طاب خاطري ....

[شموسه]

هلا بالجميع
انا خلاص طاب خاطري من هالجامعه
ولاعت كبدي من اللي يصير
الترم الاول جننوني وانا انتظر النتائج
وبعد ماطلعت روحي وشرفت النتائج انظلمت كثير
راجعت وكتبت خطابات ولاحياة لمن تنادي
قلت يالله نمشيها
جت الطامه الثانيه في هذا الترم درجة اللغه العربيه 60
كثر خيرهم متصدقين علي يمكن بكم درجه
عشان اعدي مع اني طالعه من القاعه وانا اقول
اذا عندي غلطه او غلطتين بس ومتأكده مليون بالميه
واليوم فتحت عيوني من النوم على dn بالحاسب
وانا حاضره ومجاوبه على الاسأله ومتأكده من نجاحي .
وش باقي من التجريح !!!

بلعنا غلاضة المراقبات وثرثرتهم
وحده للحين قاهرتني فجأه والكل مركز بالاسأله
الا تقول بنات لوسمحتوا اسمعوا
واذا سمعناها قالت بنت انتي ياللي هناك
لو سمحتي هدوء عشان زميلاتك يختبروا
لا ياشخه قولي لنفسك !!
شتتت افكار كل القاعه عشان تعلم البنت الذوق
وبلعنا اشياء كثيره وهم مايلتم !!
انا مليت خلاص
اصوم اصوم وافطر على هالجامعه
خلاص حلال عليهم التسعة الاف مطرح مايسري يمري
وانا باخذ كرامتي وبودعهم بدون رجعه
والا بعد يبون كرامتي !!
هذا اللي باقي

آسفه طولت عليكم بس والله مقهوره وضايق صدري

ومبروك الف مبروك للي نجحوا
وعقبال للجميع ان شاء الله

[شــوق]

ياقلبي لاتزعلين والله كلنا انظلمنا
انا مرسبيني بالعربي والثقافه وانا متأكده 100% من نجاحي
ومنجحيني بالحاسب وانا ماحليت شوفي القهر كيف
بس والله لاجلس على قلوبهم وبكمل وياويلهم من دعوة المظلوم
وانتي بعد يالغلا كملي ولاتضيعين مستقبلك عشانهم
الله يوفقنا جميع يارب

[الأسد الحنون]

لا لا لا
ياشموسه لاتيأسي بسرعه
النجاح يبيله صبر وكفاح
روقي وانا اخوك
ان شاء الله خير
راجعي الجامعه وشوفي السبب في اختبار الحاسب
وان شاء الله عقبال التخرج يارب
بالتوفيق ان شاء الله

[Zaid Alkhayyal]

يا اختي انا فاهم كلامك بس لا تستسلمي الحين والحمدلله انك نجحتي في اللغة العربية اهم شي النجاح وبالنسبة لـ الـdn راجعيهم و100% بيعدلوكي اياها .. يعني حقك ان شاء الله ما راح يضيع =)

[ابو سلطان f]

يا ضايق الصدر بلله وسع الخاطر
ليه بس كدا ؟ليه بس كدت
تري الدنيا والله ما تستاهل الزعل هذا كله
واش المشكله يعني راحت جامعه تجي ستين جامعه بس ما تظيقين خاطرك
والله انا برضه ماني مقتنع في الجامعه بس نقول ان شاء الله بعد التخصص الله ييسره ا

[شموسه]

هلا فيكم شكرا على ردودكم
انا مثل ماقلت قبل قليل بردي اللي مادري وين اختفى
مسويه قويه وعندي كرامه بس والله سنه تعبت فيها
وكنت متأمله خير بس سبحان الله
واذا على مراجعه تعبت الترم اللي راح وماشفت اي نتيجه
ويمكن بعد ماتهدأ اعصابي واشوف باقي النتائج احاول للمره الاخيره
بس والله العظيم من جد امتصوا كللللل حماسي وحطموني الله يسامحهم

[ralali]

لاياقلبي لاتمشي وواصلي وروحي اسالي ترا الجامعه كذا انت تسالي ورا نفسك وتهتمي وتعب وقرف لاكن مو بذاالسرعه تنسحبي فكري فيها زين لاتندمي وكلنا على ذاالحال والله يوفق معليش طولت فلسفه بس مقهوره عليك ياشموسه

[قاسي]

لا توقفين اختي شموسه حطي في بالك انه طريق مو سهل
لازم من التعب في البدايه وان شاء الله الجاي احلى بس اهم شيء لا نفقد العزيمه والاراده
ان شاء الله اشوفك وانت في المطار وما اخذه بعثه لكندا تكملين الماجستير والدكتوراه لا تستسلمين

[العاقل الحكيم]

ومن يهب صعود الجبال ..... يعش ابد الدهر وسط الحفر

اذا اخذت 60 غيرك اخذ f وبالنسبة للحاسب راجعي يا قلبي

وراح تتعدل ان شاء الله وتحصلين على درجة حلوة

[ابوعبدالمحسن1]

مساء الخير ياشموسه
انا احب اقولك انه طلعلي زيك في الترم الاول dn وكلمتهم قالوا لي ارسلها عن طريق الاودس في فقره المعاملات اكتبي كل الللي بخاطرك بعدين ارسيليها لهم يوم واحد وتشوفينها معدله على طول الا اذا كان فيه شي ثاني
وبعدين ياحلوووووووه خلي طموحك اكبر من كذا انتي شكلك تتحطمين على طول00000
بالتوفيق لنا ولك وللجميع دنيا واخره00000000