بدل الطباعة للماجستير بنظام المشروع البحثي

[Anemon]

السلام عليكم ورحمة الله وبركاته

أنا خريجة ماجستير إدارة أعمال عام بنظام مشروع بحثي
ابغى أعرف هل يحق لي أطلب بدل الطباعة ؟؟
لأني أسمع أنه يكون فقط للماجستير بنظام رسالة وليس مشروع بحثي

هل في أحد ماجستير بنظام مشروع بحثي واستلم بدل الطباعة؟؟

ابغى أتأكد من أحد مجرب عشان تكون عندي حجة إذا الموظفات في الجامعة قالولي العكس

[نقطة انتهى]

وعليكم السلام أختي
يارب يوفقك في مشروعك ياااااارب
بصراحة أنا دا أول سمستر ليا في الماجستير يعني والله ياريت كنت أقدر أفيدك بس بصراحة حقين الدراسات العليا اللي في المبنى التاني متعاونين حسيتهم وطيوبين واتوقع حيفيدوكي
،و ان شاءالله احد غيري يقدر يفيدك .
بصراحة حابة أستفيد من خبرتك في المواد إزا ممكن ( معليش بدخل في موضوع تاني )
تنصحيني آخذ اقتصاد ادراي و تمويل و نظم معلومات و تسويق في ترم واحد ؟؟؟؟ يقولوا مواد سهلة وانو نظم حتنزل الترم دا مش مع اقبال الصالح عشان كدا حسيت فرصة
مااعرف تنصحيني ولا لا؟؟؟
ومرررررررة آسفة دخلت موضوعي في موضوعك وشاكرة لكي ازا رديتي ،وبالتوفيق في مشروعك ...

[Anemon]

انا اخدت اقتصاد اداري وتمويل ونظم في ترم واحد لظروف حملي وكنت حاسة انو عندي وقت لمادة رابعة
رغم اني الترم اللي قبله كنت ماخذه 4 مواد والحمد لله مشي الحال صح انضغطت شويه بس ارتحت في النهاية

افضل انك تاخدي مادة اختياري بدل مايكون كل موادك اجباري
وعادي لو ما اخدتي متطلبها اغلب البنات بياخدو المواد قبل متطلبها ومايأثر عليهم في شي

لانك بكدا حتكوني في الترم الرابع بمادة وحدة اجباري (الريادة في الاعمال) وحتنجبري انك تاخدي كل المادتين الاختياري اللي موجودة حتى لو ماعجبتك وكمان ممكن انهم ماينزلو غير مادة وحدة اختياري ودا الشي صار السنة اللي فاتت