محتارة بين ابن سينا و عبدالعزيز

[Ashjan5]

السلام عليكم
انا دوبي متخرجه من الثنوي وجاني القبول في عبدالعزيز مسار علمي في السليمانيه وقدمت في ابن سينا بس نتايج القبول قالوا حتطلع 26 رمضان فمني عارفه مررا محتاره لو جاني القبول في ابن سينا اختار مين انا مرا نفسي في طب بشري وخايفه ادخل سنه تحضيريه في عبدالعزيز ومااجيب معدل واضيع سنه على الفاضي وفي نفس الحاله خايف من مستقبل الطب في ابن سينا وان طلاب الامتياز يدفعو للجامعه بدل ما هما ياخدو راتب
فمن تجربتكم في عبدالعزيز او الي حول على ابن سينا مين تفضلوا اختار ؟

[Sh28]

نصيحة مني انا اقول اتوكلي على الله واختاري ابن سينا اذا محتارة لانه انا خلصت تحضيري في عبدالعزيز وجبت معدل حلو والحمدلله بس بصعوبة وتعب وما ادري اذا بدخل طب بشري ولا لا وفي 5 من صحباتي معايا هما شاطريين ويبغو طب بشري بس ماجابو معدلات مرتفعة وماقبلوهم كمان في ابن سينا وضاعت عليهم السنه
شوفي اذا انت عندك استعداد انك تشدي حيلك وتقعدي على اعصابك ولغتك الانجليزية كويسة ادخلي عبدالعزيز اذا غير كدا روحي ابن سينا
وبرضو استخيري وادعي قبل الفطور وربي ان شاء الله يخترلك الخير

[Ashjan5]

المشاركة الأصلية كتبت بواسطة sh28 نصيحة مني انا اقول اتوكلي على الله واختاري ابن سينا اذا محتارة لانه انا خلصت تحضيري في عبدالعزيز وجبت معدل حلو والحمدلله بس بصعوبة وتعب وما ادري اذا بدخل طب بشري ولا لا وفي 5 من صحباتي معايا هما شاطريين ويبغو طب بشري بس ماجابو معدلات مرتفعة وماقبلوهم كمان في ابن سينا وضاعت عليهم السنه شوفي اذا انت عندك استعداد انك تشدي حيلك وتقعدي على اعصابك ولغتك الانجليزية كويسة ادخلي عبدالعزيز اذا غير كدا روحي ابن سينا وبرضو استخيري وادعي قبل الفطور وربي ان شاء الله يخترلك الخير

مررا شكراً على ردك ويااارب تتسكني طب بشري ..
بس ابغا اسالك سؤال تاني منهج الانجليزي صعب في عبدالعزيز؟؟

[Dede12]

انا بشري في عبدالعزيز
ما انصحك انك تتراخي في مستقبلك وامنياتك وترضي بالاقل وانتي عارفة قدراتك
اتوكلي على الله وشدي حيلك وربنا بيساعدك ان شاء الله
عبدالعزيز افضل

[smiley14]

السلام عليكم
انا انصحك في عبدالعزيز لانها افضل بس شدي حيلك و اتوكلي على الله
و ان شاء الله تدخلي و ان ما صار حولي لابن سينا و عادلي موادك
و اما الانجليزي كان سهل بالنسبه لي لاني شاطره فيه و عندي حصيلة كلمات
موفق <3

[حنين الماضي0]

السلام عليكم وكل عام والجميع بخير انا بصراحه اول مره ادخل واشارك بس عشان حسيت اني ممكن افيدك انا العام كنت تحضيري وكانت سنه متعبه وممتعه والحمدلله عدت على خير كنت اروح لعند استاذه خصوصي ادرس عندها المواد العلميه كلها الله يوفقها ويسهل امورها وكنت اشوف عندها طالبات من كليه ابن سينا طب وكانت تقولي انو منهجهم صعب ومنهج عبدالعزيز اسهل صح في لف بالاسئله لاكن انا الحمدلله الله وفقني ورحت عندها اغلب اللي كانت بتقولو يجي منو بس انا هذا اللي اعرفوه وكانت تقول الدوري الاول والثاني والفاينل اللي بعزوز زي بس المد تيرم الاول عندهم ومافي اسئله يحلوها معاهم ولاشي بس انو تعرفي من البدايه انك حتدرسي طب وفي بنات عند هادي الاستاذه كانت معدلاتهم كامله يعني لو طموحك طب اجتهدي ولو حابه تستفسري اكتر منها انا اديكي رقمها يعني هيا تدرس مواد عزوز وابن سينا وتعرف الفرق وكانت مره تسهل علينا والله رقمها 0562320817
اتصلي عليها واستفسري منها هيا تعرف اكتر مني اتمنى اني كون ساعدتك

[Ashjan5]

جزاكم الله خير على ردودكم والله يسهلكم امركم يارب .. 3>
حنين مررا شكرا على الرقم وان شاءالله حكلمها اليوم

[دلاال]

من رأيي انك تستخيري والله يسهلك امورك
و على فكره المقاعد ف طب بشري محدودة و البنات الي يجيبو 5 كتتتير

[جوهرة المطيري]

في الاخير الخيار الاول والاخير لك
بس من وجهة نظري انا جامعة الملك عبدالعزيز اولا لانه تعتبر افضل جامعة عربية
وكمان جامعة الملك عبدالعزيز ششهادتها معترف فيه وقويه بس من ناحية المقاعد غير مضمونه فيه خصوصا للبنات لانه كل سنة تزيد النسب
بس كوني واثثقه انك لو اجتهدي حتدخل التخصص اللي تبغيه في الاخير يعتمد على مقدار جهدك وثقتك في نفسك
الله يوفقك ويسهل لك واستخيري ربنا.

[AssmaH]

السؤال هو كيف مستواك في الانجليزي مو عشان المادة نفسها بس عشان دراسة المواد في عبدالعزيز بالانجليزي, فلو كنت متمكنه راح تشوفي المواد كلمة سهلة قليلة فيها لانها اعادة لما في الثنوي لو مستواك مو مرة راح تتعبي وراح تشوفيه كلام طلاسم وتضيعي بين مدرسين وملخصات وذا الي ممكن ينزل معدلك
البنات خاصة كل سنة ترتفع نسبة القبول عندهم بالكلية يعني حتى معدل 5 مو شرط يدخلك لانه صار تنحسب بالنسبة , وحتى مو بس الطب كل الكليات تقريبا

بالنسبة لابن سينا معرف لو معترفة او لا لكن صح كلامك اعرف بنات مستواهم ضعيف جدا وداخلينها عادي