ظاهرة ( مقرفه جدا ) زاادت في مدينة جدة

[dre]

السلام عليكم ورحمة الله وبركاته
كيفك يا اخواني واخواتي بالمنتدى العزيز

والله انا جاي وقرفان من الوضع ( ما ابغا اقول اللي جديد على مدينة جدة ) اقول
اللي زااااد مرره كتييير وخصوصا في الآونة الاخيره بجدة -للأسف الشديد-

الصورة تتحدث عن نفسها



دي الصورة من الانترنت .. لكن انا على اتم الاستعداد اني يوميا اصور
بكاميرة جوالي في المشوار اللي اروحو 5 مرات في الروحه و 5 مرات
في رجعتي للبيت ....

شي مقققققرف شي يرفع الضغط ... والله قبل امس سيارة كانت قدامي
يا تطلع دخاخين مو سوده وبس .. اقولكم ما سرت اشوف اللي قدامي
وطبعا مين اللي ديما حظو ( زفت ) ويكون ورا دي السيارات ( انا ).
ويا سلاام لو كان في طريق المدينة مع ديك الزحمه اللي الواحد ما يقدر
يشرد منها ...

هل تحب ان تستنشق التلوث ؟

هل تعلمون ان هذه ( البلاوي) تسبب أمراض الرئه و السرطان؟

هل من مسؤلين في الحكومة يشاهدون التلوث و لا يكترثون على أولادهم و نفسهم من الأمراض و تلوث البيئه؟


هل لها حل هذه الحكاية؟

هل أستطيع أن اوصل استغاثتي الى المسؤلين أو اي منظمة لحماية البيئه ؟<<< كتر منها


سمعت خبر من اسبوعين تقريبا يقولو رفعو غرامة السيارات ( غير الصديقة للبيئه )
في بريطانيا إلى 5 آلاف <<< احسبها بالريال السعودي.
مدينة جدة راح تتفجر من التلوث اللي فيها
ليش مافي قانون رادع؟؟؟
سارت ريحة الهوا (الجميل) مليانة جدة
حتى لو مافي سيارات ماشيه.
ارحمونا

اترك التعليق لاني تعبت
والسلام ختام

[فتفوتة سكر]

والله معك حق
هداك اليوم كنا عالبحر وانكتمنا من دخنة السيارات
يعني الواحد ما يتهنى بالنفس حتى عالبحر

انا اقول احد الاسباب هو بنزين 91 ريحته زي الديزل ويعدم السيارات كمان

[روح البنفسج]

اااااااااااااه بس ايش اقول

كأنك تنفخ بقربة مخرومة

[dre]

اهلا بأختنا العزيز فتفوته ... السبب الرئيسي مو بنزين 91
لانو المشكله دي من زمان لكن زاادت بطريقة غير طبيعيه السنتين
الأخيره لدرجة اني كل ما اطلع لازم اشوف زي كدا في روحتي
ورجعتي ... مدري متى راح نصحا , وعلى فكره جدة اكثر مدينة
ملوثة في المنطقة ... ونورتي بمرورك

[الديوان]

الدولة أخي العزيز لاتألو جهداً في مكافحة مثل هذه الظواهر وغيرها من المساوء المنتشرة في مجتمعنا في البلا في بنو البشر وأقصد بالأخص (العمالة الأجنبية) من هنود وبنقال وغيرهم ممن لايعرفون معنى للنظافة ولاحتى الاهتمام الشخصي بأنفسهم حى أن وصل الأمر إلى نقل الأمراض والأوبئة عن طريقهم قبحهم الله

سامحوني على إسهابي
ولكن الحديث في ذلك يطول

لكم تحياتي

[dre]

روح البنفسج : مشكوره على مرورك,صح كلامك والله , مو مخروقه,قيدها اتفجرت


الديوان : مشكور على مرورك , لكن مره ما ابغا اعلق على كلامك الجميل جدا

[banoota mnkoosha]

طب ايش الحل ؟؟؟

[Electron]

شوف يادري الحل الوحيد انهم يوزعون اقنعه غازات!
وترا جده ماشاء الله تبارك الله اللهم لا حسد صارت مشتهره بجميع انواع التلوث...
تلوث هواء - تلوث ضوضاء - تلوث مياه " كورنيش الحمرا يشهد "

ولكن... لا حياة لمن تهلل = تنادي

[dre]

bnoota: مو دا السؤال اللي انا بسألو

Electron: صح كلامك والله , عشان كدا كلام الاخ الديوان
ضحكني وانا مررره ماليا نفس اضحك

[banoota mnkoosha]

والله البلد ريحتها مو عفنة ... العفن كله !!!!

يتصرفو يسو اي شي ...