دورة مصطلحات طبية

[memestudent]

السلام عليكم

انا طالبة سنة تحضيرية ونفسي ادخل طب فا ابغى اسالكم اذا تعرفوا معهد في جده يعطي دورة في المصطلحات الطبية ممكن تقولولي اسمه معهد يكون للبنات

وشكرا وجزاكم الله خيرا

[مناال]

يا عسل مو ضروري انا اعرف كتيير يدرسو طب بدون ما اخذوا الدورة الي تقولي عليها

[DR.K]

انا ادرس طب


مايحتاج تاخذين دورة ولا شي

ولو حابة تاخذي دوره خذي انجليزي تساعدك كثير بالدراسة



بالنسبة للمصطلحات الطبية مادة سهله وممتعه ولاراح تتعبين فيها لو ذاكرتي اول باول

وهي تعتمد على الحفظ



بالتوفيق

[FOFO<3]

أنا زيك تحضيري وداخله دحين ابغا اسأل يلا الحمدلله طمنتوني

ثانكس =p

[memestudent]

شكرا منال ودكتور كيه على الردود وان شاء الله ربي يوفقكم

[dr.hope]

اختي

الكلية حتسوي دورة روحي اسألي هناك هما حيفيدوكي

[جاوبوني]

بنات ما وصلتو لشي!!
اول وحدة تلاقي الدورة تقولنا فين ومتى وكم مدتها وبكم
الله يسعدكم :)

[Luis Network]

Al-Kolya Nfsaha 7t3ml Dwra
Al-Osboo3 Al-Jy Aw Elly B3do
So, Ro7y As2ly Hnak oO Homma 7yfedoky Mzboo6
oO Momkin Kman Tshofy l Mw9'oo3 Hada
n shallah yfeedek


Medical Terminology

[kind]

بالنسبه لدورة المصطلحات الطبيه
انا روحت يوم السبت كلية دار الحكمه
عشان اسجل بس قالولي لازم يكون في مجموعة من البنات عشان يفتحوها
كمان في دورة في معهد فيوتشر
بس برضو مافي الا انا وبنت تانيه الي مسجلين اسمنا في الويتنق
وقالو لازم 10 بنات عشان يفتحو الدوره

[نابغة]

المشاركة الأصلية كتبت بواسطة kind بالنسبه لدورة المصطلحات الطبيه انا روحت يوم السبت كلية دار الحكمه عشان اسجل بس قالولي لازم يكون في مجموعة من البنات عشان يفتحوها كمان في دورة في معهد فيوتشر بس برضو مافي الا انا وبنت تانيه الي مسجلين اسمنا في الويتنق وقالو لازم 10 بنات عشان يفتحو الدوره

طيب يادكتورة وأنا اش أقول من أول ماأنا حاولت ونزلت الخبر في المنتدى ولمن سألت الموظفة بتقول مافي أحد سجل بس ايش رأيك نعمل قائمة بأسماء الأعضاء اللي يبغوا يسجلوا في موضوعي ونشوف العدد