سؤال عن التوفل او الأيلتس

[SamuraiQ]

السلام عليكم
كيفكم يا حلوين اتمنى تكونوا بخير مو في كوابيس مثلي عشان التخصص ومدري ايش @@

المهم حبيت اسأل للي عنده معلومة عن اختبار التوفل او الأيلتس

اذا كنت ابي اخذ واحد فيهم فأول شي كيف الطريقة من ال أ لل ي يعني التسجيل المواعيد القيمة

ثاني شي هل في معاهد تسوي الأختبارات ذي او جهات رسمية معينة لأني ما عندي معلومة عنها

ثالث شي اذا احد فيكم جرب يخش معهد فأيش بالضبط اللي بيسويه يعني كورس لمدة كم + القيمة + .........


اتوقع لسبب ما ان الكوابيس حق اليومين ذي لها شغل بالموضوع ولكن استحملوني شوي واي احد عنده معللومة يتكرم ويقول :)


وشكرا جميعا والله يوفق الكل

[Munirah]

أنا أخدت إختبار الآيلتس من British Council وسعر الاختبار 850 وطبعاً الشهادة اللي يعطوكي هيا وفيها درجتك حقت الإختبار معتمده عالمياً ، والإختبار يحسب من 9 بس مو معناتو إنو بس 9 اسئله طبعاً أكتر أنا مو فاكره كم عدد الاسئله بالزبط بس هما يحسبوها بطريقة ما من 9 ، وطبعاً الإختبار مقسم إلى سماع وكتابة وقراءة وتحدث وكل قسم منفصل ، ولو تبي معلومات أكتر دا رقمهم 6576200 ومكانهم في مركز الفارسي في طريق الملك عبدالله

[Munirah]

ودا موقعهم ومفورين معلومات أكتر http://www.britishcouncil.org/ar/sau...xams-ielts.htm

[قروشـ]

ما عندي فكرة عن الاختبارين , بس حبيت انبهك عن شيء ممكن تكون غافل عنه , انت كطالب في جامعة عزوز ما تحتاج تختبر هالاختبار , يعني وش هدفك من اختباره ؟ , أنا الي اعرفه أنه بعض الجامعات تشترطها للقبول وبعض الدول تشترطها للهجرة , اصلا ً درجة الشهادة لها وقت وتنتهي .

[no0ona.s]

كيف تنتهي مدة الشهادة اذا الشهادة معتمدة يعني خلاص المفروض انو عادي

[SamuraiQ]

المشاركة الأصلية كتبت بواسطة munirah أنا أخدت إختبار الآيلتس من british council وسعر الاختبار 850 وطبعاً الشهادة اللي يعطوكي هيا وفيها درجتك حقت الإختبار معتمده عالمياً ، والإختبار يحسب من 9 بس مو معناتو إنو بس 9 اسئله طبعاً أكتر أنا مو فاكره كم عدد الاسئله بالزبط بس هما يحسبوها بطريقة ما من 9 ، وطبعاً الإختبار مقسم إلى سماع وكتابة وقراءة وتحدث وكل قسم منفصل ، ولو تبي معلومات أكتر دا رقمهم 6576200 ومكانهم في مركز الفارسي في طريق الملك عبدالله

اكيد ما راح تكون 9 اسئلة :)
الف شكر اخوي كفيت ووفيت حبيبي

[SamuraiQ]

المشاركة الأصلية كتبت بواسطة قروشـ ما عندي فكرة عن الاختبارين , بس حبيت انبهك عن شيء ممكن تكون غافل عنه , انت كطالب في جامعة عزوز ما تحتاج تختبر هالاختبار , يعني وش هدفك من اختباره ؟ , أنا الي اعرفه أنه بعض الجامعات تشترطها للقبول وبعض الدول تشترطها للهجرة , اصلا ً درجة الشهادة لها وقت وتنتهي .

مو للجامعة او حكاية هجرة ما هجرة اللهم انه يمكن يمكن يمكن >< اقدم علي شي ونفسي يكون عندي افضلية او اولوية عشان عندي توفل او ايلتس فهمت علي :)

[SamuraiQ]

المشاركة الأصلية كتبت بواسطة no0ona.s كيف تنتهي مدة الشهادة اذا الشهادة معتمدة يعني خلاص المفروض انو عادي

مدتها عامين تقريبا او شي زي كذا بس الفائدة منها تطلبها بعض الأماكن الشغل او التقديم وزي كذا

[Miss Dreamer]

السلام عليكم،

بخصوص إختبار التوفل، اختبرته قبل سنتين وما اعتقد النظام بيختلف كثير ..
الإختبار يحتوي على أربع أجزاء ( speaking, writing, reading & listening )
باتكلم عن كل جزء بصفة مختصرة ..

أول شى القراءة، يجيك من 3-5 نصوص مقتبسة من كتب متخصصة للدراسات العليا ..
وكل قطعة تحمل 40 سؤال اختيار من متعدد غالباً .. الوقت المتاح: ساعة

جزء الإستماع،
راح تسمع تقريباً محادثتين وكل محادثة عليها 5 أسئلة
و4 محاضرات/ مناقشات وعلى كل محاضرة 6 أسئلة
جميع الأسئلة إختيار من متعدد .. والوقت المتاح: ساعة
طبعاً من حقك أثناء الاستماع كتابة ملاحظاتك ..

جزء النطق،
ينقسم لقسمين حسب المطلوب منك،
أوقات يعطونك مجرد موضوع وانت تتكلم عنه حسب أفكارك وتعبر عنه..
وأوقات تسمع لجزء من محاضرة أو تقرا نص ويطلبون رايك عنه أو يطلبون منك تلخصه ..
هذا الجزء وجزء الكتابة بسرعة يعدي وقتهم فعليك تتدرب كثير عليهم .. الوقت المتاح: تقريباً ثلث ساعة
( بالنسبة لي هذا كان أصعب جزء علي خصوصاً انك بتجلس تكلم نفسك والسماعات ويتسجل صوتك هههه بس للأمانة درجتي كانت بهالجزء أعلى شئ ولله الحمد )

أخر جزء، الكتابة
مطلوب منك تكتب موضوعين .. فكرتهم تشبه الإستماع
الأول، موضوع عام وانت تعبر وتكتب حسب تسلسل افكارك
الثاني، كمان بتسمع محاضرة او تقراء قطعة وياتلخصه او يسألونك عن رأيك بخصوص نقطة معينة ..
هنا لازم تراعي عدد الكلمات المطلوبة عادة مايقل من 200-400 كلمة .. الوقت المتاح: ساعة تقريباً

الإختبار بصفة عامة سهل جداً .. بس يبغالك تدرب عليه من بدري ..
أنصحك بكتاب Bruce Rogers - The Complete Guide to the TOEFL Test

طبعاً في نوعين للاختبار ورقي أو أونلاين .. ما اظن الآن يقدموا الورقي ..
تقدر تسجل عن طريق موقعهم .. عشان تحدد المكان والوقت اللي يناسبك ..
http://www.ets.org/toefl/

بالتوفيق

[SamuraiQ]

المشاركة الأصلية كتبت بواسطة miss dreamer السلام عليكم، بخصوص إختبار التوفل، اختبرته قبل سنتين وما اعتقد النظام بيختلف كثير .. الإختبار يحتوي على أربع أجزاء ( speaking, writing, reading & listening ) باتكلم عن كل جزء بصفة مختصرة .. أول شى القراءة، يجيك من 3-5 نصوص مقتبسة من كتب متخصصة للدراسات العليا .. وكل قطعة تحمل 40 سؤال اختيار من متعدد غالباً .. الوقت المتاح: ساعة جزء الإستماع، راح تسمع تقريباً محادثتين وكل محادثة عليها 5 أسئلة و4 محاضرات/ مناقشات وعلى كل محاضرة 6 أسئلة جميع الأسئلة إختيار من متعدد .. والوقت المتاح: ساعة طبعاً من حقك أثناء الاستماع كتابة ملاحظاتك .. جزء النطق، ينقسم لقسمين حسب المطلوب منك، أوقات يعطونك مجرد موضوع وانت تتكلم عنه حسب أفكارك وتعبر عنه.. وأوقات تسمع لجزء من محاضرة أو تقرا نص ويطلبون رايك عنه أو يطلبون منك تلخصه .. هذا الجزء وجزء الكتابة بسرعة يعدي وقتهم فعليك تتدرب كثير عليهم .. الوقت المتاح: تقريباً ثلث ساعة ( بالنسبة لي هذا كان أصعب جزء علي خصوصاً انك بتجلس تكلم نفسك والسماعات ويتسجل صوتك هههه بس للأمانة درجتي كانت بهالجزء أعلى شئ ولله الحمد ) أخر جزء، الكتابة مطلوب منك تكتب موضوعين .. فكرتهم تشبه الإستماع الأول، موضوع عام وانت تعبر وتكتب حسب تسلسل افكارك الثاني، كمان بتسمع محاضرة او تقراء قطعة وياتلخصه او يسألونك عن رأيك بخصوص نقطة معينة .. هنا لازم تراعي عدد الكلمات المطلوبة عادة مايقل من 200-400 كلمة .. الوقت المتاح: ساعة تقريباً الإختبار بصفة عامة سهل جداً .. بس يبغالك تدرب عليه من بدري .. أنصحك بكتاب bruce rogers - the complete guide to the toefl test طبعاً في نوعين للاختبار ورقي أو أونلاين .. ما اظن الآن يقدموا الورقي .. تقدر تسجل عن طريق موقعهم .. عشان تحدد المكان والوقت اللي يناسبك .. http://www.ets.org/toefl/ بالتوفيق

اوه حقيقة من جد رد مفصل فيه كل اللي طلبته الف شكر اختي كفيت ووفيت بقوة وآسفين على ازعاجكم يا شباب :)