اسئلتي كثيرة والله يعينكم .,.,.,.

[مدفعجي]

بسم الله الرحمن الرحيم
السلام عليكم ورحمة الله وبركاته

معليش أسئلتي كثيرة وأتمنى إنكم تجاوبوني عليها

س1 / كيف نسلم الواجبات للاستاذ ؟

س2 / الواجبات في الاسبوع كثيرة والا قليلة ؟

س3 / هل الرخصة الدوليه ( icdl ) إذا أخذتها تقدر تكنسل مادة الحاسب ؟

س4 / بالنسبة للسكن هل فيه انترنت ؟ وهل للسكن وقت محدد ما تتعداه << في ناس يقولون بعد 12 ما تطلع ..

س5 / وش الفرق بين السكن والتسكين ؟

س6 / في السكن في ملعب قدم والا لا ؟

س7 / السكن داخل الجامعة والا لا ؟ << لانه في اعضاء يقولون سكن داخلي وسكن خارجي ..

س8 / هل صحيح انه الاختبارات الشهرية تكون اختيارات وصح وخطأ فقط ؟؟


والله يعطيك العافية
ويجزاكم الف خير

والسلام عليكم ورحمة الله وبركاته .,.,.,.

[>>P]

والله اونا مستجده بس اقدر اجاوبك الا على الفرق السكن هو سكن الطالبات والتسكين هو تخصص الطالبه في الجامعه وفي سؤالك كمان مني متاكده من جوابه اعتقد ان كلامك صح اختياري الاسئله ولكن بس في السنه التحضيريه والله اعلم

[فاطِمه]

أنــا كمــآن مثــلكم مســتـجده ,,, ومـاأعرف غير جــوب السؤال 6 ,, وهو مثــل ماقــالت عنه الأخــت >>p

إن شـــاءالله يفــيدوني الأخوه ويجــاوبو ع اســئلتك ,,

والله يوفق الجمــيع :)

[MNMO0ONA]

المشاركة الأصلية كتبت بواسطة مدفعجي بسم الله الرحمن الرحيم السلام عليكم ورحمة الله وبركاته معليش أسئلتي كثيرة وأتمنى إنكم تجاوبوني عليها س1 / كيف نسلم الواجبات للاستاذ ؟ في المحاضره تديلو هيا س2 / الواجبات في الاسبوع كثيرة والا قليلة ؟ لا قليله س3 / هل الرخصة الدوليه ( icdl ) إذا أخذتها تقدر تكنسل مادة الحاسب ؟ ايوا بس لازم تكون من مكان معتمد س4 / بالنسبة للسكن هل فيه انترنت ؟ وهل للسكن وقت محدد ما تتعداه << في ناس يقولون بعد 12 ما تطلع .. السكن صراحه ماعرف لاني من سكان جده ان شاء الله غيري يجي يفيدك س5 / وش الفرق بين السكن والتسكين ؟ السكن اللي هوا المكان اللي هيا الغرفه الخاصه اللي تسكن فيها التسكين اللي هو التخصص او الكليه اللي يقبلوك فيها فنسمي دا الشي تسكين لانهم يسكنوك في الكليه او التخصص اللي تبغاه س6 / في السكن في ملعب قدم والا لا ؟ ماعرف س7 / السكن داخل الجامعة والا لا ؟ << لانه في اعضاء يقولون سكن داخلي وسكن خارجي .. سكن خارجي اللي هوا على حسابهم يعني مو في الجامعه والداخلي اللي هوا خاص بالجامعه س8 / هل صحيح انه الاختبارات الشهرية تكون اختيارات وصح وخطأ فقط ؟؟ صحيح ماعدا الانجلش الرايتنق نهايه السنه تكتب تعبير والله يعطيك العافية ويجزاكم الف خير والسلام عليكم ورحمة الله وبركاته .,.,.,.

واتمنى اني افدتك ولو بالشي القليل

[υикиσωи]

وعليكم السلام ورحمة الله وبركاته ...

س1 / كيف نسلم الواجبات للاستاذ ؟
حسب ما يطلبو ..
بعضهم يشترطو انو يكون بالكمبيوتر ..والبعش ما يدقق ..
أهم شي تكتب معلوماتك ..اللي هيا اسمك ورقمك الجامعي وشعبتك ..
برضو دا كلو حيعتمد على الاستاز والدكتور وحيوضحولكم هيا في بداية السمستر بازن الله

س2 / الواجبات في الاسبوع كثيرة والا قليلة ؟

لا مهي كتيرة ان شالله
بسس الانجلش اللي ممكن يكون كتير <<ودا راجع لاستازك برضو
مسلا الماث 4 شباتر في الترم ..فحيكون 4 واجبات في الترم ..
نفس الشي الاحصاء ..
ووجبات الاحصاء والماث مراااا ممتعة بسس تاخد وقت حبتين

س3 / هل الرخصة الدوليه ( icdl ) إذا أخذتها تقدر تكنسل مادة الحاسب ؟

بالزبط ...
بسس مو تتكنسل ..بسس يعادلولك هيا ..يعني خلاص ما تاخدها تاني
بسس ازا كنت حاسس انك ممكن تجيب فيها درجات ..فالافضل انك ما تعادلها عشان ترفعلك معدلك

س4 / بالنسبة للسكن هل فيه انترنت ؟ وهل للسكن وقت محدد ما تتعداه << في ناس يقولون بعد 12 ما تطلع ..

أنا بنت ... يعني الله اعلم ..الاعضاء التانيين يفيدوك ان شالله


س5 / وش الفرق بين السكن والتسكين ؟

فرق السما عن الارض ..
السكن : هوا محل ما تسكن ..ازا ما كنت من جدة ..خخخخخ
اما التسكين : فهوا الكلية اللي حتتسكن وتتحط فيها بعد ما تجتاز السنة التحضيرية بازن الله
<< كيف التعاريف بسس ...خخخ

س6 / في السكن في ملعب قدم والا لا ؟

الله اعلم ...خخخخ

س7 / السكن داخل الجامعة والا لا ؟ << لانه في اعضاء يقولون سكن داخلي وسكن خارجي ..

السكن تبع الاولاد براا الجامعة ..
والسكن الخارجي دا زي سكن عفت << للبنات .. يعني غير حق الجامعة

س8 / هل صحيح انه الاختبارات الشهرية تكون اختيارات وصح وخطأ فقط ؟؟
كلام مو صحيح ..
بسس ابدا ابدا ما حيكون مقالي
كلوو اختياري ...

[مدفعجي]

الله يعطيكم الف عافية
مشكورييييييين ما قصرتوا