امم سؤال بخصوص الماستر

[ظل الياسمين]

السلامـ لأهل السلامـ

أخبااركمـ ..؟

والله أحس إني مغبرة وأنا اكتب
من زماآن عنكمـ والله ..

وبما إني قلت من زماااان يعني ورآاي سالفة أو طلب
عاااد بدخل بموضوعي بسرعة أخاف تقرونه وأنتمـ صايمين وتقولون وش تبي ذي تطول عليناا السالفة وهي قصيرة
وتطلعون من غير رد << البنت مسطلة ترى

يا جماااعة الخير
الحين أنا لو تخصصي mis نظم معلومات إدارية وأبي أدرس ماستر is
ينفع ولا ما ينفع وهذي تخريفة من تخااريف صديقتي الصدوقة

أنا قلت اسأل عشان أشووف أتحمس للسالفة ولا أسحب ع الموضوع

عاد بالمرة قولوا لي ياااا أهل الخبرة
دورات نظم المعلومات الجغرافية مفيدة للـ mis ولا مالها دااعي

مشكووورين مقدماً
ومباارك عليكم الشهر ولو إنهاا متأخرة ,, بس مني اقبلوووها

[لحن الفرح]

وعليكم السلام ورحمة الله وبركاااته

احم..احم ..انا صديقتها عشان لاتحشوون في :)

اناا اقولهاا دائماا اسمع عند اخوانا اللبنانين تخصصهم بكالوريس غير الماستر كثير اسمعهم مثلا يكونوا دارسين ادب انجلش وياخذووا ماستر تسوويق اوو غيره

عشان هيك اقولها عاااادي

وموو تخريفة ياصديقتي الصدووقة :)

[Zero cool]

ظل مرحباااااااااا والله يبلغكم الشهر كامل بالله وين تبين تدرسين ماستر is هنا بالسعودية وش الجامعة الي تقدم درجة ماستر فيه بالسعودية ؟؟

[ظل الياسمين]

مدري يمكن بجامعة الملك عبد الله يعطوون ماستر is
بس يعني اسأل أقدر أقدم على ماستر بغير تخصصي أياً كان تخصص الماستر إلي أبغاه ؟؟

[Zero cool]

المشاركة الأصلية كتبت بواسطة ظل الياسمين مدري يمكن بجامعة الملك عبد الله يعطوون ماستر is بس يعني اسأل أقدر أقدم على ماستر بغير تخصصي أياً كان تخصص الماستر إلي أبغاه ؟؟

نعم بعد موافقة عدة اطراف معنية بالامر عليه ولازم تأخذين مواد تكميلة بعد ذلك
ولاأعتقد ان جامعة الملك عبد الله تقدم هذا التخصص حسب مااعرف ........

[ظل الياسمين]

امممم والله خساارة
كنت حاطة أمل .. بس دامه ينفع أخذ ماستر بالحاسب زيين
بس لو حالفني الحظ وطلع فيه بعثة للمرحلة السادسة دوورت لي دوولة تقدم هالماستر

مشكووورة يا عسل
وعسااني ما انحرم من ردودك

[Shahrayar]

ممكن يقبلوك في الجامعة هنا وليش تروحي بعيد
حتى لك الأولوية لأن تخصصك قريب من تخصص علم المعلومات
وما فيها شروط صعبة ولا غيره يمكن تأخذي مواد تكميلية بس أكيد حتكون أقل من غيرك
لأنه فيه تخصص ماستر في علم المعلومات بالجامعة وبالتوفيق
شهريار