فقط للطلاب والطالبات المستجدين...

[مونه العسوله]

السلام عليكم ياحلوين

كيف حالكم ان شاء الله الجميع يكونو بخير

ابغى اعرف ايش كان شعوركم لمن قالوا لكم انقبلتوا في الجامعه

يعني لمن عطوكم موعد عشان تقديم الاوراق

انا عن نفسي كنت جالسه على اللاب قمت وقعدت انطنط واصرخ ومن الفرحه مانمت غير الساعه11في الصباح

بس ابغى اللي سويتوه بصراحه....

[wan]

انا مو مستجده بس ينفع أقول مشاعيري ..

وقتها انقبلت في كلية التربيه وهااااااتك يا بكى :(
و أهلي قلك سارو يقنعوني خلاص تخشي دار الحكمه أو عفت و أنا مصنقره و ابكي

المهم مرت الأيام و كان عندنا عزومه بالبيت > قصة حياتهم
و فجأه و أنا قاعده يجيني مسج ع الجوال ..






























نكمل الحلقه الجايه







لا لا أمزح هههههههههههه

المهم جاني مسج إنو توجد أماكن شاغره في المسار الإداري الإنساني و الرجاء مراجعتنا

وقتها قعدت أنطنط و الناس يطالعو و روحت ع الحمام الله يكرمكم و قعدت أبكي من الخرعه
و بنات خالتي يهدو فيا هههههههههههههههههه

و جا اليوم حق المراجعه و رحت و الحمدلله أتيسرت و في أقل من ساعه أستلمت بطاقتي و وقت ماسلمتني الموظفه البطاقه
سرت أقولها خلاص يعني أنقبلت أكيد و هيا تضحك تقولي إيوا و أنا أقولها أكيد .. طبعاً الحرمه حزنانه عليا و أنا طلعت من هنا و معايااااا بكيه على فرحه على نطنطه على رقص على شعور ملخبط

المهم الحمدلله الحمدلله الحمدلله الحمدلله

و هـآ أنا دحين طالعه مستوى 3 ولله الحمد

و مرره نايس الموضوع

بالتوفيق خيتو

[مونه العسوله]

ههههههههههههههههههههههههههههه ياعسللللللللللللل

[احساس برئ]

وانا كمان بس انا انقبت على طول في الجامعه
مافي لف ودوران زيك المهم انا ماصدقت
ورفعت خشمي على كل الناس
اللي يشوفني يقول ماخذه الدكتوراه
بس والله فرحتى ماتنوصف ياقلبي
والله من كثر مافرحت خفت اتجنن
لانو مابقي احد قدامي الا نقزت قدامه
حتى ابوي خاف علي هههههه
مشكوره حبيبتي ع الموضوع

[فروته]

انا ما كنت مصدقة كنت احسهم كذابين

يا قبلوني بالتربية او قبلوني تعليم عن بعد << ما ادري ليش هع

قعدت اقول لامي اكيد غلطانين او انا ما فهمت ايش قصدهم

و جلست ساحبة على جامعة عزوز لانهم اكيد غلطانين هههههههههههههههههههههه حالتي صعبة

وبعدين لما رحت موعد المراجعة جالسة و كل اللي ببالي باروح يقولون لي التربية

لدرجة اخر شي كنت حاطلع من القاعة و اروح البيت ما ابي اكمل اجراءات التسجيل بس امي خلتني اجلس هع

ولما وصلنا لمرحلة اختيار المسار وقتها قعدت اقول معقولة يعني حيقبلوني انتظام

جلست اسال الموظفة الي موجودة باقي مكان بالانتظام اداري قالت ايوه باقي تبغي مسار اداري انتظام

جلست اقول اكيد قصدها تربية ههههههههههههههههه عندي عقدة هع

قلتلها قصدك انتظام انتظام دوام صباحي و مكافآت عادي كذا طبيعي

قعدت تضحك علي تقول ايوه هو مكافآت و دوام صباحي

والله ما صدقتها ابدا ههههههههههههههههه

ولما اخترت بالشاشة المسار علق النظام

قلت بس الحين احد ياخذ مكاني و تقلي معليش تربية

و بعدين تصلح النظام و لسى باقي لي مكان هع هع هع

اول ما طلعت من القاعة قعدت اضحك بصوت عالي حتى عاملة كانت واقفة تضحك علي

و امشي بدون اي مبالغة ماني قادرة اقفل فمي ابتسامة مرة كبيرة

و كل ماا اشوف بنت اقلها انقبلت الناس صارت تضحك علي ههههههههههههههههههههه

ولما رحت البيت جلست اقول لماما و خالتي اليوم ما ابغى انام و لا اكل باقعد عالسرير اتامل البطاقة

والله من جد طول هذاك اليوم البطاقة بيدي هههههههههههههه

[نيلوفر]

لوووووووووول فروته وربي ضحكتيني
انا تقريا زيك بس انا الين يومك هذا وانا فرحانه بالبطاقه كل شوي اروح اشوفها
عاد انا رحت ومره ماكان عندي امل انهم يقبلوني لانو شهادته السيره والسلوك عندي ضاعت وكان على بالي انها مطلوبه
فاا رحت وقلت يلله على الله
والحمد لله ماطلبوها مني وعدت على خير وقبلوني وعلى طول اتصل على امي وابشرها
وأول مارجعت البيت طواالي ضميت امي وقعدت ساعه وانا ضامتها من الفرحه

[MNMO0ONA]

هههههههههههه
الله يجعل حياتكم كولها افراح بافراح ياااارب

[العلم سلاحي]

اما انا بصراحة عادي بس في البداية فرحة بس ولا كنت بستنا الرد لاتقول مابحب الدراسة بصراحة انا من الذين يحبون العلم

[றs.ŞhekặЯ]

انا دخلت على بالي انو بالليل يوم الجمعه طلع الصباح دخلت وانا مرا مرعووووبه الحمد لله لقيت الموعد

الساعه 7 او 8 الصباح بابا كان خارج من الحمام رحت اقلو بابا يقلي ها سااكته يقلي سويتي شي في شي

قلتلو اتقبلت بالجامعه فررررررررررررررررح ومبرووك ومدري ايه لاني الوحيده البنت بالبيت

يارب يتمم فرتحتو بنجاحي بحياتي يارب ماما كمان لمن رحت اخدت بطاقه علمي

رجعت البيت مخنووقه مراا بعدها باسبوع حولت اداري والحمد لله اني هنا بالاداري احسن من وجع الراس

تقبلي

[عبدالله الاول]

انا برضو ا مني مستجد بس برضوا حعبر عن شعوري
اول ماشفت اني كيس ومنفوخ هوا ونسمت
وبعد كذا رجع عقلي صيحت في المقهى وطردوني
وبالقوة اقنعت البنقالي انو بس يخليني اطبع الاوراق ووعدته معد يشوف وجهي
لاكن اكثر موقف غريب اول مرة اشوف نفسي مالي داعي
يوم القبول وتسليم المستندات
اطل في اللي جنبي
نسبتهم 98. 99. 97
وطل في شهادتي
واتاكد من الموعد
اول مرة احس اني جاي في وقت مو وقتي