من فين اجيب تووصيااات الإبتعاث؟؟

[dark eyes]

صراحة الموضوع باين من عنوانه من فين اجيب توصيات الإبتعاث بالإنجليزي؟؟ وهل لازم بالإنجليزي؟؟ ولا عادي نترجمو؟؟

طبعا الكل عارف انو ما في دكاترة في الجامعه الكل في اجازة ؟؟ طب لازم نجيب التوصيات من دكتور ؟؟ يعني ما ينفع من استاذة او اجيبها من الشؤون ؟؟ ولا مافي ؟؟

طيب ما نقدر نجيبها من قسم الرجال ؟؟ ولا لازم الكل في قسمه البنات عند البنات والرجال عند الرجال؟؟

طب بالنسبة للشهادة كم اسبوع نقدر نستعيرها ؟؟ وهل صحيح انو نزل قرار انو الشهادة حتاخدها الوزارة يوم التدقيق ؟؟ وهل يمكن اني اسوي تاجيل سنه في الجامعه ؟؟

بالنسبة للفيزا انا اسويها ولا هما؟؟ ويوم التدقيق عادي لو ابويا قدم اوراقي بدالي ؟؟ ولا لازم انا اروح بنفسي ؟؟ وهل في قسم نسااء في الوزارة الي في المدينه ؟؟ << ياااساتر الآدمية ما فيها تحرك اصباع ههههههههههه

واتمنى الإجابة على الأسئلة بردودكم قبل يوم التدقيق .. الي حيكون يوم الربوع الجاي بالنسبة ليا ..
انا عارفة ان اسئلتي كتيرة .. وحأتعبكم معايا ..

يعطيكم الف عافية .. وربنا يسهلكم اموركم كلها ..
وربنا يوفقني والجميع .. وربنا يناول مراد كل من يجاوب على أسئلتي والي ما يجاوب ان شاء الله ..

اختكم في الله ..
dark eyes