تعالو ضروري الله يسعدكم شروط التقديم على الماجستير (عنوان معدَل)

[جوانا-]

السلام عليكم

انا ان شاء الله متخرجه وبقدم ماجستير بس مرا مو عارفه شي
ابغاكم تساعدوني وتقولولي ايش مطلوب مني من اختبارات وكدا وفين اختبرها
وكيف النظام وكل شي من الاف للياء الله يسعدكم ابغى لمن اخلص اكون عارفه كل شي واقدم
ماابغى يفوتني شي ويروح عليا التسجيل 😢💔

[بنت ناس وقلبي ألماس]

وعليكم السلام ورحمة الله وبركاته

على حسب البرنامج اللي بتقدمي عليه بعضها تطلب قدرات وبعضها ستيب وبعضها الاثنين وتقدمين على الاختبارات عن طريق التسجيل في المركز الوطني للقياس والتقويم

أيضاً بعض الأقسام راح يكون فيها اختبار مفاضلة ( الأقسام اللي ما تطلب اختبار قدرات عادة)

التسجيل فتح وقفل في بداية السنة وراح يفتح السنة الجاية إن شاء الله

وهذا رابط للبرنامج اللي بتقدمي عليه تعرفين منه تفاصيل البرنامج

http://graduatestudies.kau.edu.sa/co...=AR&cid=249657

والله يوفقك

[جوانا-]

يعطيك العافيه حبيبي
زي ماجستير اداره عامه ومحاسبه طاالبين اختبار كفايات الجامعيين لقيت في قياس مكتوب باللغه الانجليزيه؟؟ هو ذا صح لو بسجل؟؟
وطالبين التوفل صح كدا يعني لو بسجل في ماجستير اداره عامه او محاسبه اختبر بس دوول؟؟؟
ماعليه تعبتك معايا الله يسعدك

[جوانا-]

فين احصل اختبار التوفل في مركز قياس لقيت الستيب؟؟؟

[cooffee]

المشاركة الأصلية كتبت بواسطة جوانا- يعطيك العافيه حبيبي زي ماجستير اداره عامه ومحاسبه طاالبين اختبار كفايات الجامعيين لقيت في قياس مكتوب باللغه الانجليزيه؟؟ هو ذا صح لو بسجل؟؟ وطالبين التوفل صح كدا يعني لو بسجل في ماجستير اداره عامه او محاسبه اختبر بس دوول؟؟؟ ماعليه تعبتك معايا الله يسعدك

نعم
اذا تبغي محاسبه تختبري قدرات الجامعيين من مركز قياس
+
اختبار لغه انجليزيه ( توفل او ايلتس او ستيب)
الستيب يقدمه مركز قياس
الايلتس من المجلس البريطاني
التوفل في معاهد تقدمه
واذا بتسجلي ماجستير السنه الجايه ان شاء الله فـ سجلي في اختبار القدرات و الستيب من الحين شوفي المواعيد اللي نازله واختاري الموعد اللي يناسبك
مدة اختبار قدرات الجامعيين 5 سنوات
مدة اختبار الستيب 3 سنوات
مده اختبار الايلتس لو حابه سنتين

بالتوفيق