كيف حيكون الطب الموازي ؟؟

[نعومة حرير]

السلام عليكم ورحمة اللهـ وبركاتهـ ..

صباحكـم / مسائكم ورد

بس عندي سؤال بسيط اتمنى القى الإجابة الشافيهـ منكم

دحين من بداية السمستر الأول قالولنا انو :

الطب ......... حياااخدو معدلات 4.5 ومااافوق

طيب اش حكااية الطب الموازي ؟؟

كيف حيكون نظامو ,, وكم المعدلات الي حياخدوها ؟؟

( اتمنى ما اكون طولت عليكم ,, بس سؤال ومحيرني )

وبث

[شواطئ البحر]

كل الكليات الصحيحة نظامة زي بعض

المعدل ممتاز

[نعومة حرير]

شكرا لك شواطئ البحر

يعني الشرط انو يكون معدلي فوق الـ 4 ؟؟

[شواطئ البحر]

فوق 4.5 غالباً يقبلوا

بس قولي انشاءالله يقبلوا مابين 4 و4.5

لان بعض التحضيري معدلاتهم low

[طـمـوح]

0.5
زيدي هاذي لا تنسي

[نعومة حرير]

يارب ياشيخة الله يسمع منك

[dina A]

والله يا حبيبتي أنا رحت كليــة الطب بنفسي وسألت قالتلي الطبــ الموازي نفس شروط الطب العادي بس اللهم ينفتح لو الناس إلي معدلاتهم عالية كتير والطب ما كفاهم على اساس انو الموازي يأخد البنات الزيادة دول بس إلي تنطبق عليهم الشروط :sهادا كلامها والله (بس ما تدري في دي السنة كل شي جايز) أتوكلي على ربنا إنتي بس ويارب خير

[نيوتن 111]

معقولة الازم اجيب معدل فوق 4.5

وااااااو كتير لويكون بين 4 و 3.5

[sho sho]

المشاركة الأصلية كتبت بواسطة dina a والله يا حبيبتي أنا رحت كليــة الطب بنفسي وسألت قالتلي الطبــ الموازي نفس شروط الطب العادي بس اللهم ينفتح لو الناس إلي معدلاتهم عالية كتير والطب ما كفاهم على اساس انو الموازي يأخد البنات الزيادة دول بس إلي تنطبق عليهم الشروط :sهادا كلامها والله (بس ما تدري في دي السنة كل شي جايز) أتوكلي على ربنا إنتي بس ويارب خير

بس حراام الي عندهم نفس المعدل وتعبو نفس التعب دولا ياخدو مكافأة و التانين لأ قراار مررة غلط
الله يكتب الي في الخير

[طيوف المملكة]

المشاركة الأصلية كتبت بواسطة sho sho بس حراام الي عندهم نفس المعدل وتعبو نفس التعب دولا ياخدو مكافأة و التانين لأ قراار مررة غلط الله يكتب الي في الخير

من جد مره ظلم

واصلا هم ما قبلوهم الا ويقدروا يصرفوا لهم مكافئات وللإنتقالي المساكين كمان