كل ماتريدون معرفته عن مادة التدريب العملي lane 463- للترم الاول 2014

[الملاك الأبيض]

السلام عليكم ورحمة الله وبركاته

مساءكم ورد وجوري .. ترم جديد وسنة جديدة وياعساها سنة خير وتوفيق للجميع ياارب

البنات الي يبغوا ينزلوا مادة التدريب العملي " براكتكم "lane 463

حبيت أنقل لكم الخطوات الي تمشو عليها لانو ليساته فيه وقت طويل على بال ماتبدأ الدورة التأهيلية وفيه بنات يبغو يتدربوا بدري.وفيه بعضهم خارج جدة ومايقدروا يجوا الجامعة . فان شاء الله راح أنقل لكم الخطوات وكل المعلومات عن هالمادة اول بأول وطبعا أرحب بأي اضافة من قبل أي من اخواتي العزيزات او تصحيح لمعلوماتي اذا كان هناك اخطاء و الله الموفق .

بسم الله نبدأ :

1- لازم تعرفوا ان مادة التدريب ماتنضاف الا للبنات الخريجات يعني مايمدي البنات الي في المستويات السابع والسادس انهم يضيفوها الا اذا كانو تخرج .


2- عشان تضيفو هذي المادة راح تلاحظو انو شعبتها مغلقة في الاودس وعشان تضيفوها لازم تروحو لميس جميلة مرشدة القسم وهي تضيف لكم المادة بعد ماتعبو طلب وغرفتها رقم 119 في مبنى الجوهرة الدور الاول وساعاتها المكتبية احد وتلاتاء وخميس من الساعة 11 صباحًآ ( وهي متواجدة ايضا يومي الاثنين والاربعاء ).. او فيه طريقة ثانية انو تبعتوا لها رقمكم الجامعي ورمز المادة واسمها وتطلبو منها تضيفها لكم عن طريق الايميل وايميلها هو :
external2010@gmail.com


3- وقبل ماتقدرو تضيفو المادة لازم تبعتو لهم اثبات انكم طالبات تخرج, لازم تعبو استمارة طلب التخرج لطالبات الانتساب وتجيبو صورة من جواز السفر والهوية وترفقوها مع الاوراق. وهذي الاستمارة تجيبوها من عمادة القبول والتسجيل.

4- وبعدين تاخذوا هذي الاستمارة وتقدموها للمرشدة وساعتها يتم التأكيد أنكم طالبات تخرج ويضيفو المادة لكم .

5- بعدها يا عزيزاتي تروحو هذا الرابط وراح تلاقو فيه استمارة التدريب وورقة موافقة لولي الامر وجدول حضوركم في التدريب . تعبو ورقتي التدريب والموافقة .



http://www.skaau.com/vb/showthread.php?t=668069



وتبعتوها لاستاذة سوزان عن طريق الايميل وهذا ايميلها :

lanee463@hotmail.com
أو تروحوا لها بأوراق التدريب في ايام دوامها ضمن ساعاتها المكتبية :
يوم الاثنين والاربعاء من 11 الى 12:30