اش هو اصعب احساس مر عليك؟؟؟

[full_moon]

سلااااااام شباب وصبايا..
حبيت اطرح عليكم موضوع للنقاش لاني ابغى اعرف وجهة نظر كل شخص في اصعب شعور مر عليه في حياته
او مو شرط يكون مر عليه لكن يعتقد انه هذا الاحساس هو اصعب احساس ممكن يحس بيه اي احد..
Ok
طيب انا حبدأ
اصعب احساس مر عليه هو الاحساس بالظلم لاي سبب ومهماااااااا كان تافه ومايستاهل لان مجرد الاحساس بالظلم شعور فظييييع ماقدر اعبر عنه ابدا ...انا عني اول مااحس بيه بصراحة من غير ماادري ماالاقي الا وشلالات نازلة من عيوني..

وكمان في احساس صعب مرة حسيت بيه في الايام اللي راحت..
هو الاحساس ب (خيبة الامل)
والله شعور صعب جدا لمن تكون حاط كل ثقتك في شخص ويجي هو يثبتلك بكل جداااااارة انه مايساهل الثقة هذي ابداا ساعتها ماتدري انت حتى اش ممكن يكون شعورك..اش رايك في الشخص ده ولا اش رايك في نفسك انت اللي حطيت ثقتك في شخص مو قدها
ومو شرط حتى تكون ثقة وتبني امال و..و..
مجرد احساسك بالود والحب الصادق لشخص معين ويجي هو ويطيح نفسه من المكان اللي كنت حاطه فيه لسابع ارض
بالله اش ممكن يكون احساسك.....انا قريب حسيت بالاحساس هذا..بصراحة ماعرف اعبر عنه بكلمات لانه اصعب من كده
...........
هيا شباااااب صبااااااااايا حسسونا بمشاعركم الصعبة اللي مرت عليكم عشان نحس فعلا اننا بنتعايش مع بعض ونحس ببعض..

[غزوول@جدة]

اولا شكرا جزيلا اختي على الموضوع

وبصراحة اصعب احساس الاحساس بالظلم

خاصة ان اللي ظلمك شخص عزيز عليك

وكمان اصعب احساس انك تفقد شخص

عزيز على قلبك

[احلى بنوتة]

ياالللللله بصراحة جبتيها على الجرح ياقمر
الاحساس بخيبة الامل احساس متفشي الايام هاذي بشكل كبير...اسالي مجرب
وكمان في احساس صعب وقاسي انا الحمدلله ماجربته وادعي ربي كل يوم مااشوفه طول حياتي ابداااا
لكنه في رايي اقسى شعور ممكن تحس بيه اي زوجة
وهو في حالة (خيانة الزوج لزوجته)....باي شكل كان..ومهما كان..
بصراحة..........طعنة في الصميم للزوجة
اتخيلوا معاية كيف ممكن يكون احساسها...يااااااااااي ....الله لايقدر ابدا انه اي واحدة فيكم حبيباتي تحس فيه..

[full_moon]

تسلموللللللللي على مروركم...
فعلا احلى بنوتة خيانة الزوج شي مؤلم جدا للزوجة وهذي اقسى طعنة في قلبها ممكن تتعرضلها من الزوج..

[نضال]

عن نفسي انا ...

احساس الفشل ..


اكره دا الاحساس .. احس نفسي شخص بلا قيمه ولا معنى ..