إلى الطلاب المقدمين على كلية الاقتصاده والإداره بشأن التخرج

[عين الرياض]

السلام عليكم ورحمة الله وبركاته
الأخوان والأخوات اللي باقي لهم ماده ويتخرجون وسجلوا أسمائهم معي
اللي هم
وئام الدوسري
زايد علي
زبن بشير
عبدالعزيز الدوسري
نواف مفتي
فنيس أل مطلق
فهد الطوياوي
ناهد العيافي
قبل يومين راجعت الكليه
قابلت الاستاذ ابو طالب وعطيته الخطاب استشيره في الموضوع
قال لي بالحرف الواحد عميد الكليه لو تطير وتوقع ما راح ينفعك في تعديل الدرجات
الدكتور هو اللي يقدر يمشيها لك أو تعيد الماده
سألته طيب وش الحل قال لي مالك إلا تكلم الدكتور
قلت له احنا مجموعة طلاب وكل طالبه وطالبه دكتوره يختلف عن الطالب الثاني
قال لي شف المواد حقتهم عند مين وكلم الدكاتره
المهم قلت بجرب وأشوف رحت لمكتب دكتور الماده تبعي اللي هو عبدالعزيز دياب وكلمته في الموضوع
قلت له أني طالب خريج وما باقي لي إلا ماده وحده وهذي رابع مره أحمل الماده
قالي انت خريج ؟
قلت له صحيح
قال خلاص روح اطبع لي الخطه علشان أتأكد أنه ما باقي لك إلا ماده وحده وقدمها على السكرتاريه وان شاء الله خير
هذا كلام الدكتور
طبعا طبعتها وعطيتها السكرتاريه واخذت رقمهم علشان أتواصل معهم
انا صراحه تحمست
رجعت للشؤون التعليميه مره ثانيه وقلت لهم الموضوع من البدايه وأبغى أطبع الخطط الدراسيه للطلاب اللي معي لأنهم على وشك تخرج
قال لي شوف وش مكتوب على الورقه كان ودي اصور لكم الاعلان بس ما كان معي الجوال
كانو حاطين إعلان انه الطالب ما يطبع الخطه إلا ببطاقة الجامعه
حاولت فيه بس للأسف ما نفع
رجعت وكلمته عن الاخت وئام وناهد وقلت لهم انهم من خارج جده ولا عندهم احد يراجع في أوراقهم وكذا
قال لي الطالبات ما نطبع خططهم بس شطر الطالبات هم اللي عندهم صلاحيه يطبعونها
للأمانه والله كان ودي أخدمكم كلكم لأني كنت موجود ومعي اجازه بس قدرة الله فوق كل شي
اتمنى تعذروني لأني حاولت قد ما أقدر بس ما حالفني الحظ
بس أنا أنصح اللي يقدر يراجعهم يروح ويلحق على نفسه

[عين الرياض]

up
up

[فهد1393]

السلام عليكم اخوي انا قدمت استمارة على السكرتير بس ماجاني رد الى الان مادري ايش ردو عليك ولك اطيب التحيات

[عين الرياض]

المشاركة الأصلية كتبت بواسطة فهد1393 السلام عليكم اخوي انا قدمت استمارة على السكرتير بس ماجاني رد الى الان مادري ايش ردو عليك ولك اطيب التحيات

وعليكم السلام
انا لما قدمت على السكرتاريه اخذت رقمهم المباشر وتواصلت معهم أمس
قالوا لي أنهم طلبوا ورقة الإجابه علشان يرفقونها مع الخطه والخطاب ويحولونها للدكتور
وبعدها الدكتور راح يدرسها ويشوف إذا بيمشيني فيها أو لا
طبعا قالوا لي كلمنا نهاية الأسبوع علشان أشوف إذا وافق الدكتور عليها أو لا

[محمد22]

بالتوفيق

[فهد1393]

موفق ان شاالله

[عين الرياض]

الحمد لله تم تعديل الدرجه وتم التخرج
< عطنا طمبقه يا كنترول
شكرا دكتور عبدالعزيز دياب بحجم نظاراتك الكبيره
مع أني حفرت معه خمس مرات بس المره الأخيره عدت بسلام

[عين الرياض]

الطريقه كتبتها في كذا رد
بس علشان الفائده لطلاب الأترام الجايه
يروح لدكتور الماده ويفهمه أنه ما باقي له إلا ماده ويتخرج
وان شاء الله الدكتور راح يقدر وضع الطالب
بعدها بيطلب منه الدكتور شي يثبت أن ما باقي له إلا ماده وحده < طبعا كل دكتور له أسلوبه بس أنا أتكلم عن الدكتور عبدالعزيز دياب
بعدها يروح للشؤون التعليميه ويطلب الخطه الدراسيه ويقدمها على سكرتارية القسم
ويكون كذا خلص اللي عليه الباقي على السكرتاريه طبعا لا ينسى ياخذ رقم السكرتاريه علشان يتواصل معهم
فالكم التوفيق يا حباني

[محمد هادي]

يا جماعة افيدوني متوقع تخرجي ولا عندي سالفة عن ذا الموضوع افييييييييييييدوني

جزاكم الله خير وش انزل وكيف؟؟؟؟؟

http://www.gulfup.com/?vJ2Yhy

[زين بشير]

مبرووك اخي عين الرياض وتستاهل كل خير حولت مع الدكتور/الشيعبي ورفض والحمد لله من قبل ومن بعد ومادة وحدة امرها هين ان شاء الله وشكراُ لسيعك وبالتوفيق ان شاء الله في حياتك العملية
زين بشير