من تجربتي ..!

صحوة إحساس · #1 17-09-2009, 10:29 AM

تحية طيبه جمالها كجمال اروحكن ..
عزيزاتي ..
من تجربتي للتحضيريه وددت ان اسطر لكن على صفحات منتداي الغالي
نصائح عل احداكن او اخرى تستفيد

حبايبي ..
اول شي ..
نصيحه مني كل وحده تهتم بجدولها ومحاضراتها لا تفوتي ولا محاضره مهما استسهلتيها
ممكن كلمه تفوتك ما تدري قد ايش هي مهمه
كل كلمه تقولها الاستاذه سجليها وافهميها من قلب
واذا فيه نقطه مهما كانت صغيره ما فهمتيها لا تنشطي اسألي عنها وافهميها
والله الله في الواجبات صحيح ما عليها درجات بس ما تعرفوا قد ايش راح تفيدكم ومنها تتدربوا على اسلوب الاختبارات وتفهموا اكثر واكثر
ومحاضرات حل التمارين والله والله مهمه مهمه اكثر من المحاضره الاساسيه تفهموا فيها من قلب
اياكم والكلام والسرحان في المحاضرات ترى كل كلمه تنقال مهمه
ولا اوصيكم على المكتبه الالكترونيه فيها ملخصات ونماذج مهمه ومفيده واااااااااااايد واااااااايد
واهم اهم اهم شي المذاكره اول باول ابدا ماراح تندموا

ما ابغى اطول عليكم
اتمنى اكون افدتكم .. واذا تبغوا اي حاجه انا في الخدمه ..

اتمنى لكم اعلى المعدلات وتدخلوا التخصصات اللي تطمحوا لها

الله يوفقكم ..

@ بسمـــــة إنكســـــار @

بنت بنوت الحجاز · 17-09-2009, 10:32 AM

جزاك الله خير اختي بسمة انكسار وجعله الله في موازين حسناتك في هذا الشهر الفضيل
وفقك الله

بريانكا · 17-09-2009, 10:36 AM

جزاكي الله خير

مشكوره ع النصايح

الله يوفقك ياااااااااااااااارب

صحوة إحساس · 17-09-2009, 10:41 AM

لا شكر على واااجب
يمكن احنا اول من جرب
ولازم نفيدكم
اذا احتجتوا اي شي لا تترددوا
اتمنى افيدكم
واذا اتذكرت اي شي حرجع واقوله

LucKy LAD · 17-09-2009, 10:46 AM

اضافه بعد اذن صاحبة الموضوع للفائده

تأكدو ان الاختبارات غالبا ما تكون بسيطه باذن الله لكن تكمن الصعوبه في الفكره

يعني السؤال سهل بس فيه فخ صغير <<<هذا مو دائما

ثانيا

أغلب المواد متساويه في الساعات الى حد ما

لو شفت نفسك ضعيف في ماده حاول انك تعوض في ماده ثانيه انت شاطر فيها

يعني الكيمياء متعبتك وجبت 25 من 30

خلاص الفزكس جيب 30 وهكذا

الانجلش وما ادراك م الانجلش
سر التحضيري

من يحسن استخدامه يساعده كثييييييير في رفع المعدل

خصوصا ان كان سهل عليه

ولو خليته عتبه كدا تورط نفسك

أخيرا
الملخصات المكرره اسماءها في المنتدى مليون مرره ((اشرف بركات فزكس )) الـخ

افتحوها يوميا كأنها الكتاب ولا تعتمدو فكرة الملخص ليلة الاختبار

وبالتوفيق للجميع والعذر من صاحبة الموضوع

محبكم

LucKY LAD