الرجاء تفيدوني بخصوص الطب

[legend45]

السلام عليكم ورحمة الله وبركاتة :
انا حابة استفسر عن المعدل المطلوب في الطب وكيفية حسابو وكمان عن اي مستوى مطلوب في الانقلش
وشكرا

[x3bade]

وعليكم السلام ورحمة الله وبركاته

شوفي المعدل اختلف من دفعه لي دفعه على حسب شطارة الدفعه
يعني اذا كانت الدفعه دوافير والي قدمو على الطب معدلاتهم عاليه فأكيد حيكون معدل الطب عالي لأنو هما ياخدو افضل المعدلات الي متقدمينلهم وزي ما تعرفي كراسي الطب قليله والمتقدمين كثار

اما بالنسبه للحساب فهوا كالتالي
طبعا في المعدل الي هوا من 5 ودا المعدل ادخلك زي ما تقولي في التصفيات
وفي النسبة الموزونه الي هوا اجبلك نسبة متوسط المواد الي طالبها التخصص الي تبي تدخلي
يعني زي الطب اطلب في الفيزياء-الانجليزي-الكيمياء-الاحياء اقل شيء +b

وطبعا عشان تدخلي في الطب انتي لازم تجيبي معدل عالي الي هوا من 5 عشان تدخلي في تصفيات الطب
ولو جبت المعدل الي طالبينو اقومو اسووا مفاضله بين الطلاب بالنسبه الموزونه يعني اشوفو انتي في ايش جبتي درجات عاليه
مثلا في اثنين جابو معدل 4.6 والاثنين قدمو على الطب فهنا تصير المفاضله وياخدو بالنسبة الموزونة الاعلى
لانوا في ناس ممكن اجيبو درجات عاليه في مواد ما تهتم فيها الطب والمواد الي عليها الكلام اجيبو درجات نازلة
فممكن واحد اكون جايب معدل عالي بس ما ادخل الطب عشان نسبتو الموزونه نازلة
وواحد اقل منو في المعدل بس ادخل الطب عشان نسبتو الموزونه عالية

اما بالنسبة للإنجليزي فأتوقع كل المستويات داخله في المعدل ما عدا المستوى الاول والله اعلم

[AoDi]

النظام كالتالي:

قبول مبدأي لأي طالب نسبته الخاصة "الانقلش +الكيمياء+الاحياء+الفيزياء" 85 او اعلى

قبول نهائي لأعلى نسب عامة "متوسط كل المواد" من بين هادي المجموعة اللي فوق لحد الاكتفاء..مايهم كم اعلى نسبة

[Abdullah96]

الأخ. X3bade معلوماتك خاطئة .. أما الأخت Aodi كلامك صحيح مية في المية