تقرير على فشل نظام التراكمي في الثانويه الي جاب نظام التحضيريه "دفعة تجارب 09"!!!

[أسير999]

انا من ناحيتي مؤيد للنظام الجديد
بالعكس المفروض الطلاب يكون عندهم حس باللي جالس يصير بالجامعه من ناحية الـ gpa
حنا بالجامعه نعتمد اعتماد كلي على المعدل التراكمي ولازم الطلاب يجربون قبل ويعرفون انه السنوات كلها للثانوية العامة مهمه وليسة مقتصره فقط على الثالث ثانوي
اذكر انا في الثانوية كانوا الطلاب يجتهدون فقط في الصف الثالث اما اول وثاني ثانوي كانوا يبحثون عن النجاح فقط لاغير واذا جتهم اسئلة القدرات العامة طارت عيونهم يقولون وش هالاشياء ماقد شفناها ؟؟!!
وهي اصلاً كلها دارسينها في اول وثاني ثانوي لكن للاسف ماكانوا معطين المواد اهتمام وكل النظرة فقط للنجاح

:) ويكفيهم بس انه الاختبارات النهائية للصف الثالث ثانوي تجي من مدرسينهم الاصليين يعني مافيه شي اسمه اختبارات وزارة اللي هي كانت اختبارات تعجيزية وللاسف شفنا اسئلة في بعض السنوات كانت من مناهج قديمة واللي في الوزارة حافظين الاسئلة ومصورينها ومزعينها على الطلاب من غير مايتأكدون انه المواضيع كلها تدرس حالياً