السلام عليكم .. ارجو المساعدة

[رزان222]

السلام عليكم ورحمة الله وبركاته

اسالتي هي كالتالي ^^:
1- دحين انا مسار علمي بس ابى ادخل ترجمة وقالو مافي ترجمة قلت طيب خلاص ادب انجليزي وبعدين اتخصص ترجمة .. لكن في خيارات التسكين مالقيت كلية الاداب والعلوم الانسانية .. هل اقدر ادخل دا القسم ؟؟علما انو انا رحت يوم التسكين حق الادبي وسالت في قسم لاانجليزي والفرنسي وقالولي بما انك علمي ليكي فرصة اكبر !! بس يوم سالت الادارة عندنا في فرع الشرفية قالولي لا الادبي لحال والعلمي لحال مايسير العلمي يدخل تخصص الادبي والعكس

2- يمكن السؤال دا ما الاقيله جواب بس برضو اكيد في احد منكم عندو اخوان او اخوات يدرسو برا فكان عندي نقطة امل الاقي جواب xd دحين انا لو دخلت مثلا "احياء" واخدت شهادة بكلوريوس فيها وحبيت ادرس طب في امريكا (علما انو امريكا الطب فيها لازم يكون معاك شهادة بكلوريوس مسبقا بحيث تكون احياء كيميا نقدر نقول كلية العلوم يعني)

هل ممكن يقبلوني طب هناك ولا حيقولو لا انتي موادك غير موادنا ويقعدو يضيعولي سنة سنتين عشان يدرسوني الي مادرسته ؟

[رزان222]

up up up

[طالبة طموحةة]

وعليكم السلام
صحيح كلامهم عشان تدخلي تخصصات الأدبي لازم تكوني دارسة تحضيري أدبي
سو الافضل لك أنك تحولي أدبي من بداية الدراسة أذا مرا كانت رغبتك في الانجليش .
وعلى سؤالك التاني ، ماينفع تاخذي شهادتين بكالوريوس واحدة أحياء والتانية طب حتى لوأنها من بلد تاني
و أذا قصدك على ماستر فيكون نفس تخصصك تبع البكالوريوس ،
بالتوفيق

[قروشـ]

سؤالك الأول , الي اعرفه وحسب الموضوع المثبت عن التسكين , بإمكان طالب العلمي يتخصص في تخصصات قسم الادبي لكن يتم ذلك يدويا ً عند العمادة , يعني ما يمديك تسوينه من خلال الاودس , لازم تروحين لهم , الله يوفقك

[رزان222]

يعطيكم العافية جميعا وبالنسبة لأختي طالبة طموحة .. النظام في امريكا بالنسبة للطب زي كدا لازم بكلوريوس من ال4 تخصصات الي في كلية العلوم وبعدين يختبروكي اختبار الMcat واذا معدلك عالي يدخلوكي طب 4 سنين الدراسة دا نظامهم اعرف كتير بنات هناك سافرو وبيدرسو دحين احياء او كيميا عشان الطب .. وكمان دا الموضوع في موقع مبتعث تلاقيه