السلام عليكم . الرجاء المساعده ؟

[ســـعـــيد]

اولا الف مبروك للاخوان اللي عدوا موادهم
والله يوفق اللي لم يجتازوا موادهم
اتمنى اللي عنده اي اسئلة جديدة للفصل الثاني
1435 للمواد التاليه :
انقليش 102
مقدمه في العلوم الطبيعية
تدريب 1
تدريب 2
بحث تخرج
مناهج البحث

ولكم الشكر الجزيل...

[سمو الحب]

صباح الورد ياعسل
تدريب 1 وتدريب 2 لاتشيل هها سهله وتلاقيها في الموضوع المثبت حق الفصل الثاني 1435 هي ومناهج البحث اما اسئلة والله ماعندي
وانت ابيض وجهه يابرنس في نقل الاختبارات مستغرب مافيه ردود خصوصاً اللي عندهم ؟؟؟؟؟؟؟

[فيصل الذويبي]

تدريب -1 + تدريب 2
مواد سهله جداً سواء التقارير او الاختبار
مناهج البحث بعد سهله جداً
بالتوفيق اخوي اي استفسار حاضر

[ســـعـــيد]

مشكورين
بس هل من الممكن اخذها صيفي مع بعض تدريب 1 و2

[سقراط الغريب]

تمنياتي لك بالتوفيق أخي سعيد بانتظار خبر تخرجك

[mnaf980]

هلا وغلا أخوي سعييييد انت لك فضل كبير علي انا بالذات
واذكر ومنها نقلك لمادة القياس النفسي اخذت فيها 96 والسبب بعد الله انت ياغالي

بحث التخرج طبعاً مالها اختبار هو بحث تعمله على الوورد مع عينه استبانه وتحطه بسيدي وتسلمه للدكتور اللي انت اخذت معه المادة
بالدور الرابع في الكلية حاطين صناديق لتسليم البحوث ..وعندي بحث عملته بنفسي عطني إيميلك وارسللك
اياه بملف وورد وتعمل عليه بس تعديلات بسيطه بحكم العينات والاستبانه كانت مأخوذه من مدرسه معينه وكاتب اسمها في كذا مكان
في مواضيع البحث..

اما تدريب1وتدريب2 فتقدر تاخذهم في ترم واحد لامشكله بس اتصل على رقم الحذف والاضافه ويضيفوها
لان في الاودس عن طريق الانترنت يمكن ماتزبط لوجود تعارض..وطريقه التقارير ممكن افيدك كيف تكتبها والخطوات اللازمه..
واما اختبارات المادتين فانا اخذتهم هذا الترم وبفتح الكتابين واتذكر لك من الاسئلة اللي اقدر عليه ومادة تدريب 1 هي فعلاً سهله جداً ومافيها يمكن أكثر من خمسة تعريفات
وكلها كلام عام في الاخلاقيات العامه مع المرضى ممكن بمجرد القراءه ومن غير حفظ وجهد تفهم أما مادة تدريب ميداني2 فهي أصعب لأن فيها تعريفات كثيرة وتصنيف للإضطرابات وأسئلة دقيقة من بين السطور..

ومناهج البحث أختبرتها ايضا هذا الترم وراح افتح الكتاب واكتب لك اللي اتذكره اليوم او بكره..

والانجليزي والعلوم الطبيعية زمان اخذتهم وللاسف مااذكر منهم شيء

[مساير الوقت]

اخوى سعيد شوف هذا الرابط لمادة مقدمة في العلوم الطبيعية راح يفيدك كثير وامكن ما تحتاج غيره

http://www.skaau.com/vb/showthread.php?t=758616

[ســـعـــيد]

يعطيكم الفاعلفيه جميع
اخي سقراط الله يسمع منك ويجزاك خير
اخي الكريم مناف بالعكس ماسويت الا الواجب معكم فنحن في مركب واحدة والهدف واحد
وبيض الله وجهك وراح اتواصل معك ع الخاص احتاج منك الكثيييير ههههه
اخي الكريم مساير الوقت الف الف شكر ع الرابط وإن شاء الله استفيد منه

[مساير الوقت]

العفو اخوى سعيد تستاهل كل خير
http://www.skaau.com/vb/showthread.php?t=762358
شوف هذا رابط جديد إنجليزي 102 راح يفيدك كثير إن شاء الله
وإذا في شي جديد بخصوص إنجليزي 102 حطه لنا هنا ﻷن عندي هذه المادة لكن ماحددت متى اخذها وانفك منها

[ســـعـــيد]

المشاركة الأصلية كتبت بواسطة مساير الوقت العفو اخوى سعيد تستاهل كل خير http://www.skaau.com/vb/showthread.php?t=762358 شوف هذا رابط جديد إنجليزي 102 راح يفيدك كثير إن شاء الله وإذا في شي جديد بخصوص إنجليزي 102 حطه لنا هنا ﻷن عندي هذه المادة لكن ماحددت متى اخذها وانفك منها

ابشر ولا يهمك