ياجماعه ممكن اجابه لوجه الله

[Rana Hesham]

السلام عليكم ورحمة الله وبركاته
كيفكم؟ انشاءالله بخير
لو سمحتوا سؤالين يسدحوا نفسهم
1- في جامعه الملك عبدالعزيز في تخصص اسموا تعليم خاص للبنات؟ طيب إذا في كم المعدل المطلوب ؟ وإذا ماكان موجود في الجامعه موجود في فرع البنات؟
2-سمعت إنو في قسم رياض أطفال في الجامعه كم المعدل المطلوب؟
أرجوا الرد بسرعه لأني لسه سنه تحضيريه وأبغى أحدد ميولي وشكرا

[wan]

تعليم خاص و رياض اطفال و الله ماعندي فكره بس ماقد سمعت

إللي اعرفو فيه ( طفوله و امومه ) مرره مشابهه للي دكرتيهم

و بالنسبه للمعدلات أبداً لا تعتمدي على كلام احد لأنو كل سنه تنزل معدلات غير عن السنه اللي قبلها و الكليه نفسها هيا اللي تحدد بعد ما تشوف مستوى الدفعه

و انتي لساعك تحضيريه موال اخر ركزي فيه و جيبي معدل حلو عشان لمن تخلصي تتدلعي و تقدري تخشي اي تخصص تبغيه ..و لاحقه ع التسكين و التخصص .


و بالتوفيق

[أنثىْ لأ تنحنَيِ }`]

لا مافي دا القسم

كنت ابغاه

بس موجود بالعاصمه

[هداية الرحمن]

والله الي انا اعرفو انو في دراسات طفولة ويشبه كثير للتربية الخاصة
لانو التربية الخاصة لسه ما فتحت عندنا في الجامعه.... الله يوفقك يارب

[رندا البحري]

مافي رياض أطفال.......الرياض أطفال بمكة مو بجدة وإذا حتدخلي رياض أطفال ماتقدري تكملي ماجستير مايعترفوا بتخصص رياض أطفال........لأن مرت أخوية تخصصها رياض أطفال من مكة وجات تبغى تكمل ماجستير في جدة قالولها تخصصك ماتقدري تكملي فيه ماجستير...
إلي في جامعة الملك عبد العزيز إسمو تخصص الأمو والطفولة وتقدري تكملي ماجستير في دا التخصص

[Rana Hesham]

يسلمو على الردود
يلا خيرها في غيرها