أسوء تجربة في الجامعة إختبار الأحياء 110 اليوم .. 21/10

[Capt. Mouath]

الزوبد





وربي جدا التنظيم سيئ في إختبار الأحياء اليوم .. في البداية دخلنا كلية العلوم وجلسنا على الكمبيروترات وفي ناس بدأو اختبار وبعد كم دقيقة جاو وقالولنا قفلوا كل شي واطلعو الدور الرابع .. المهم طلعنا الدور الرابع وودونا معمل بدون تكييييف .. والمعمل زحمة الناس على بعضها وحررررررررر ... والله ما قدرنا نحل زي الناس بسبب الحر كتمة مافي هوا .. والله انا حليت على السريع من الحر والكتمة .. خصوصا اني عندي صعوبه في التنفس .. طلبت من المشرف اني اطلع بره وارجع ماقدرت اتحمل الحر .. رفض بكل برود وبكل براءه ..

بعد ما رفض حليت شخطط بخطط وحطيت Submit ومشيت .. اللي يجي يجي ،

والله شي يقهر .. وأزيدكم من الشعر بيت .. في نص الإختبار جاني Error وجا المشرف مدري ايش قعد يخبص وراحت الاجابات وكل شي وقلي عيد من جديد ،
والـ Error تسير كثير للطلاب مو بس انا ..


المره الجاية يا تختبروني في مكتب سعادة المدير يا بلاش ،
استغفر الله بس ،



في أول يوم ليا كانت نظرتي للجامعة حسستني اني بزنس مان .. شفت المباني الضخمة والأشجار والزرع والمساحة الكبيره والملاعب وكل شي موجود والمطاعم (مع انها ما تفتح الا لطلاب الإنتظام ("الصباحي") .. اما حقين الموازي "زيي انا" ياكلو سن توب ولوزين من ليمو الصغير اللي جوة مبنى السنة التحضيرية .. طيب خلاص انا راضي ... بس على الأقل السن توب ليش حار .. ليش دايما حار .. ليش كل شي حار حتى الموية حاره
غير اجيب موية من بره ،




الزوبد النقطة اللي حاب أوضحها:
* الجامعة ماشاء الله مو ناقصها شي .. إلا شي أساسي واحد .. وبدون الأساس ينهدم كل شي .. ألا وهو:

التنظيم - الإدارة - الإهتمام



حسبي الله ونعم الوكيل
:: وكان الله غفورا رحيما ::

[Ashraf shawush]

الحمدلله في فرع شمال جده , نختبر ع ورق ( تظليل ) , عندي أفضل من الكمبيوتر صراحه
الله يعينكم يارب ويوفق الجميع

[دانه الكويسه]

عادي احنا اليوم ساعه كامله الستتم خربان
ملخبطه الحروف عربي و انقلش مقلب ف الفيزيا


عالم غريبه ما تعرف تتطور : )

[karen]

نفس الشي صارلي امس مع اختبار الفيزيا
وانا احل الاسئله كان مشقلبه مدري كيف راحو طفو جهازي
ولمن اشتغل مارضي يكتب كلمة السر قعدو 10 دقايق يخبصو اللين مافتح
يازين الورق بس 3>

[Capt. Mouath]

يارب ما يسير نفس الشي اليوم في اختبار الكيمياء .. ولا ترا ما راح اختبر

[Somaiah Yousef]

اهلا بكم في جامعة الملك عبدالعزيز :)

عادي اتعودوا على ذي الامور

وابثروا المراقبين كل ماواجهتو مشكلة

لا تسكتوا ابدا

الله يعينكم ويوفقكم

[Somaiah Yousef]

ميزة الاختبار الالكتروني احسه اريح ومافيه توتر زي الاختبار الورقي :(

ان شاء الله يتحسن وضع الاختبار الالكتروني

[talal-m]

هههههههههههههههههههههههههههههه الموضوع فيه شطحهه عظيمة . منجد ليه السنتوب حار ☹!

انا بالنسبة لي اسوء يوم بسبب الاختبار الحيوان :'(

[اكريلك]

ههههه شكلو موضوع السنتوب مأزمك :(

اختبار الفيزياء جلسنا 20 دقيقه عشان الاسئله ملخبطه

وترونا ع الفاضي

[Capt. Mouath]

المشاركة الأصلية كتبت بواسطة فيونكـه ميزة الاختبار الالكتروني احسه اريح ومافيه توتر زي الاختبار الورقي :( ان شاء الله يتحسن وضع الاختبار الالكتروني

أكيد الإلكتروني أريح وأفضل بكثير .. لكن البرمجة اللي مبرمجينها غبيه وفاشلة .. وانا مبرمج وعارف كيف مبرمجينها .. وفي حركة بسيطة تسويها في نفس المتصفح وتجبلك كل الإجابات .. ودا دليل البرمجة الفاشلة ،

لكن راح تنقفط بسرعة لأن راح يجيك رموز ماحتفهموها ومن بين الرموز موجودة الإجابات يعني يبغالها تدقيق وعلى بال ماتدقق قيدك انقفطت ،

المشاركة الأصلية كتبت بواسطة talal-m هههههههههههههههههههههههههههههه الموضوع فيه شطحهه عظيمة . منجد ليه السنتوب حار ☹! انا بالنسبة لي اسوء يوم بسبب الاختبار الحيوان :'(

واختبار الكيمياء كمان اليوم حيوان .. كلو مسائل :'(

قبلها بيوم اتفقت مع دكتور يدرس خصوصي انو يجيني ويدرسني واتفقنا كل شي وحددنا الموعد .. لما جا الموعد قعدت استناه عند باب البيت ولا جا وتأخر .. اتصلت عليه يعطيني مقفل ،

والله سحبة أليمة من الدكتور الله يهديه .. وهوا دكتور في كلية ابن سينا .. حرام يسوي كدا ، خلاني اجيب العيد حتى أبوية لما عرف انو سحب عصب مني ومنو وانا مالي دخل قعد يخاصمني :'(((

مردوده يا دكتور .. p:

المشاركة الأصلية كتبت بواسطة اكريلك ههههه شكلو موضوع السنتوب مأزمك :( اختبار الفيزياء جلسنا 20 دقيقه عشان الاسئله ملخبطه وترونا ع الفاضي

مو بس السن توب .. قاعة الإنجليزي التحكم حق المكيف خربان ودايما يكون شغال من الصباح واحنا تقريبا محاضرتنا حق الانجليزي من 6 مساء اليى 11 بالليل .. يعني القاعة تكون مجمدة من الصباح عاد كيف الين 6 وكيف نتحمل الين 11 .. ويكون بارد على اخر شي ..

وربي العظيم انو انا وفي كم طالب نجيب معانا جاكيت في محاضرات الانجليزي بسبب البرد .. حتى الدكتور زينا كل يوم يجيب معاه كوفي وجاكيت .. <<< ماخد الهرجة جد الدكتور ،

يمكن اللي يقرا الموضوع يحسب برد عادي .. وربي كل الطلاب زكمو مع بعض هههههههه .. وانا أولهم ،

انا شكلي حرفع قضية ،

استغفر الله بس ،