شورتكم ياهل الحكمة والتفكير... انا في مفترق طرق

[محمد الحربي.]

السلام عليكم


كيف حالكم ....انا حاب اطلب شورتكم ياهل الحكمة والتفكير... بخصووص ..


اني قدمت على الجامعة

وقدمت على المعهد العالي لتقنية المياه والكهرباء

وقدمت على التدرج لبترو رابغ



وانا محتااار جدا بينهم ايش تنصحوني


لان الجامعة حلوة وعاجبتني واخرتها شهادة جامعة بكلاريوس

ام اتدرج والمعهد حق الكهرباء والمياه دبلوم ومومضمونه الوظيفة وصعبة وصعبة شروطهم مره


انا عاجبتني الدراسة الجامعية

اما فيه ناس من اقاربي واهلي واصدقائي يقولون قدم على التدرج والمعهد الي ذكرتها


واحترت وخف اني اختار وحده منهم واندم على الثانية ... اذا جاتني ان شاء الله


انتظر ردودكم انا في مفترق طرق

[LAS]

وعليكم السلام ..
بالنسبة لي شهادتك الجامعية (بكالوريوس) أفضل من الدبلوم .
البكالوريوس مضمون وتقدر تكمل ماستر ودكتوراة بالمستقبل إن شاء الله

لكن أنت استخير وشوف اللي يناسبك
والله يكتب لك الخير ..

[ReRe.H]

والله صراحة انا ما اعرف الشيين هذولا
بس الدراسة الجامعية احسن اكيد اشوف مضمونة وشهادتها احسن
خصوصاً انه انت حابها لا تخلي كلام الناس ياثر فيك
وقبل كل شي استخير محد عارف الخير وين
بالتوفيق

[Lujain :)]

-


وعليكم السلام ورحمة الله وبركاته ..

يا ابني انتا اساساً مو مقتنع بغير الجامعة!
والظاهر إنك كتبت هالموضوع من كثر ما اتشوشت من اللي حولك ..

استخير واتوكل على الله وماحتندم على شي إن شاء الله =)

[كوروبا كايتو]

الجامعة أحسلك وأضمن لك وشهادتك بعدين بكالوريوس أرجل من الدبلوم

[قروشـ]

طبعا ً القرار بإيدك في النهاية , والي نكتبه هنا مجرد اراء وكل واحد حسب ما يرى , أتوقع على حسب الطالب , انت تقدر للدراسة الجامعية ؟ كيف معدلك الثانوية والقدرات والتحصيلي ! , إذا كنت طالب ذو موزونة متواضعة , الدبلوم افضل لك بكثير , وع فكرة , التدرج في رابغ او ارامكو الوظيفة مظموووونة بقوة , واول راتب 7 الاف , أعرف ناس جيران لي , أثنين من جيراني , تخرجوا معي نفس السنة , واحد دخل الجامعة , ظل ترم واحد , ثم ما وجد نفسه في الجامعة , درجات ضعيفة ومعدلة نازل , فـعطول فصل من الجامعة وقدم ع التدرج , وطبعا ً مو شرط الجامعة أفضل من الدبلوم , ع فكرة بعد التدرج بإمكانك تكمل دراستك لو معدلك ممتاز , وع فكرة المكافئة في التدرج أعلى من الجامعة , يعني ع حسب طموحك , ع سبيل المثال أنا جاري جاء كلمني ونصحني بالتدرج , وصراحة عندهم مغريات قوية , بس انا طموحي طبيب ! وعندي مقدرة ع دراسة الجامعة والحمد لله إن شاء الله السنة الجاية ثاني طب, يعني حسب قدرة الطالب , إذا انت قد الجامعة أو تشوف الدبلوم أفضل , الله يوفقك

[SamuraiQ]

والله يا حبيبي انا حصل موقفك نفس اللي تفكر فيه انت حصل لي
خلني اقلك قصتي وبعدها انت احكم
انا تخرجت من الثانوية بمعدل جيد وقياس جيد وتحصيلي جا بالصدفة مدري كيف @@
المهم كانت عندي خيارات كثيرة جدًا جدًا جدًا
كان منها الوظيفة المضمونة وهذا اللي كان مخليني اتردد
فقدمت على ارامكو وعلى سابك وقدمت ابتعاث خادم الحرمين الشرفين وقدمت على البترول والمعادن قدمت كمان على الأبتعاث للمراقبة الجوية وكمان قدمت على الأكادمية السعودية للطيران المدني كمان تبع المراقبة

وكن حاط الجامعة اخر اخر اخر احتمالاتي
طبعا قدمنا انا وصديقي العزيز فيها كلها

اللي تعبني اني ما كان عندي اي فكرة عن ايش ابغى اكون في المستقبل
مرررة ما عندي اي فكرة عن ايش ابغى اتخصص

ولكن بعد اقناع وضغط قررت انه اهم شي لي بيكون المراقبة الجوية لأنها شي مضمون + اول راتب لك 9 الف شي جيد جدًا

ولكن قلت بأكمل في كل شي لين اضمن المراقبة اخلي عندي بدائل
\
رحت لأرامكو واختبارهم حق الرياضيات التعجيزي >< اما الأنجليزي كان سهل المهم صديقي قبل انا لا
قلت اصلا مالي رغبة فيها

رحت سابك اختبار انجليزي تافه بس دخلت المقابلة جاني اول سؤال حطمني
انا درجاتي كانت كلها عالية الا مادتين رياضيات وفيزياء بسبب التصعيب لانه في اخر ترم لي كان مدرس الرياضيات حاقد علينا فرسبوا اول ترم 20 طالب من 60
واللي نجحوا كان عشان اعطى الكل 20 مشاركة واختبارات قصيرة وجابو 5 بس النهائي

المهم دخلت المقابلة اول سؤال قالي ليش ناقص في الرياضيات والفيزياء @@@@
انحشرت بققوووة
في الأخير انقبل زميلي وما قبلت
:)

بديت اتشائم فا جا التقديم للأبتعاث للمراقبة الجوية فقلت اوكي بسم الله دخلت وكان فيه اصعب الأختبارات اللي شفتها اختبارات تخلي عقلك يدور مو اسئلة يعني فك شفرات اشكال وزي كذا

اللي خلاني واثق اني بأقبل انه الممدرب مدحني في الأخير حسسني انا جدًا كويس

بعدها جاني قبل في البترول والمعادن بس كان لازم نرسل شهاداتنا الأصلية بالبريد فخفت انهم بيقولوا ضاعت او اي شي بسبب واسطة او شي فهمت عليا + ما كان عندي تخصص معين انا ابغاه >>اكبر مشكلة <<

في الأخير قدمت على جامعتنا العزيزة ودخلت فيها وكملت
في منتصف الدراسة رحت قدمت على الأكادمية السعودية للطيران المدني اللي وظيفتها كمان مضمونة وكانت اختباراتي في نفس اليوم لأختبار الفيزياء الفاينل رحت وخلصت كل الأخختبارات دخلت المقابلة قالي اخلي الاولوية لك للأبتعاث او الأكادمية قلت له الأبتعاث وطلعت من عندهم على 2 ونص وصلت البيت 3 ونص وكان اختبار الفيزياء 4 هههههههههههههه فما كان في وقت ولكن الحمد لله حليت في الأخير

المهم زبدة الموضوع طلعت الأحتياط ال 37 كيف ما ادري هل قدراتي مرة مو كويسة او انه في واسطة في الموضوع الله اعلم

فحاب اقلك من بدري انه حاول تحدد انت ايش تبغى تكون انت ايش تتخيل نفسك تسوي في المستقبل وتكون مرتاح فيه

انا ترددت من مكان لمكان واحس اني احكي قصة حياتي هنا هههههههههههه المهم حبيبي فكر في قرارك بكل عناية وحاول تبعد عنك ضغوط الأهل والأصدقاء

والله ييسر عليك يا حبيبي

[محمد الحربي.]

اب

اب

اب

[محمد الحربي.]

محتااااااااااااااااااااج ... لكم ولنصائحكم

[Maher Al Johani]

بدايةً لا يوجد مجال للمقارنة ، الجامعة أفضل بكل تأكيد.
بخصوص المعهد الشهادة حتكون دبلوم أما الجامعة الشهادة بكالوريوس فرق شاسع بين الاثنين.
أما التدرج لبترو رابغ تدرس سنتين ثم تبدأ العمل كـ فني أو مشغل وعملهم مرهق جداً اذ ساعات العمل طويلة و الراتب يبدأ من 6.

فأنا أنصحك كأخ لك أن تتوكل على الله وتدخل الجامعة.

أنا كتبت موضوع عن السنة التحضيرية أتمنى أن يفيدك ولو بالقليل
http://www.skaau.com/vb/showthread.php?t=696248

مع كل تمنياتي الصادقة لك بالتوفيق ...