انا طالبة من الشرقية

[طموحي]

السلام عليكم ورحمة الله وبركاتة
كيفيكم شباب وصبايا كيف الجامعة معاكم ايش مسوين ؟ كيف الدراسة ؟ سهلة صعبة ؟ انا طالبة في جامعة الملك فيصل ادرس نظم معلومات ادارية وسجلت في جامعتكم ايش رايكم اجي ولا احسن ادرس نظم معلومات ادارية وحاسب علما انو تاهيلي

[Dr-A]

طيب دحين مو فاهمين وضعك ..
إنتي حاطه نوع الدراسه ثانوي ,,
الكليه إقتصاد منزلي ..
وإنتي تدرسي نظم معلومات إداريه في الشرقيه ..
وسجلتي بجامعتنا ,,



كيف يعني إنتي لسى بالثانوي ومحتاره بين جده والشرقيه ولا تدرسي بجامعة الملك فيصل وتريدي تحولي ,,

[dentist]

وحتى لو كانت الدراسة تأهيلي انتي ليش تبي تنقلي مافهمتك يعني من كلامك تبغي تستفسري عن التحضيري

[υикиσωи]

يا قمر اللي فهمتو من كلامك انك تدرسي حاليا في جامعة الملك فيصل بسس تأهيلي ...

وتبي تجي هنا جدة ( تحولي ) لنفس القسم لأسباب ما نعرفها
وبتسألي عن الجامعة ..مو ..!؟


المهم جامعتنا زي العسل ...ما يعيبها شي
والدراسة برضو كويسة

دا القسم ( نظم معلومات إدارية ) اعرف فيلو وحدة ... وماشية البنت فيلووو ..
ويقولو قسم حلوو ومرغوووب ...اهم شي البنت بتدرسووو بالعربي ...

ما ادري هوا في قسمين نظم معلومات
واحد في كلية الحاسبات
والتاني في الاقتصاد المنزلي ..
وانا باتكلم عن الادارة والاقتصاد ...


اهم شي استخيري ... وازا جاكي قبول هنا ..ليش لا ..!
جامعتنا زي اي جامعة في السعودية او برة فيها مميزات ومساوئ في نفس الوقت ..

بسس خلي في بالك شي مهم ... انك هنا حتكوني لحالك وأهلك هنااك ..


ربي يوفقك ان شالله ويختارلك اللي فيلو الخير ...

=)

[تخصص 13]

لو كني طالبة في جامعة الملك فيصل وحولتي لجامعتنا حيخلوكي تعيدي سنه اولى ثانية << اعتقد
واذا انتي لسع سنه اولى اصلا او ثانية وعندك ظروف ولازم تجي توكلي ع الله وحياك عندنا
لكن لو عديت اكثر من سنه او ما عندك ظروف الافضل تقعدي في جامعتك حتى لو تاهيلي
لان النظام التحضيري حبتين صعب و مو مضون انك تعدي بامتياز وتنقبلي في التخصص الي تبغيه

وانتي استخير واتوكلي ع الله وهو بيخترلك الي فيه خير

دعواتك لينا

[بيو كيميائية ^_^]

بالعكس ظلي في الفيصل
أختي تدرس نظم وخلاص هذا آخر ترم لها إن شاء الله

ونظم المعلومات في الفيصل أقوى من جامعتنا هنا ضعيف يعتبر بالنسبة للفيصل

وأنت سنتين بفلوس وبعدين إذا جبتي معدل تصيرين إنتظام

أنصحك ظلي لاتجين

وترى غربة فكري بها وأنا مثلك من الشرقية

[طموحي]

انا ياحلوين ادرس نظم معلومات ادارية وحاسب في جامعة الملك فيصل وابغا اقدم في جامعة الملك عبدالعزيز كيف الدراسة والتسكين حق المواد ومشكورة عاردود الله يوفقكم

[طموحي]

عادي انا مايهمني اذا عدت سنة اولى تحضيري بس اهم شي ادرس حاجة مضمونة

[بيو كيميائية ^_^]

ترى تخصصك مرغوب فيها ومضمون وعلى طول تلاقين وظيفة
بس مدام أنت مو مقتنعة به بكيفك

[Sara.N.H]

انا صراحه عن نفسي مااتصحك تجي هنا عشان لو جيتي مو مضمون ايش حتدخلي تخصص وممكن لا سمح الله تدخلي تخصص اقل من الي انتي في اما انتي في الشرقيه عارفه انتي ايش بتدرسي ومعا اهلك ومبسوطه