انني في حيره من امري

[abd alz]

السلام عليكم ورحمة الله وبركاته ..
ياجماعة الخير انا مرتب التسكين وملخص منه واتوقع اتسكن هندسه موازي
لكن بعض الناس من النوع المحبط يقلي غير التسكين الثاني وادخل كلية حاسبات ليس بموازي افضل
رئيكم احتمال يكون مصيري بعد اشائة الله

[smiley14]

وعليكم السلام
ما قفل التسكن ولا ؟ @@
المهم هو ترم او سنه مني متاكده بس لو جبت امتياز يحولوك من الموازي
فا لو حاب الهندسه و نفسك تدرسها خليها ..
موفق

[بنت عز ما تنهز..]

وعليكم السلام

يا خوي

اذا انت تبغى الهندسة واحتمال تتقبل هندسة موازي..عادي

مو مهمة المكافئة..المهم تدرس الشيء اللي تبغاه

ونصيحة لا تاخذ ب اراء الناس اذا انت مقتنع بقرارك

وان شاء الله يكون كلام اللي قبلي صح ويحولوك انتظام بعد ترم او سنة

بالتوفيق..

[طارق الحارثي]

تغير من هندسة الي هو حلمك عشان 1000 ريال مكافأة ؟

[abd alz]

المشاركة الأصلية كتبت بواسطة طارق الحارثي تغير من هندسة الي هو حلمك عشان 1000 ريال مكافأة ؟

هو يقصد التنازل عن شي او الرضا بالنقص يجعل بالنفس كره لعدم الكمال وبعدها التحطيم و عدم الاهتمام

[abd alz]

اشكركم جميعكم لتفاعلكم بطرحي والله ﻻ يحرمكم الاجر

[حكاية ناي]

المشاركة الأصلية كتبت بواسطة abd alz هو يقصد التنازل عن شي او الرضا بالنقص يجعل بالنفس كره لعدم الكمال وبعدها التحطيم و عدم الاهتمام

التحويل مو مضمون 100 بالمية
دامك تبغى الهندسه امسك فيها سواء موازي وﻻ اي شي .. وﻻ تتنازل عنها

[mr.obadah]

زي ماقلولك الشباب دامك تبغا هندسة ....اتمسك فيها ولا تفرط فيها ....وايش يعني هندسة موازي ولا انتظام ...انا هندسة موازي والحمدلله مرتاح جدا ...بقيتلي 3 مواد واخلص خطتي الدراسية واتخصص ان شاء الله ..اصحابي الموازي اتخصصو وخلصو الخطه ..والا اتخصص هندسة كيميائية والا اتخصص هندسة مدنيه وصناعية ...والحمدلله ..لاحد يخرش عليك ويقلك موازي اقل من الانتظام ...كلو كلام وخرش ودحين منزل صيفي ودوامي في الصباح زي الانتظام ...وياريت ترجع لمنشوري القديم ...الفرق بين الهندسة الموازي والهندسة انتظام

[zelme]

سمعت ان طلاب الموازي يستطيعون اخذ مكافئة اذا اكمل ترمين متتاليين بمعدل 4.5 وفوق والله اعلم (تاكد من المعلومة من شؤون الطلاب!)
ومثل ما قال الاخوان تمسك في رغبتك واستعن بالله

[أُنـثــﮯ مـــلآئـكيـة]

ما يبغالها
اذا انت تشوف نفسك في الهندسة و تحس هالتخصص راح تحبه وتبدع فيه خلاص خليك حتى لو انقبلت موازي
الفرق بس 1000 و صراحة الفلوس ما تهم قدام الرغبة ( لأنك لما تدرس رغبتك بتكون سعيد ) و هذا مستقبلك