توقعات لنسبة كلية الطب للبنات فقط ..

[تحت رحمة ربي]

ال

سلام عليكم ورحمة الله وبركاته ..

حلمي أدخل طب وما اعرف هل راح يتحقق او لا ..

لكن مؤمنة بربي وأي شي يكتبو القدر ليا ..

نسبتي العامة احتمال حتطلع 95 ودرجاتي في الاربع المواد المطلوبة مادتين اي ومادتين اي بلاس باذن لله ..

كم توقعاتكم انها توقف للموازي او الانتظام ؟

[AoDi]

أنا اتوقع انها حول العام الماضي يعني من 98 الى 96

لأن الفرق بين الدفعتين ما راح يكون كتير ...مع انو الكل يقول لا دفعه العام من اشطر الدفع بالنسبة للتحضيري

و طبعا الله اعلم

[reem ahamad]

اتوقع طب الانتظام حيقفل على 98 لانوا دفعتنا مررررة دوافير وفيه بنات كثير اعرفهم جابوا 100 كاملة

[AoDi]

ممكن اما لو قفل عل 93 زي قبل العام...؟؟؟

بس ما اتوقع
اعرف كثير "تراهم 8 اشخاص" نسبتهم بين 4.8 و 5

[Yasmina95]

^

طيب 8 دول مو كتير؟ تبيني امسك 1000 بنت و أقولها كم جبتي 😂 ؟ على أساس بيقولوا

ترا المقصد انو اللي جابوا 100 كتيرين بسبب البونس و الكيرف أب

و دي السنة ممكن تكون بين 97 و 98 بس اعلى من العام ممكن بشوية

[تحت رحمة ربي]

المشاركة الأصلية كتبت بواسطة yasmina95 ^ طيب 8 دول مو كتير؟ تبيني امسك 1000 بنت و أقولها كم جبتي 😂 ؟ على أساس بيقولوا ترا المقصد انو اللي جابوا 100 كتيرين بسبب البونس و الكيرف أب و دي السنة ممكن تكون بين 97 و 98 بس اعلى من العام ممكن بشوية

طيب كم تتوقعي الموازي حيكون الله يسعدك ؟ وهل فيه أمل ..

[Yasmina95]

^

والله ماعرف ،، بس كمان اعرف بنات جابوا 5 و حطوا موازي و بنات جابوا 100 و حطوا موازي 😂😂

بس ممكن توقف على 95 ، فانتِ اضمن لك حطي موازي عشان تضمني المقعد بالنسبة الموزونة اللي جبتيها

[Memories4]

و عليكم السلام و رحمة الله و بركاته

أنا اتوقع تقفل على 100 أو 99 و اذا مررة مررة 98 فاصلة رقم كبير ; لأنو بنات كثيير ما شاء الله جايبين 100 بسبب وجود البونس .

[Ranad Ayman]

المشاركة الأصلية كتبت بواسطة memories4 و عليكم السلام و رحمة الله و بركاته أنا اتوقع تقفل على 100 أو 99 و اذا مررة مررة 98 فاصلة رقم كبير ; لأنو بنات كثيير ما شاء الله جايبين 100 بسبب وجود البونس .

لالا حرام عليكي توقعك جــداً مخيف

انا اتوقع زي السنة الي فاتت بس فرق بسيط .. وحطو في بالكم مو شرط كل بنت جايبة 100 او 99 على طول طب .. في بنات ماشاءالله نسبهم عالية وطموحهم اسنان او هندسة او علوم طبية
انا حوافقك انها ممكن توقف على 99 او 100 لو كانو كل البناات الي جايبين النسبة هذه طموحهم الاول طب

بس عموماً الاقرب ممكن النسب حتكون بين 100 - 95او94 ولو وصلوا 93 يمكن وحدة حتكون 93.99999 << جمعت هنا طب الانتظام و الموازي

موفقين جميعا ..
جميل النقاش في هذا الموضوع نقرا آراء الكل

[RaghadM]

كم تتوقعوا الأسنان ؟