متوقع التخرج والتقديم للدراسات العليا

[|احساس انسان|]

السلام عليكم ورحمة الله وبركاته .. تحيه طيبه للجميع

آنا طالب بام القرى تخصص ريآضيات .. تخرجي حيكون بالفصل الصيفي بإذن الله ..معدلي ولله الحمد ممتاز ...

آسئلتي :

1/ هل بإمكاني التقديم للماستر بجامعة عزوز لهالعام بحكم ان تخرجي هالسنه؟

توقعي ان مافي مجآل بس قلت ي ولد اسآل امقن امقن فيه مجال يصير ماتفوتك الفرصة

2/ الدرجة الموزونه النهائية تحسب للطلاب خارج الجامعة كحساب طلاب الجامعة؟
(لان ع معلوماتي السابقة والتقديم ع البكالوريا ان النسب النهائية للطلاب خارج منطقة جدة تكون اعلى)

3/ هل فيه تحديد مراجع للتخصص الرياضيات عند التقديم ع الاعادة ؟

وآخيرا طلب آسئلة سابقة لاختبار المفاضة للماجستير والاعادة بتخصص الرياضيات والمراجع اللي تفيدني

[فوف برديسي]

وعليكم السلام والرحمه ..
انا حاجاوبك على السؤال الوحيد الي اعرف إجابتو من بين اسالتك
ماتوقع يمديك تقدم لانو فترة التقديم على الماجستير تبدا يوم20 بالشهر هادا وتنتهي يوم 23 الشهر الجي انشاءالله ومطالب وقت التقديم ترسل مجموعة الاوراق ومن ضمنها وثيقة التخرج وسجل الدرجات وكلها ماتقدر تحصل عليها الا بعد ماتخلص كل مقرراتك وتسير متخرج رسمي ..
وسمعت انهم ممكن يمدوو فترة التسجيل الين شهر 4 اعتقد بس حتى لو افترضنا انهم مددوها محا يمديك برضو تكون متخرج مدام تخرجك صيفي ..
بس انا حسب ما قاعده ابحث من فتره انو في على قدام جامعات حتفتح تقديم ماجستير زي الطايف او طيبه او حتى ام القرى بس يبغالك تستنا لها شويا يعني ممكن على شهر 11 او 12 حتكون اتخرجت انشاءالله ووثيقتك بيدك 🌷
ايوا صح ولازم تختبر قذرات الجامعيين و اسيب تسجل فيها من موقع قياس لانها سارت مطلوبه للتقديم على كل الاقسام
اتمنى اكون افدتك : ) وربنا يوفقك .

[|احساس انسان|]

مشكوره يعطيك العافية مس فوفو 🌷

عندي علم بالقدرآت وستيب ومحضر لهم وراح اختبرهم قريب .. بأم القرى تكلمت مع رئيس القسم وقالي اول مايفتح التسجيل للماستر اراجعه يعني بحكم معدلي عالي وفي استثناء لإصحاب المعدلات المرتفعة ممن متوقع تخرجهم بالسماح لهم بالتقديم للماستر

يعني إن شاء الله تقديمي لام القرى يمشي .. بس اللي مخوفني اختبار المفاضله بالقسم وأنهم مايحددون مراجع لها .. عكس عزوز اللي تكون المفاضلة ع المعدل وع درجة القدرات فقط .. تمنيت لو يكون بعزوز نفس الإجراء (إتاحة فرصة للطلاب المتوقع تخرجهم للتقديم بالدراسات العليا ) لأن بعزوز نسبة قبولي أعلى

اشكرك مره ثانيه ع الرد واكيد افدتيتي🌷 .. وإن شاء الله نفرح بقبولك بالماستر

[فوف برديسي]

العفو 🌹 ..
والله يا اخويا مابا احطمك بس انا زيك متخرجه من ام القرى بمعدل امتياز مع مرتبة شرف اولى وكل مارحت سالت قاالو لي بالحرف الواحد ( الفتره دي مافي لا وظايف معيدات ولا تقديم ماجستير الجامعه في طور التغيير ) عشان كدا سحبت نفسي منهم وحولت على عبدالعزيز
لاتحط املك فيهم او ف غيرهم دور ف كل الجامعات الي تقدر تروحها زي الطايف وطيبه وغيرها ..
لانو حتى ف عبدالعزيز في بعض الاقسام اختبار مفاضله انتا شيك على قسمك واذا ضابط وضعك كلم دكتور عدنان الحميدان عميد الدراسات العليا ب جامعة الملك عبدالعزيز دا ايميلو aalhomaidan@kae.edu.sa
نصحني اكلمو الاخ غيم تايه واخدت بنصيحتو مرا استفدت الحمدلله وجاوب على كل الاستفهامات الي كانت قدامي .. ويرد بسرعا مامر اسبوعين على استفساري الا لقيت مرسلي ردو..
..
و شكراً عالدعوه الي فرحتني 🌸 وانتا يارب تنقبل كمان وتحقق الي تتمناه .

[غيم تايه]

المشاركة الأصلية كتبت بواسطة |احساس انسان| مشكوره يعطيك العافية مس فوفو 🌷 عندي علم بالقدرآت وستيب ومحضر لهم وراح اختبرهم قريب .. بأم القرى تكلمت مع رئيس القسم وقالي اول مايفتح التسجيل للماستر اراجعه يعني بحكم معدلي عالي وفي استثناء لإصحاب المعدلات المرتفعة ممن متوقع تخرجهم بالسماح لهم بالتقديم للماستر يعني إن شاء الله تقديمي لام القرى يمشي .. بس اللي مخوفني اختبار المفاضله بالقسم وأنهم مايحددون مراجع لها .. عكس عزوز اللي تكون المفاضلة ع المعدل وع درجة القدرات فقط .. تمنيت لو يكون بعزوز نفس الإجراء (إتاحة فرصة للطلاب المتوقع تخرجهم للتقديم بالدراسات العليا ) لأن بعزوز نسبة قبولي أعلى اشكرك مره ثانيه ع الرد واكيد افدتيتي🌷 .. وإن شاء الله نفرح بقبولك بالماستر

كلام سليم اللي باقي متمسك في هذه المسألة الجامعة الاسلامية وتحجز مقاعد للمتوقع تخرجهم يتنافسون عليها طلابها .. والظاهر ولا اجزم بذلك جامعة الامام فيها هذا النظام ..
لكن الاسلامية 100 % .. وطالما جامعة ام القرى فيها هذا النظام جميل .. اما المراجع اغلب الجامعات كذا ما تحدد لكن حاول تتطلع على مفرداتهم في البكالوريوس وتأخذ المداخل
هذا اللي يحصل وجامعة عبدالعزيز ما كل التخصصات تحدد مراجع بعضها دون البعض ..


بالتوفيق"""

المشاركة الأصلية كتبت بواسطة فوف برديسي العفو 🌹 .. والله يا اخويا مابا احطمك بس انا زيك متخرجه من ام القرى بمعدل امتياز مع مرتبة شرف اولى وكل مارحت سالت قاالو لي بالحرف الواحد ( الفتره دي مافي لا وظايف معيدات ولا تقديم ماجستير الجامعه في طور التغيير ) عشان كدا سحبت نفسي منهم وحولت على عبدالعزيز لاتحط املك فيهم او ف غيرهم دور ف كل الجامعات الي تقدر تروحها زي الطايف وطيبه وغيرها .. لانو حتى ف عبدالعزيز في بعض الاقسام اختبار مفاضله انتا شيك على قسمك واذا ضابط وضعك كلم دكتور عدنان الحميدان عميد الدراسات العليا ب جامعة الملك عبدالعزيز دا ايميلو aalhomaidan@kae.edu.sa نصحني اكلمو الاخ غيم تايه واخدت بنصيحتو مرا استفدت الحمدلله وجاوب على كل الاستفهامات الي كانت قدامي .. ويرد بسرعا مامر اسبوعين على استفساري الا لقيت مرسلي ردو.. .. و شكراً عالدعوه الي فرحتني 🌸 وانتا يارب تنقبل كمان وتحقق الي تتمناه .

خلاص الدكتور عدنان صار وكيل جامعة جدة .. والآن عينوا مكانه سعود السلمي .. وبالنسبة للقبول في جامعة ام القرى بالفعل اللي قبلوهم قبل سنتين في الثقافة الاسلامية وبعض التخصصات
حتى الآن لم يتم السماح لهم بالدراسة للاسف .. وقالهم مدير الجامعة ما فيه قبولكم كان خطأ .. وحتى التحويل لأقسام اخرى ما اصبح ممكن .. مسألة التخصص تحكم الكثير من الطلاب ..


ان شاء الله الأمور تتيسر بإذن الله... وطالما انه متخرج بتفوق لا يشيل هم حتى لو تأخر سنة .. بالتوفيق"""