بقايا حجاج!

[soma al7elwa]

البركة في "كلاش" وأمثاله

انا كنت ماشية ولا أدري عن موضوع بدوي وحضري دا شي

وفجأة بعد ما سمعت الاغاني دي

لا حظت منجد انو ناس كتيييير عندهم العصبية دي

بدني كلو قشعر من الألفاظ اللي يقولها اساسا كأنو جالس يعد من واحد لعشرة

وقذف وسب على كيف كيفك

واخرتها يطلع مو مكمل دراسته وساكن في حي استغفر الله بس

وحالتو الله لا يشمت فينا عدو ابدا يارب

وساكن في جدة

ومن المعروف انو اللي عمل مدينة جدة هما الحضارم و"بقايا الحجاج" زي ما بيقولوا

وتلاقيهم يسبوا فيها بلد الصياعة وبلد البنات البطالات ومدري ايش

واخرتها ايام الاجازات منت قادر تمشي في الطرق منهم جايين يتمشوا

وتلاقي دي نظرتهم للسعوديين من اصول تانية

اما بالنسبه للاجانب والعرب

فحدث ولا حرج

حيوانات بعيد عنكم مو بشر

تلاقيه يكلم الدكتور المصري كأنو بواب العمارة

أما لو جاهم اجنبي من "الجنسيات الممتازة" على قولتهم اللي هما الاوربيين والامريكيين والاستتراليين

مستعدين يرفعوهم فوق ريوسهم وهما اللي فاهمين وهما الدكاترة وهما مش عارف ايش

منجد مرة شفت كراكتير واحد اشقر وعيونو زرقا وجالس يشحت في الشارع ومكتوب فوق في بلده

وفي مربع تاني مكتوب عندنا حاطينو مدير

الله يشفي مجتمعنا من التخلف يااارب