القبول والتسجيل

[جنة..]

السلام عليكم

انا ارغب في التسجيل عن بعد

عندما دخلت الي بوابه القبول والتسجيل

طلب مني اختيار الرغبات

لا يوجد رغبات الا رغبتين لأدبي !!

هل توقف تعليم عن بعد للقسم العلمي ام ماذا ؟؟


ياليت تساعدوني

[Xx-GodFather-xX]

المعذرة استاذة جنّة .. ولكن ياليت توضحين أكثر ؟ حتى يكون الجواب أكثر دقة ..

فإذا كان المقصد من سؤالك هو ( مسار السنة التحضيرية العلمي ) فهو من الاساس لم يكن متاح ..

المسار المتاح للتعليم عن بعد والانتساب هو المسار الاداري ( الادبي ) فقط ..

وتخصصات الانتساب المتاحة لهذه السنه هي :

1. مقر الجامعة بالسليمانية

*-كلية الآداب والعلوم الإنسانية في تخصصات :

أ. اللغة العربية

ب. اللغة الانجليزية.


*-كلية الاقتصاد والإدارة في تخصص :

أ.العلوم الادارية.


2 - كلية إدارة الأعمال برابغ :

أ- ادارة الخدمات الصحية والمستشفيات.

ب- التسويق.

------------------------------------------------------

أما التعليم عن بعد , فالتخصصات المتاحة فيه هي :


1. مقر الجامعة بالسليمانية :

*-كلية الآداب والعلوم الإنسانية في تخصصات :

أ. اللغة العربية

ب. اللغة الانجليزية.


*-كلية الاقتصاد والإدارة في تخصص :

أ.العلوم الادارية.

ب.الإدارة العامة.


2 - كلية إدارة الأعمال برابغ :

أ- ادارة الخدمات الصحية والمستشفيات.

ب- نظم المعلومات الإدارية.

ج- قانون.

د- التسويق.

...........

بالتوفيق

[جنة..]

جزاك الله خير فهمت اخي الكريم


طيب عندي سؤال

من ظمن المرفقات الي لازم ارسلها

صورةة شخصيه .. لازم ارسل صورتي ولا مو لازم

اسفه على اسئلتي بس ماعندي احد خبره بهالمواضيع :(

[أميرة الورد2010]

ايه نعم اختي لازم ترسلين كل ما هو مطلوب بالضبط منك لأنهم بيحتاجون صورتك لاصدار البطاقة الجامعية لك .... الله يوفقك عزيزتي

[انتيكـا]

الانتساب / بس هذي بالمسارات للسنة التحضرية / ادبي ..

مافي علم نفس ولا ادارة اعمال ولا علم اجتماع ولا شي من ضمن هذي . .! ياليت توضح اكثر ..

[ya hawa]

طيب واللي مسار تخصصها بالثانوي علمي ،
ماأقدر أسجل تعليم عن بعد ؟ ولا حتى أنتساب :( ؟

[Xx-GodFather-xX]

المشاركة الأصلية كتبت بواسطة انتيكـا الانتساب / بس هذي بالمسارات للسنة التحضرية / ادبي .. مافي علم نفس ولا ادارة اعمال ولا علم اجتماع ولا شي من ضمن هذي . .! ياليت توضح اكثر ..

هالتخصصات كانت متاحه للانتساب والتعليم عن بعد , لكن حاليا اغلقوها .. وصارت مقتصره على طلاب الانتظام فقط ..

واذا في بالك ادارة اعمال .. تخصص العلوم الادارية قريب جدا من تخصص ادارة الاعمال .. فلا تشيل هم ..

[Xx-GodFather-xX]

المشاركة الأصلية كتبت بواسطة ya hawa طيب واللي مسار تخصصها بالثانوي علمي ، ماأقدر أسجل تعليم عن بعد ؟ ولا حتى أنتساب :( ؟

اختي هذي مالها علاقة في مسارك في الثانوي .. مهما كان مسارك في الثانوي , يحقلك التقديم ..

اللي اتكلم عنه هو مسار السنه التحضيرية في الجامعة .. فيه مسارين .. علمي و اداري ..

العلمي طبعا بعد ما تعدين السنه التحضيرية بنجاح تتخصصين في التخصصات العلميه مثل الطب والهندسه وغيرها .. ولكن هذا المسار متاح فقط لطلاب ( الانتظام ) ..

الاداري بعد ما تخلصين التحضيرية بإذن الله تدخلين احد التخصصات الادارية و الادبية مثل ادارة عامة وسياسة واللغات و ... و .... ( وهذا المسار فقط هو المتاح لطلاب الانتساب والتعليم عن بعد ) ..

وصلت الفكرة ان شاء الله ؟

لكن شوفي التخصصات المتاحة للانتساب .. والتعليم عن بعد قبل ما تسجلين .. لانهم تقريبا كل سنه ينقصون تخصص او تخصصين .. ومرات يضيفون بعض التخصصات ..

فالرد اللي فوق موجوده فيه التخصصات المتاحه للنظامين .. اتمنى لك التوفيق

[sosoo al]

سلام عليكم
سؤال
طلبين من ضمن مرفقات بطاقه أحوال طيب البنات لي ماعندهم ايش يحطون

[ابو مشاري الحسني]

السلام عليكم ورحمة الله
اخوي العراب لاهنت انا لمن جيت اختار الرغبات ماطلع لي الا خيارين فقط اللي هم : التعليم عن بعد المقر الاساسي بالسليمانيه والانتساب كمان مقر الجامعة بالسليمانيه
ماطلع لي ضمن الخيارات فرع الجامعة في رابغ والاقسام التابعه له
ارجو انك تساعدني بخبرتك
ولك جزيل الشكر