بأي معهد تنصحوني اسجل الصيف؟؟

[سهر]

اخواني واخواتي

ابغى كل شخص ينصحني بمعهد قد درس عندهم محادثه حتى قرامر

ويكون سعره معقول

انا سمعت عن بيرلتز منهجهم كويس لكن السعر مبالغ فيه

اي معهد تنصحوني اسجل فيه لان انجليزيتي مش ولا بد وكمان ما امارس اللغه ابداااا...

[مبرمج جافا]

بيرلتز ويستاهل السعر
او البريطاني
غيره لا تدور

[مبرمج جافا]

وكمان نصيحة
خذ مدرس بالصيف تأسيس بس وسيديهات تحصلها بالمكتبات الكبار اوفر لك اذا ما تبي شهاده وافضل

[حلاي من حلى روحي]

والله خيتو الكل بيمدح بيرلتز والبريطاني
تدفعي على شي يستاهل احسن من انك تضيعي وقتك ولاتستفيدي
الله يوفقك يارب

[فيكتور]

للتوضيح هناك فرق بين المعهد السعودي البريطاني والمجلس الثقافي البريطاني(British Council)
المجلس الثقافي البريطاني أقوى مستوى بس قوي مادياً بس المدرسين أجانب وما أعرف اذا كان فية فروع للبنات

[الإمبراطورة]

المشاركة الأصلية كتبت بواسطة فيكتور للتوضيح هناك فرق بين المعهد السعودي البريطاني والمجلس الثقافي البريطاني(british council) المجلس الثقافي البريطاني أقوى مستوى بس قوي مادياً بس المدرسين أجانب وما أعرف اذا كان فية فروع للبنات

إلآ في للبنآت..
وعنوآنهم مركز التنوير- شآرع النعيم- حي الحمرآء
والتسجيل يبدأ من 13 إلى 18 يوليو

هذآ مآ ورد في الإعلآن في جريدة عُكآظ..


بالتوفيق..

[IceCreamCaramel]

أنا جربت النيوهورايزون .. و بيرلتز ..

و طبعا بعد بيرليتز ما حبيت أجرب .. حسيت إني صرت واثقة بنفسي أكثر و أنا أتكلم ..

و حاليا الصيف تبدأ الدورات من بكرة السبت .. أو الشهر الجاي (شعبان)

و كورساتهم صارت 3 أسابيع .. 5 أيام بالأسبوع .. 4 ساعات في اليوم

و التسجيل بـ 2850 ريال .. بس و الله يستاهل .. سجلي و إنت مطمنة

[Reem-]

انا درست في وول ستريت مو ذاك الشي
وبرتش كانسل ممتاز
و اوكسفورد ممتاز جداً << موقعه في آيس لاند .. اعتقد صارت الدورة فيه بـ 2000 اتصلي عليهم اتأكدي
اسألي لو فيه دورات في السفارة البريطانية او الامريكية غالباً السفارات تكون اسعارهم رمزية
وفيه دورات في كلية دار الحكمة بس ماادري عن اسعارهم .. وفيه في كلية الـ cba في حي الروضة ..
بالتوفيق

[ابوسماسم]

بيرلتز فيه قسم للرجال والا لا وفين موقعه لوسمحتوا؟

[حلاي من حلى روحي]

ايوه في قسم للرجال بس ما اعرف وين موقعهم
ان شاء الله الاعضاء يفيدونك