
وترجعي وانت نظيفه
والله لاتضيعو على نفسكم محاضرات اتوكلو على الله وروحو
الاستاده قالت اليوم انو لو كان بس الموجودين خمس طالبات حانعطي محاضره
الوضع جدا عادي