مهم - جعل والديكم بالجنة افيدوني لو تكرمتوا

[كان في واحد]

بسم الله الرحمن الرحيم
الحمد لله والصلاة السلام على اشرف الانبياء وسيد المرسلين سيدنا محمد وعلى آله وصحبه أجمعين
اخواني الكرام انا طالب انتساب -ادارة عامة - مسار تنظيم وتطوير إداري
محتاج فزعتكم معايا جعل والديكم بالجنة
انا باقي لي حوالي 29 ساعة ابي انزل مواد في الصيفي ايش الافضل لي وهذه المواد المتبقية لي
مادتين حرة 6 ساعات( ايش افضل المواد اللي اقدر اجيب فيها درجة عالية بفضل الله )
مادة إختيارية 3 ساعات( ايش تنصحوني )
مواد التخصص المتبقية :
استشارات ادارية 3 ساعات
اجهزة التنظيم الاداري 3 ساعات
التحليل التنظيمي 3 ساعات
ثقافة المنظمة 3 ساعات
قراءات إدارية بالانجليزي 3 ساعات
ثقافة اسلامية 2 ساعتين

الله يحفظ لكم والديكم ابي نصيحتكم من تجربة
لاني محتاج ارفع معدلي
ايش المواد اللي انزلها صيفي
وايش اللي انزلها بالفصل الدراسي الاول 2015
الله يحفظ لكم اغلى م تملكون

تكفون افيدوني

[عبد الله القصيم]

بالنسبه للمواد الحره انصحك بمادتين تقدر تستفيد منهم لمعدلك والله يوفقك ويسهل أمرك

المدخل الى وسائل الاعلام

مصادر المعلومات

[كان في واحد]

الله يسعدك اخوي عبدالله وجمعك انت ووالديك بالجنة
هل هي افضل من الإقناع و الرأي العام

[الراقي بلس]

المواد المتبقية سهلة وهذا فرصة ترفع معدلك
المدخل لوسائل الاعلام - الاقناع

وانصحك تنزل الصيف ثقافة المنظمة دكتورها عبدالله السالم معقد شوي
والاستشارات الادارية
قرارات ادارية بالانجليزي ( سهل ادا دكتورها وهيب صوفي ) . وحسب معلوماتي انه تقاعد
وشكرا

[عبد الله القصيم]

المشاركة الأصلية كتبت بواسطة كان في واحد الله يسعدك اخوي عبدالله وجمعك انت ووالديك بالجنة هل هي افضل من الإقناع و الرأي العام

المواد هذي اخذتها الترم هذا وبفضل من الله عديتها وبدرجات حلوه

واختباراتها كانت سهله ومافيها تعقيد

بس عاد المواد اللي ينصحونك فيها الشباب لازم تشد حيلك عاد مو يجي ببالك انها سهله ولا تدرس ههههههه


موفق حبيبي

[كان في واحد]

الله يسعدكم ي رب
بس ايش الافضل لي بالضبط والله احترت
اللي يقول الاقناع والراي العام
واللي يقول مصادر المعلومات
واللي يقول المدخل لوسائل الاعلام وكمان اللي يقول الاعلام العربي والله مااعرفت دوخت
(اسال مجرب ولا تسال طبيب ) و ( لا خاب من استشار ولا ندم من استشار )
هذا بخصوص المواد الحره
اما التخصص ايش الافضل انزل في الصيفي
مادة او مادتين
وايش هما المواد
اللي اقدر فيها بتوفيق الله سبحانه وتعالى ثم بكم واجتهادي اني احصل على درجات عالية فيها

[كان في واحد]

اتمنى ي اخوان اللي يقدر يفيدني لا يبخل عليا
الله يجمعنا بكم وبما تحبون في جنات النعيم ي رب

[كان في واحد]