رفعت طلب إفادة عن سنوات الدراسة للأمن العام لغرض الترقية ؟؟

[عيون الشقاوي]

أنا رفعت عن طريق مرجعي نموذج طلب إفادة بعدد السنوات الدراسية إلى عميد القبول والتسجيل بالجامعة وحتى الآن ماوصلت مرجعي والآن طلبوا مني مرجعي رفع ملف الترقية .
من عنده رقم هاتف المختص بالجامعة بالرد على خطابات المراجع أو يقدر يخدمني فيها يفيدني ويفيد غيري لأن إستحقاقي في تاريخ 01/08/1435

[ماهر 111]

يابن الحلال ليش ترفع له

تقدر تطبعها من النت بختم وكل شي

[( أبو عبدالله )]

اطبعها من الاودس
ايقونة الافاده
اعتقد لكل 30 ساعه تحتسب نقطه

[can not]

بنسبه للامن العام

ما يعتمدون على السجل الاكاديمي او عدد الساعات

لازم يكون خطاب وطازه موقع من الجامعه


بنسبه للي يرسلون خطابات اقولهم خذ خطابك بنفسك ورح وده انت

ترى اكثر الشباب ضاعت خطاباتهم او انها توصل ويستلمونها ولا يردون عليك


الله يعينك ترسل احد يروح يشوفها لك

[جندي جامعي1]

انا في الدفاع الجوي طبعة لهم من الاودس واعتمدوها ليش التعقيد هذا عندكم
حاولوا تكلمون المسئوليين او الجامعه حتى يحلون الموضوع لك وللي يجي بعدك

[can not]

لا حياة لمن تنادي

وللمعلوميه لجنه الترقيات هي من اصرت
على ان تكون الورقه اصليه وموقعه

[مزوح]

خذ خطاب من مرجعك واخذ معه خطاب ثاني انهم يسلمونك الخطاب رسمي لك انت ورجعه لهم بس اذا اخذت خطاب لحاله يقولون نرسله بالبريد انتبه لهذي النقطه لازم يعطيك مرجعك تسليم الخطاب لك شخصي

[إبن النصر]

اخي العزيز انا رفعتها عن طريق عملي واخذت وقت 3 اسابيع
زميلي اخذ الاوراق مناوله وبنفس اليوم اخذها من الجامعه
الحل المناسب

تاخذ رقم المعامله وتتجه للجامعه وتستلمها مناوله

[عيون الشقاوي]

يعطيكم العافيه بس لاهنتوا في أي قسم بالجامعة أراجع المعاملة .

[بدر حسن بدر]

عمادة القبول والتسجيل الدور الارضي اول ماندخل من الباب على يمينك تلقى الاستقبال على طول يعطونك افاده من عندهم الخطابات التي تاتي من برا الجامعه لايتم التصديق عليها من قبل الجامعه بعض القطاعات العسكريه تطلب التصديق على الخطاب المرسل من طرفهم والجامعه لاتصدق عليه على العموم الجامعه تعطيك افاده زايد التعميم الصادر من الجامعه بعدم التصديق على الحطابات التي ترد اليهم من برا الجامعه