أحد يعرف أسلوب الأستاذة رجاء طه القحطاني؟

[يابانية شمرية]

السلام عليكم..
أحد يا جماعة اخذ أي مادة مع هذي الاستاذة؟
كل ما سألت أحد يقول ما اعرفها!
مو مهم المادة، بس ابغى اعرف اسلوبها عموما.. هل تكاليفها صعبة، هل هي تشدد وتدقر والاسئلة حقتها كيف؟

[Abrar Ibrahim]

وعليكم السلام
للأسف ما نعرفها وكثير يسألني عنها
بالتووفيق

[راجية الرب]

انا دحيييين اخذ معاها شباب وقيم

هيا انسانة مررررة كويسة وتفيدنا في المحاضرة يعني سار عندي حصيلة معلومات لابأس بها

هيا درست في بريطانيا وتقولنا عن حياتها هناك ومقارنة مجتمعاتهم ومجتمعنا يعني كل الكلاس قصص دا الشي عاجبني

و شديدة في الدرجات تعصب لو قلنا نبغى بونس

.......

مو معناتو خذي المادة معاها

انا درجاتي معاها زي الزفت

المهم

اذا بتنجحي معاها

احفظي خريطة المملكة+ خريطة العالم

+ الخارطة الزمنية يعني تواريخ الاحدات اللي سارت في القرن العشرين والواحد والعشرين , اول في الاختبار جابت لنا فوق ال 15 تاريخ ..

اسئلتها

ما تعتبر صعبة انا نزلت درجاتي معاها بسبب انو ما كنت عارفة اسلوبها

دحين عرفت اسلوبها اللي تقولو في المحاضرة تجيبو يعني اسئلتها تكون

خريطة المملكة + خريطة العالم + تواريخ ... <<< دي اساسية في كل الاختبارات

وبعدين مثلي وقارني وفراغات

انا نفسي محتارة لو نزلت لي مادة تانية معاها اخذها ولا لا

[يابانية شمرية]

راجية
الله يسعدك ويوفقك يا قلبي مرررة ما قصرتي ^__^
بس احس خوفتيني.. اهم شي الاسئلة عندي والتكليف يكونون سهلين.. اما الاخلاق مستعدة اتحمله t^t
المشكلة مافي الا هي ودكتورة ثانية مرررة ما يمحونها.. فقلت اخذ مع رجاء احسن

بس إذا فيه إمكانية تعلميني إذا فيه تكليف عندها؟ كيف عبارة عن ايش.. تتساهل فيه؟ <<تعقدت من بعد فكر فلسفي

[راجية الرب]

شوفي تكليفها يجيب المرض يمكن شوياا كنت حابكي منو
لكن لمن خلصت مرررة حسيت اني استفدت من الكلام اللي عرفتو من التكليف
شوفي كتيير من البنات معترضين عليها وانا كنت اولهم
اسئلتها لف ودوران
تكليفها كان بحث وعرض بعدين غيرتو خلتنا نطلع اشياء كتير من موقع الامم المتحدة هي الاشياء سهلة لو طلعتيها اول باول