لكل طالب او طالبة اجتازو مواد التحضيري جميعها وفقكم الله..

[نارا]

بسم الله الرحمن الرحيم

اولا ارجو من كل طالب اوطالبه تم اجتيازهم لمادة العربي او التحليل الكمي
الدخول ومساعدتنا في طريقة مذاكرة هذي المواد واذا كان لديكم ملخصات اسئلة شروحات
رجاءا اغيثونا فيها لانو مره محتاجينها لانو اكيد حنبدا نذاكر من الان وانا نزلت ملخص الاخ
نو كمننت للتحليل الكمي كيف اللي ذاكرو منه تنصحوني فيه.. اما اللغه العربيه عندي نماذج اختبار الاخ هاني عرب بس غير محلوله ياليت اذا احد عنده النماذج محلوله يرفقها عسا الله يجعله فموازيين حسناتكم
ويفرج كربكم مثل ما فرجتو كرب اخوانكم واخواتكم المسلمين...

[cutelo0oly]

السلام عليكم
اختي نارا انا الصراحه في التحليل كنت احضر عند الدكتوره عفاف عايد
لخصتلنا الكتاب كله في دفتر وذاكرت منه بس والحمدالله درجتي مره حلوه
والعربي ما انصحك بالملخصات احضري الدوره واكتبي مع الاستاذه في دفتر خارجي
لانه الاسئله جات من الشرح

اتمنى اكون افدتك

[عاشقة الندى]

::.. السلام عليكم ورحمة الله وبركاتهـ ..::

أختي نارا الغالية ..::

كان نفسي اساعدكـ والله بس كتبي حقت الترم الأول كلها مو عندي ..::
بالنسبة لمادة التحليل الكمي أنا ذاكرت من الكتاب فقط وبعدها حليت اسئلة الاختبار التجريبي اللي اعطتنا هيا الدكتورة ..
والحمد لله درجتي كانت حلوة فيهـ ..
وانصحكـ لاتعتمدي عالملخصات ابدا ..
ارجعيلها فقط اذا كان في شي مو فاهمتو او بعد ماتنتهي من المذاكرة ...
::...::

بالنسبة لنماذج العربي لو تقدري ترفقيها واحاول احلها لكـ على قد ماأقدر ..::
وانصحكـ بشدة بهذه النماذج بعد الانتهاء من المذاكرة ..::
:)


بالتوفيق ان شاء الله ...::


::..........::

[نارا]

المشاركة الأصلية كتبت بواسطة cutelo0oly السلام عليكم اختي نارا انا الصراحه في التحليل كنت احضر عند الدكتوره عفاف عايد لخصتلنا الكتاب كله في دفتر وذاكرت منه بس والحمدالله درجتي مره حلوه والعربي ما انصحك بالملخصات احضري الدوره واكتبي مع الاستاذه في دفتر خارجي لانه الاسئله جات من الشرح اتمنى اكون افدتك

اشكر مرورك العطر انا العربي تعثرت فيها المستوى الاول وابغى اخذها صيفي
تعرفي مافي دورات..
موفقه عزيزتي

[نارا]

المشاركة الأصلية كتبت بواسطة عاشقة الندى ::.. السلام عليكم ورحمة الله وبركاتهـ ..:: أختي نارا الغالية ..:: كان نفسي اساعدكـ والله بس كتبي حقت الترم الأول كلها مو عندي ..:: بالنسبة لمادة التحليل الكمي أنا ذاكرت من الكتاب فقط وبعدها حليت اسئلة الاختبار التجريبي اللي اعطتنا هيا الدكتورة .. والحمد لله درجتي كانت حلوة فيهـ .. وانصحكـ لاتعتمدي عالملخصات ابدا .. ارجعيلها فقط اذا كان في شي مو فاهمتو او بعد ماتنتهي من المذاكرة ... ::...:: بالنسبة لنماذج العربي لو تقدري ترفقيها واحاول احلها لكـ على قد ماأقدر ..:: وانصحكـ بشدة بهذه النماذج بعد الانتهاء من المذاكرة ..:: :) بالتوفيق ان شاء الله ...:: ::..........::

اشكرك غاليتي عاشقة الندى ياليت اذا تقدري تنزلي الاختبار التجريبي والله اكون شاكره لك

اما بالنسبة لنماذج العربي احاول ارفقها إن شاء الله

وجزاكي الله الف خير

[ع ـبث طـفلهـ]

تحليل كمي ذااكرت من الكتاب بس واشياء مافهمتها رجعت لشرح الاخ نو كمنت ماقصر الله يوفقه شرحه جدا روعه
بس اعتمدي على الكتااااااب ولا تروحي تشتري ملخصات ابد

...............

عربي الصراحه حضرت الدوره وكنت اكتب مع الاستااذه ومع ذلك مثل ملخص الاستاذ وت مااشفت جدا جدا رااائع بس فيه بعض الدروس الناقصه

وطريقة مذاكرتي فيه اني كنت امسك الملخص واذاكر الدرس واروح الكتاب واراجع الدرس عشان اثبت المعلومه

ولازم تحفظين القاعدات صم مثل اسمك لاني اشوف ان العربي حفظ اكثر من الفهم

والله يوفقك ويوفق كل المتعثرين

:)

[عاشقة الندى]

أختي نارا ..::

بالنسبة لاسئلة التحليل انا اللي عندي حقت الترم الأول لأني خطة أ ..
مادري كيف أخاف يكون اتغير المنهج في الترم التاني .. ؟؟
عالعموم هيا مو عندي بالجهاز .. موجودة مع الاوراق ...
لكن دحين حكتبها لكـ وان شاء الله اول ما اخلص حنزلها ..
ان شاء الله انها تفيدكـ ..

:)
::...::

[نارا]

هذي نماذج الاسئله للغة العريبة
بس مدري ليه يوم تسويلها تحميل تفتح بصيغة وورد
انتي احفظيها وسويلها فتح باستخدام نفس البرنامج المرفق
اشكرك غاليتي وإن شاء الله مافي كلافه عليكي..

[حلم الطفوله]

تحليل الكمي نجحت على الحافه الحمدلله
يعني مذاكرتي مو قد كذا

تحليل كمي شوفي الشروح الموجوده في المنتدى مو ملخصات في عضوة اعتقد زهرة تشرين كانت منزله شرحها وفهمها
واللي ماتفهميه تعالي هنا

اما العربي انا نولت ثلاث ملخصصات من المنتدى وطبعتهم صرت اذاكر من ملزمه
اخلص منها اروح لثانيه خلصت للاخيرة ثم مراجعه

انصحك كل يوم درس وكل نهايه اسبوع مراجعه لتثبيت

[نارا]

عزيزتي عاشقه تراني انا معاكي بنفس الخطة والمستوى بس ماالله كتب انجح فهذي الماده
كنت اخذها مع سوزان؟