اقدر اخذ شهادتي من الجااامعه ؟؟

[girl cool]

السلام عليكم

انا الحمدلله انقبلت بالجامعه..بس ندمت واللحين ابي اسحب ملفــي اقدر او لا ؟؟ ولا لازم بعد شهر من قبولي ؟؟ ووين ارووح لو ابي اسحبه ؟؟ ياليت تجااوبوو ع اسئلتي ...

[مجموع انسان]

الهرج هنا ماينفع تبغي تسحبي ملفك روحي الجامعه السبت وقولي لهم الي عندك واسحبيه هنا كلام خرط مرط يتعب الواحد

المهم انا ما انصحك انك تسحبي ملفك احمدي ربك انك سجلتي في الجامعه غيرك ما قدر يسجل وغير كدا

الي تشوفيه انه كويس لك سويه ولا تسئلي الشي هذا بيدك تبغي تاخذي شهادتك روحي الجامعه وشوفي تقدري تاخذيها او لاء

وبعدين لو ما اعطوك الملف حقك <<<لوووو مو اكيد
بيعطوك هو بعد شهر من التسليم عشان تروح عليك كل فرص التسجيل في الاماكن الاخرى

بس انا اعرف واحد قدر يسحب ملفه بعد يوم من تسليم شهاداته واوراقه

[girl cool]

طيب ووين ارووح يعني لميين ارووح اسحب الملف

الحمدلله بس انا كنت خاايفه ما انقبل بجاامعه ثاانيه والحمدلله قبلووني بالتخصص الي ابيييه يعني خلاص مابي اتعب نفسي بجامعه الملك عبد العزيز مع السنه التحضيريه ..

بس انتا متااكد انو في حد قدر يسحب ملفه ؟؟ ولو بيعطوني بعد شهر خلااص مااابي اقعد بالجامعه احسسن لانو كذا بيكون رااحت علي كل الفررص ..

[bullet4myvalentine]

المشاركة الأصلية كتبت بواسطة girl cool طيب ووين ارووح يعني لميين ارووح اسحب الملف الحمدلله بس انا كنت خاايفه ما انقبل بجاامعه ثاانيه والحمدلله قبلووني بالتخصص الي ابيييه يعني خلاص مابي اتعب نفسي بجامعه الملك عبد العزيز مع السنه التحضيريه .. بس انتا متااكد انو في حد قدر يسحب ملفه ؟؟ ولو بيعطوني بعد شهر خلااص مااابي اقعد بالجامعه احسسن لانو كذا بيكون رااحت علي كل الفررص ..

تقدري تسحبي ملفك بدون رجعه ماراح يقولوا شي لانو دا من حقك و مستقبلك و الحمدلله انقبلتي في التخصص اللي تبيها

[شموخ لاينتهي..!!]

ايوا تقدري بنت عمتي سحبت ملفها وسجلت بجامعة الملك سعود الطبيه بجده..

الا على طاريها :

هل في سنه تحضيرية بجامعة الملك سعود الطبيه بجدة؟؟؟؟؟

[AnwaRoozo]

تقدري تسحبي مو لازم شهر ...بس اقل شي اسبوعين .. انتي ماعليكي وروحي واسحبي

[girl cool]

مشكوووورين لكل الي ردوو علي

والحمـــــــدلله سحبت ملفــــي .. وربي يوووفقكم :)

والي تسال اذا في سنه تحضيريه او لا والله ماني عارفه حبوووبه :)

[lady oza]

مبرووك قيرل كوول بس ازا فيكي تفيدينا وتحكيلنا كيف سحبتي وهيك منشاان انا كماان افكر اسحب ومبرووك لالك ع التخصص الي بدك يااه ويلا عقبالنا ^^ ..