بين خطه أ و ب (سمعه)

[LucKy LAD]

مساء الورد لكل اعضاءنا الكرام وخصوصا آلأ تحضيري <<هما كدا يسموهم

ان شاء الله الكل متحمس للدخول في سباق التحضيري ومتعطشون لكلية الاحلام

طبعا احلا شي في الدنيا الصراحه وأكيد كلكم تشاركوني نفس الفكره دي

والغالب على حد علمي واصلته فكره ان خطه (( ب )) هيا الجحيم على عكس خطه (( أ ))

طيب انا حقلكم حقيقة السمعه دي وعشان تكونو في الصوره


خطه أ و ب

تبدأ كل خطه بمواد والترم الثاني تنعكس وكدا يكون كل الطلاب انهو السنه على خير<ولا يهونو الاخوات ^___^


انا اقلكم يا طلاب خطه (( ب )) مافي شي اسمه أصعب او

ان مستقبلك راح بمجرد انك ولد في ب

كل اللي حصل اننا لمن كنا جيل التجربه

كان في مواد مررررررررره كانت فيها لخبطه والشي دا انعكس ع الدرجات

وضاعت احلام ناس كثير مقابل خطه أ

لكن الجامعه عملت كيرف أب وكانت اختبارات خطه أ للكيماء صعبه

يعني حاولو يعملو نوع من الموازنه صح ما كان كافي بس يكفي انهم حاولو

النظام اتعدل كثير الان على الغالب واللي راحو فيها كانو تضحية تجربه


اهم شي انكم ما تسمعو كلام المحطمين واللي يقللك اووووه انت ب الله يعينك

لا مافي شي صعب الخطأ اتصلح والف مبروك عليكم خطه ب لأنها حتعودكم علة المزاكره

أول بأول

لكم مني اطيب التحايا واي سؤال حاضرين


محبكم

LucKY LaD

[ultraviolet]

ما قصرت يا زياد

و اهم نصيحه لطلاب التحضيري
زاكرو اول باول و اكتبو ملاحظات الفيزيا و افهموه مره مزبوط >>>> متعقدة من المادة دي


كما عهدناك سباق للمساعدة

[ساجدة الموسى]

لحد الآن ما طلع جدولي ، بس لاحظت اكثر الشباب والبنات متخوفين من خطه ب ...

زي ما قلت اخوي بالنهايه حنا بندرس المواد كلها ،[ موفقين إخوهـ [

[banOta ch!c]

شكرن على النصيحة والله يعيني

[LucKy LAD]

العفو وياريت تنشرو فكرة

ان الخطتين متساويه


وما في شي اسمه ((أصعب ))

[حبي للوطن]

ثانكيو فري متش دكتور

[rayyan1444]

زياد في ناس يقولوا خطة ب اصعب مايسير الكلام ذا !

خخخخخخخخخخخ مشكور يا زياد لاعدمناك

[dr.hope]

خطة ب مو اصعب

بس موادها تجيب الهم وكل ابوها بالانجليزي

بس هيا اول اسبوعين وتعدي

اهم شي في خطة ب

مادة الاحياء

واصلا السنة دي غالبا غالبا حتكون منظمة اكثر ومرتبة اكثر

مو زي السنة اللي راحت

الدنيا كانت خبيييييييييييص

هههههههههههههههههه

بس منجد خطة ب

أحلى من خطة أ

يعني انك تدرس مواد خطة ب في الترم الاول احسن من انك تدرسها الترم الثاني

هذا رأيي

وشدو حيلكم يا تحضيريين مررررررررررة

الله يوفقكم ونشوفكم محققين احلامكم وكل واحد يدخل الكلية اللي يتمناها يارب

..........

مشكور لاكي لاد عالتحميس

:)

[أحلا من الحلا]

يعني انك تدرس مواد خطة ب في الترم الاول احسن من انك تدرسها الترم الثاني هذا رأيي

حتى انا احس عشان لاسمح الله خبصت في الترم الاول شوية تقدر تزبطها الترم التاني لانو المواد أسهل
بس عموما لاتخافو ياأل التحضيري الجدد والله كلها سهلة وكل المواد راح تاخدوها ولاتحطو في بالكم هما أ ونحنا ب والعكس

[مشمشانا]

يب يب انا كدا بقووول

وبعدين انا بحب الكيمياء مرح اشوفها صعبة بس صحبتي بتكرها راح تشوفها صعبة وكدا

يمكن الحلو في ا انو المواد الاولى بتكون فرفوشة زي مهارات الاتصال والحاسب

ولكن انا ما راح اسمع كلااامهم وان شاء الله اجيب معدل مع انو خطتي ب

وزياد سؤال في اي خطة كنت ؟