سؤال عن النسبة الموزونة الخاصة لكلية الطب

[Abdullah96]

السلام عليكم .. قريت عن آلية التسكين و طريقة احتساب النسبة الخاصة بكل كلية لقيت بعض الأعضاء يتكلمو عن كلية الطب وطريقة حساب النسبة الخاصة تعتمد على درجات الفيزيا والاحياء والكيميا والانجلش تجمع درجاتها وتقسم على عددها إلي يعتمد على مستويات الانجلش .. هل هذا معناتو المواد الثانية مالها قيمة وما تأثر في دخول كلية الطب ؟؟ يعني أركز على الخمس مواد أكثر من المواد الثانية ؟؟

[picasso]

وعليك السلام ورحمه الله ..

كل شي لها قيمه ، بس الي ذكرتها تعتبر معايير وشروط تضعها الكلية للتسكين فيها
وركز عليها كلها سهله ان شاء الله ..

[MnemoniC]

اكيد لازم تركز في كل المواد ... النسبة الخاصة للكلية هي مفتاح العبور او بمعنى اصح هي اللي تدخلك المنافسة على مقاعد الكلية (بدونها ماراح تدخل حتى لو معدلك يسمح)، واما القبول هو على حسب نسبتك العامة (اللي هي كل المواد) والمقاعد الشاغرة.
وانت تحتاج تجتهد وتجيب درجات عاليه في كل المواد عشان تضمن قبولك في الكلية وتبقى في الوضع السليم
بالتوفيق

[Abdullah96]

أبغى إجابة أوضح ... أنا اسأل عن النسبة الخاصة الي عن طريقها تتم المفاضلة بين المتقدمين لكلية الطب كيف تنحسب وهل كل المواد تدخل في حسابها ولا بس المواد الأربع... الانجلش بمستوياته وإلاحياء والكيميا والفيزيا.؟؟طبعا النجاح في جميع المواد أمر بديهي ومو هذا إلي بسأل عنه

[MnemoniC]

ياأخوي صلي على النبي اول شيء :)
كل كلية لها شروط للقبول .. الكليات الصحية والهندسة والحاسب لها شرطين المعدل الخاص والمعدل العام وتقريبا باقي الكليات غير مطلوبة المعدل الخاص
النسبة الخاصة لكلية الطب زي ماذكرت انت ناتج مجموع درجاتك للفيزياء والاحياء والكيمياء والانجليزي مقسوم على عددهم لازم فوق 85 كذا انت عديت المرحلة الاولى (القبول المبدئي)
يعني اللي حيجيب اقل من 85 يحلم يدخل الكلية حتى لو معدله اعلى من اقل طالب قبل في الكلية ...
بعد كذا مثلا الطب فيه 200 مقعد والمتقدمين 3000 مثلا !!! حيقبلوا مين فيهم ؟؟ عن طريق المعدل العام اللي هو عدد درجات كل مادة مضروب في عدد ساعاتها قسمة عدد ساعات المواد كلها (يعني موبس تنجح فيها وخلاص لا لازم تجتهد فيها وتجيب a+)
بالتوفيق

[Abdullah96]

المشاركة الأصلية كتبت بواسطة mnemonic ياأخوي صلي على النبي اول شيء :) كل كلية لها شروط للقبول .. الكليات الصحية والهندسة والحاسب لها شرطين المعدل الخاص والمعدل العام وتقريبا باقي الكليات غير مطلوبة المعدل الخاص النسبة الخاصة لكلية الطب زي ماذكرت انت ناتج مجموع درجاتك للفيزياء والاحياء والكيمياء والانجليزي مقسوم على عددهم لازم فوق 85 كذا انت عديت المرحلة الاولى (القبول المبدئي) يعني اللي حيجيب اقل من 85 يحلم يدخل الكلية حتى لو معدله اعلى من اقل طالب قبل في الكلية ... بعد كذا مثلا الطب فيه 200 مقعد والمتقدمين 3000 مثلا !!! حيقبلوا مين فيهم ؟؟ عن طريق المعدل العام اللي هو عدد درجات كل مادة مضروب في عدد ساعاتها قسمة عدد ساعات المواد كلها (يعني موبس تنجح فيها وخلاص لا لازم تجتهد فيها وتجيب a+) بالتوفيق

مشكور أخوي وما قصرت إجابة شافية ووافية واسفين عالإزعاج :)