الله يسعدكم خليكم معا <<<<مره قلقانه متوتره مدري ايش فيني بعد قبولي جاني

[هيموجلوبين]

بسم الله الرحمن الرحيم هايز شباب وبنات كيفكم حبايب قلبي الحمد لله من اول اسبوع تقديم كان مراجعتي ولله الحمد وماشاء الله اتقبلت طبيعي دحين جاني وسواس شفت كلام كتييير انو الطبيعي مره صعب والي ماعندو انجليزي مدري ايش راح يسوي وكلام مره كتير ما شاء الله اتخرجت من 3 ثنوي بالزبط نسبتي ما شاء الله فوق 95. اوكي ....... اختبرت قدرات وووو والحمد لله ما شاء الله النسبه طلعت حلوى طول عمري وانا ابغا طب بس ابشركم بعد ماعرفت انو الحكايه فيها صعب ومدري ايش شلت الطب من راسي ومعد يرجع نهائيا انا مره خايفه نفسي اكلم بابا واقلو باحول اداري لان الي فوق 80 يمديهم يحولو وماما تقلي انت دخلتي برغبتك الي يفتح كتابو مايخيب وراح تتعلمي ان شاء الله انجليزي مع الوقت محد خرج من بطن امو عالم وصحباتي نفس الكلام الكل يقلي ان شاء الله احنا معاكي بعد الله ياقلبي بابا اتعنى وجبلي اطلس مترجم ويقلي جرير اروح اجبلك كتب حق انجليزي وانا مره حايسه كل شويا ارحلهم واقلهم ابغا اداري خايفه وانا اساسا ابغا طبييعي بس خايفه من هرجت الانجليزي كل الي ابغا منكم شويه بوووش يعني الي بجد يعرف عن السنه هادي ولو واحد بالميه انو في ناس دخلو والانجليزي على قدو انا مو مره ميح بالعكس اعرف اهرج بس مو مره بلبل يعني في ناس دخلو والانجليزي على قدهم ومشيو فيها مو شرط طب والكلام دا لان انا مو ناقصني شقا فوق 12 سنه ما شاء الله 8 كمان بليز الي قد مر علي احد الانجليزي حقو شويا اوكي مو مره وعد السنه دي بشي كويس يطمني ويقلي قبل لااكلم بابا اني مرا بالرغم اني ابغا طبيعي بس خايفه من اللغه نفسها مالقيت احد اشكيلو بعد الله غيركم بالرغم اني قبل ما اروح استخرت وقبل ما احط الخيار قلت يارب الي في خير ليا احطو وحطيت الطبيعي بس ايش الخوف دا هل هوا طبيعي ؟؟ انا مررررررررررره طولت عليكم بزياااده مره سامحووني بس والله ببكي بليز كونو معايا

[.,.نيــــــــــــــــــــران.,.]

مهما كانت الصعاب طالما هذا حلمك وقربتي تحققينه اتوكلي على الله واستمري

والطب معروف من اول كله بالانجليزي

الله يوفقك ويسهلك يارب ويطمنك

[عموريAHLI]

بالعكس الطب احلى تخصص

بس يمكن مشكلته هي اللغة بالنسبة لنا

بس اللغة مو ذيك الصعوبة العالم هنا تحسب الانجليزي لغة صينية

عاد الله يعينك وتروحين القسم اللي تبغيه .

[هيموجلوبين]

اللهم امين الطب شلناه من راسنا بس في احد مشي بالسنه دي طبيعي وهوا الانجليزي حقو معقول لاباس به ؟؟؟


يسلمو عموور ونيران ياقلبي الله يسعدكم ولا يحرمني

[AnwaRoozo]

يااامي تهوووون ... ادعي ربك .. واجتهدي كووويس

[مَـزٍآج ..}..]

اختبرت قدرات وووو والحمد لله ما شاء الله النسبه طلعت حلوى طول عمري وانا ابغا طب بس ابشركم بعد ماعرفت انو الحكايه فيها صعب ومدري ايش شلت الطب من راسي ومعد يرجع نهائيا

يؤٍ إأول خطأ إنكـ تتخلي عن حلمكـ وطموحكـ الي على قولكـ طول عمركـ تبغي تدرسسيـن طب
المفـرووض تتمسكيـن بطموحكـ .. وشئ طبيعي مآ راح توصلي للي تبـيه بالسهولهـ ..
لآزم من التـ ع ـب والـ ج ـهـد عشآن تحققي الي تبيييـهـ ..

وانآ بصراإأحـه الأنقلـشش حقـي على قـدي ..
لكن السسنـه التحضيريـه إأصلا مآ يبغي لها واحد بلبل في الأنقلششش ..
يعني لو عندك 50:% إأنقلـشش البآقي يهوووووون ..


البآقي يعتمد عليكـ .. على المذإأكـره والإجتهآد ،،

قبـل كل شئ لآزم تكوٍني وإأثقـه من نفسسكـ وقدرإأتكـ ..

وممكن دفعتناا قآلوا السنـه صعـبه وتعجيزيـه لانو مآ كان فيها
ترتيب وكانت القرارات وليدة اللحظه ..
لكن الحيـن إأكيـد راح يكون فيها ترتـيب ونظآإأم !!

بالتوفـيق !!

[فاطِمه]

أهــلاً هيموجلوبين ,, معاناتك بـ الضبط أنا أعــانيها :) ...
لكن انصحك تقري الموضوع إللي ع هالرابط
http://www.skaau.com/vb/showthread.php?t=90382
بترتآحي كثير ^_~
ســـــــلام ..

[هيموجلوبين]

يسلمووووووو

[ميعاد]

اتوكلي على ربك وان شاءالله تهووون ..

وان شاءالله مح نبخل على بعض وبنساااعد بعض وبننجح ان شاءالله..

(:

الله يوفقك..

[هيموجلوبين]

يسلمو ياقلبي لايحرمني