ايش الي صار في اتفاقيات منظمة التجارة العالمية !!!!!!

[ضحايا الصمت]

بجد الي صار في اتفاقيات منظمة التجارة العالمية اليوم شي غريـــــــب


يعني الدكتور هاني العمري الله يحفظة ويطول عمره ويفقه ويخليه لعين ترجيه ويجعله ذخر للطلاب والطالبات وللجامعه وللمجتمع وللوطن وللمسلمين ......etc يعطينا ملخص لاتفاقيات منظمة التجارة في الدورة التأهلية والملخص هذا نقله اكثر من طالب للمنتدى وفي الاخير الاسئلة ويـــــــــــــــن ةالاختبار ويــــــــــــــــــن

طيب ليش


مع العلم والي انا اعرفه ان الدكتور هاني ماهو من النوعية هذي من الدكاترة المعقدين والمريضين نفسيا بس للاسف والله مادري ايش الي صار


وماقول الا حسبي الله ونعم الوكيل


بس هاااااااااااا ماراح اوقف والله لانشب للجامعه الين اتخرج ان شاء الله

[teem000]

فعلاً هذي ثاني مادة أكل فيها مقلب من الدكتور ( الدكتور هاني الله يحفظه نبه أكثر من مرة وقال ذاكرو من المستخلص فقط )
وأيضاً مادة إدارة الأعمال الدولية وتحديد الدكتور بإن ملخص هاني عرب كافي ووافي في الدورة التأهيلية

ما نقول إلا الله المستعان وحسبنا الله ونعم الوكيل

[ضحايا الصمت]

طيب ايش السبب ؟؟؟

يعني بالله متقصد يسوي الشي هــــذا ؟؟

[MeDo0o911]

وتقولو الله يحفظو

هذا لو يدرسني بادعي عليه عند باب الكعبه بيدي ورجلي

[صلاح العبدالله]

الدكتور مشهود له بالطيب
انتظروا النتائج بعدين احكموا

كلام سليم؟

بالتوفيق

[ضحايا الصمت]

المشاركة الأصلية كتبت بواسطة صلاح العبدالله الدكتور مشهود له بالطيب انتظروا النتائج بعدين احكموا كلام سليم؟ بالتوفيق

والله يا اخويا صلاح هـــذا الي احنا سمعناه عنه بس تفآجأنا بالاسئلة اليوم كانت ناااااااااار

[Big Mido]

قلتها مره واعيدها اذا لزم الأمر

لطلاب الانتساب ..

مواد نظرية .. الدراسه من نفس الكتاب المقرر
مواد محاسبية - مسائل - رياضية .. الدراسه من ملخصات هاني عرب
لأن اغلب الكتب تكون مبهمه وماتعرف تذاكر منها لصعوبتها في توصيل المعلومه

[NS4]

السلام عليكم

يا إخوان أنا حضرت إختبار إدارة إستراتيجية في البيئة العالمية وكرر الدكتور في نفس الإختبار يا شباب نزلوا المستخلص من موقعي ولا تذاكرون غيره... والله إني انصدمت بالإختبار يمكن اللي عديتها ما يقارب من 10إلى 15 سؤال ماهي في المستخلص... لا وبعد قاري المستخلص زي ماهو مسميه مرتين ومراجع.... ايش نسوي وايش الحل....

حسبي الله ونعم الوكيل والله يستر والله متوتر من هذه المادة الله يخارجنا وبس....

أنا حنتظر النتيجة ورايح أراسل الدكتور على إيميله أو رايح أروح له في مكتبه

الله يستر مرة ثانية وثالثة وعاشرة....

أبو سعود

[الله يخارجنا]

من واقع تجربه ومن خلال 4 مواد درستها عند د هاني العمري

هو من افضل 5 دكاترة في كلية الاقتصاد والادارة .. ومن افضل الدكاترة في الجامعه ككل

خلقا وعلما وادبا واخلاصا للمهنة..عمله منظم ويحب منفة الطالب ..

واضح وصريح في عمله ..


بالنسبه لموضوع الاختبار .. لاادري ماذا حصل بالضبط .. قد لايكون هو من وضع الاسئلة

وقد يكون حدث امر في اللحظات الاخيره جعلت دكتور اخر يكتب الاسئلة ..

لاتسيؤوا الظن .. وانتظروا النتيجة ..

وكما قال الاخ .. دائما يااخوان المواد النظرية ذاكر من الكتاب المقرر
والمواد الرياضية والمحاسبية ذاكر من الملخصات - ملخصات هاني عرب افضل الملخصات ..

[teem000]

المشاركة الأصلية كتبت بواسطة الله يخارجنا من واقع تجربه ومن خلال 4 مواد درستها عند د هاني العمري هو من افضل 5 دكاترة في كلية الاقتصاد والادارة .. ومن افضل الدكاترة في الجامعه ككل خلقا وعلما وادبا واخلاصا للمهنة..عمله منظم ويحب منفة الطالب .. واضح وصريح في عمله .. بالنسبه لموضوع الاختبار .. لاادري ماذا حصل بالضبط .. قد لايكون هو من وضع الاسئلة وقد يكون حدث امر في اللحظات الاخيره جعلت دكتور اخر يكتب الاسئلة .. لاتسيؤوا الظن .. وانتظروا النتيجة .. وكما قال الاخ .. دائما يااخوان المواد النظرية ذاكر من الكتاب المقرر والمواد الرياضية والمحاسبية ذاكر من الملخصات - ملخصات هاني عرب افضل الملخصات ..

يا عزيزي
نقولك إن دكتور المادة نبّه أكثر من مرة وقال بالحرف الواحد :
(( فيه مستخلص على موقعي الشخصي ذاكروا منه فقط ولن تخرج الأسئلة عن ذلك )) !!!
أما بالنسبة للمذاكرة من الكتاب أتفق معك وكلامك ماشي عليه من أكثر من ترم ولكن دكتور المادة جعلنا نكسر هذه العاده من خلال تنبيّهه !!!

تحياتي