ضرووري ، الاختبار البديل

[wafa al7arbi]

السلام عليكم .
اللي عندو خبر ابغى الرد ضروري ......

صحبتي غابت عن اختبار الفاينل للاحياء والكيمياء وبكره حيكون الاختبار البديل للاحياء والربوع كيمياء ...
المهم انو البنت مره مو مداكره شي فالاحياء لانها كانت تعبانه ... وكلمت الشؤون يختبروها شهر 10 لانو ماحتلحق تداكر كل الاحياء اليوم ووافقو..
الزبده انو هيا تبغى تخصص طبي ....
اللي اعرفو ادا اختبرت فشهر 10 حتقفل عليها التخصصات الطبيه صح ؟؟ ولو قدمت ع السنه الجايه يقبلوها ؟؟؟؟
بالعلم انها ماهي محمله ولا ماده ودرجاتها عاليه الحمدلله *مجرد غياب عن اختبار*

اتمنى الرد بسررعه عشان نشوف تختبر بكره ولا لا ، وششكرا ....

[AbO_Omar10]

والله ما عندي علم لكن تواصلوا مع عمادة القبول والتسجيل وبيفيدوكم بإذن الله وبالتوفيق لكم يا رب

[Mirinoxd]

طيب ليش شهر 10 !! مررا بعيد
تقدر تخلصو ان شاء الله في اسبوعين
دام هما وافقوا انهم يختبروها في وقت هي حددتو كلموهم تاني تختبر بدري مثلا بعد اسبوعين او اقل
عشان تلحق لانو زي مابتقولي حيروح عليها التخصصات الطبية
والي اعرفو انو القبول في التخصصات الطبية سنوي (مو متأكدة من دي المعلومة) يعني نص الترم ما يقبلو
وماشاء الله مادام درجاتها عالية ومجتهدة حرام تضيع تعبها :( ان شاء الله الشؤون لما يشوفو درجاتها وانها مجبورة يقبلو يختبروها لحالها في وقت قريب
الله يوفقها ويسهل عليها 3>

[رجعــي]

استفسري من عمادة القبول والتسجيل ، والافضل تبكير الاختبار حتى لا يفوتها تسكين هذا العام

[Dinah]

اذا تقدر تذاكر لو جزئية بسيطه وتمشي حالها لو تنقص كم درجة مو مشكلة اذا هي اخذه فل مارك في المواد الباقيه ماحيأثر ع نسبتها تسعه درجات بحوالي نسبه كاملة !!

هم لازم يختبروا الغائبين هذا الإسبوع ويحسبوا المعدلات عشان التسكين لكل الدفعة فصعب يتوقف عملهم وكل شيء بسبب غياب كم بنت وبعض المواد صعب ينزلو درجتها بالاودس لازم يحسبوا معدل وكذا عشان الكيرف اب ومن هالكلام.

بالزبط التسكين في التخصصات الصحيه سنوي .
قولي لها تستخيرا وتشوف وبعدو تتوكل على ربها .

الله ييسر لها ويوفقها ويكتب لها اللي فيه الخير

[رفّات حُلم]

هوا دا!
حتى د/ ليلى كتبت في موقعها انه الطالبات الغايبات يختبرو عشان ما يفوتهم تسكين الطب !
لانه تسكين الطب حسب ما اعرف سنويّ !
فالافضل لها لو تقدر تكلم الشؤون متلًا تختبر مادة الاسبوع الجاي وكدا!
خاصة انها تبا تخصص طبي

خليها تستخير وربنا يكتب لها اللي فيه الخير :)

[Somaiah Yousef]

آنآ آشوف تختبر في يومها وتمشي حآلها

مآراح يرضوا يختبروها بعد اسبوعين مثلا

تلاقيهم حطوها ف شوال ع اساس تختبر مع اللي اخذين صيفي يعني م حتكون لحالها :|

[AoDi]

تمشي حالها وتختبر دحين... مو شرط تختم المادة مادامت شاطرة مالا شاء الله .. تذاكر مراجعه سريعة


على فكرة اختبار الاعادة دا الاسبوع .. صح

[wafa al7arbi]

ايوه هما وافقولها انو تختبر شهر 10 اساس مع بنات الصيفي ..... فماحيوافقو لها تختبر الاسبوع الجاي ي اليوم ي مع بنات الصيفي شهر10 ..
دحين حكلمها واشوف ايش قررت .

وشككرا لردكم // الله يعنيها ويعين الجميع

[Reem Mohammed~]

بشرينا وفاء اش سوت
الله يثلج صدرها وييسر أمرها
<3