نقاش حاد جدا ,,,

[مشمشانا]

في شغلة تانية نسيت اقولها ويمكن هي اهم سبب لعدم دخول العريس

وهو الله يهدي بناتنا بس دحين البنت لو ما يشوفها العريس

ما ترتاح وكانها ما راحت الفرح ودا شي يقهههههههههههر بشكل

تخيل في زواج بنت خالي انزف العريس والبنات بكل وقاحة

قاعدين على الكوشة بدون عبي كلنا انصدمنا وسارت استفهامات فوق

راسنا وانا عصبت من جد انقهرت واللي قهرني اكتر ان في وحدة وقحة ما تكشف

على العريس وزفتهم قدامنا وانا وبنت خالي كنا في قمة العصبية

وموقف تاني يوم زواج ولد عمي وولد عمي دا زي اخويا الكبير لانو بابا

اللي رباه لانو يتيم وهو بجد يعتبرني اختو ولكن بحدود الشرع

انا بغطي عليه زيو زي الباقية فيوم زواجوا كنت مغطية ودخلت زي زي الباقين

البوفية وحطوا البارتشين وما سلمت عليه على الرغم من انو بابا عندوا عادي

ولما كنت خارجة سلمت على اختو وكان جنبنا بنات قاعدين في الاستقبال

كاشفين انا استغربيت منهم لانو مكانهم بيكشف على طول المهم سلمت

وخرجت تاني يوم اختو بتكلمني وتقول انو البنات اللي كانو جالسين

قالتلهم العريس بيمر غطو ولا ادخلو ما رضيوا وقالولها عادي

خلي يمر فهي عصبت وقالت لاخوها عدي بس لف وجهك لانو في بنات

الولد غطا وجهوا بالشماغ ومشي وهوا لاف وجهوا وبكل وقاحة وحدة

لدي الدرجة مستحي فايش رايكم وتبغوا تدخلوا العريس كمان

بالاظافة للحركات المصخرة اللي سارت في الزفة بيرقصو سلو

وبيحضنوا بعض ويبوسها ومني عارفة ايش يعمل معاها

ما كانو في غرفة يعملوا فيها اللي يبغوا بدون الحركات دي