محتار ممكن تساعدوني

[مديني عسل]

السلام عليكم ورحمة الله وبركاته


كيف حالكم؟؟


انا طالب اتخرجت من السنوية العامة قبل سنة ودرست السنة التحضيرية في جامعة طيبة

المواد اللي درستها الترم الاول
انقليزي 001
حاسب
المصطلحات الطبية
اخلاقيات مهن الطبيب
مهارات الحياة الجامعية
بيو كمستري
والتربية البدنية

والترم التاني درست
انقليزي 002
مبادئ التشريح
مبادئ علم وظائف الاعضاء
بيو فيزكس
و التربية الدنية 002

وجبت معدل تراكمي 3.08

وحابب احول لجامعة الملك عبدالعزيز
هندسة طيران او هندسة اتصالات

اقدر احول ولا لا
وكيف؟؟
والشروط

يعني كل شي عن التحويل

[mzat kau]

والله ماعندي فكرة اسمع ارسل للعميد الدكتور مشاط سوي بحث على اييملو هنا وبيطلعلك ارسلو وشوف هوا ايش يقولك علشان تاخد الجواب الاكيد وتراه مايقصر يرد بسرعه
وزي ماقلتلك سوي في البحث اكتب ايميل مشاط وبيطلعلك بالتوفيق

[اه يا زمن]

أخوي والله مدري وش ارد عليك .. لكن اعتقد على حسب المواد اللي قريتها

واللي اعرفه عن جامعة طيبة .. انه هذي مواد السنة التحضرية خاصة بكلية الطب

أما نظام جامعة الملك عبدالعزيز .. فالسنة التحضرية تكون لجميع التخصصات

واتوقع والله اعلم ما راح يفيدك احد من الطلاب


واتمنى تراسل احد مسؤلين جامعة الملك عبدالعزيز او مسؤلين جامعة طيبة .. مع اني ما اعتقد انك بتلقى وراهم نتيجه ^_^

[SENATOR]

اول شي اموت على اللهجه انا ياشيخ
ثاني شي ودي تقبل عندنا يالب قلبك
ثالث شي ذي المواد خاصه بالطب
رابع شي ترى يمدحون الكيميائيه تعال عندنا

اتمنى لك التوفيق

[مالك معاذ]

شوف هذه الشروط العامة للتحويل من جامعات أخر

لكن بصراحة واضح ان موادك طبية ولا علاقة لها بالهندسة

يعني ماني شايف رياضيات ولا احصاء .. لكن عموما تفضل الشروط وانت شوف

قبول المحولين من الجامعات الأخرى
يجوز تحويل طالب من جامعة أخرى معترف بها، أو من معهد علمي معترف به يمنح درجات علمية معادلة للدرجات الجامعية، إلى كلية الهندسة بجامعة الملك عبدالعزيز وفق الشروط الآتية:

· أن يكون مستوفيًا لشروط القبول الخاصة بالطلاب المستجدين.

· أن يكون حاصلاً على تقدير عام أو معدل تراكمي (3 من 5) أو (2 من 4) على الأقل، وألا يكون قد سبق طرده لأسباب تأديبية من الجامعة (أو المعهد) المحول منها.

· دراسة مالا يقل عن 50% من الوحدات المعتمدة المطلوبة للتخرج في كلية الهندسة بجامعة الملك عبدالعزيز.

· تتم معادلة المقررات التي حصل فيها الطالب على تقدير جيد فأعلى بنظائرها في كلية الهندسة بجامعة الملك عبدالعزيز، بشرط تماثلها في المحتوى العلمي وبشرط أن لا تقل عنها في عدد الساعات، ولا تحتسب هذه المقررات في المعدل التراكمي ولكن تذكر في السجل العلمي للطالب.

[مديني عسل]

يعطيكم الف عافية



انا حابب استفسر عن التحويل
لانو بصراحة ما ابغى اعيد التحضيري

طفشت منوووو

وان شاء الله دحين ارسل للعميد واشوف