افيدوني بخصوص الترم الصيفي الله يعافيكم

[الدغيم]

السلام عليكم
أنا باقي لي خمس مواد وأتخرج بإذن الله وأريد أن آخذ ترم صيفي مادتين فقط وعندما أردت التسجيل ظهر لي أنت لم تسدد بعد بالرغم أنه أول مره أسجل صيفي ... هل توجد رسوم للترم الصيفي أم أنه أول ترم صيفي مجاني ؟؟؟

[kkk111]

وعليكم السلام

اخوي الدغيم لازم تدفع الرسوم 3000
بصراحه لوني مكانك مابقى الا حوالي 15 ساعه اخذها الترم القادم واوفر المبلغ و15 ساعه ماهي صعبه تقراء فيها من هالحين وباذن الله كلها امتياز .

[ابوفهد2006]

كلام اخوي kkkk صحيح فلها الصيفيه واتخرج ان شاء الله في الترم القادم ويكون عندك وقت تراجع فيه اسئل الله لك التوفيق

[غيم تايه]

^^

أضم صوتي للأخوان حتى لو أعطوك جميع المواد في الفصل الصيفي بيكون ضغط عليك ،، خلها للفصل القادم أفضل لك ..


موفق يارب ""

[فتى القلب الجريح]

بما انك قلت أفيدوني فأنا عندي لك الرأي

3000 دافعها دافعها الصيفي ولا الترم القادم
اغتنم الوقت وتخرج بالصيف
اختبارات الترم القادم بأخر شهر 2 يعني يبيلك 8 شهور على بال ما تتخرج

شوري عليك خذ صيفي وتخرج ودور مرازق الله
يمكن يصير فيه تسجيل وظايف ولا شي او اكمال الدراسات العليا
تسجل فيها والترم القادم بدل ماتتخرج من الجامعة تروح تختبر ماجستير الترم الاول

هذا من جهة
من جهة اخرى بإفتراض انك ما خذيت صيفي وقدر الله ورسبت في مادة اقول لا قدر الله ( ماتدري عن الظروف العام القادم )
هنا يتأجل تخرجك للترم اللى بعده يعني بعد سنه من الان وعاد شوف كميةالوقت اللي راح تهدره على بال ماتتخرج


بالاضافه الى تساهل اغلب الاساتذه في الترم الصيفي و يخف التعقيد الا ما ندر يعني ان شاء الله بنتجح بحول الله
أنا عندي ايضا 5 مواد ولكن 12 ساعة فقط وناوي ان شاء الله على الصيفي


ومن جهة الوقت فلا تخاف
اذا بدأت مذاكرة من تاريخ 25-8 او حتى 1 رمضان بيكون الوقت كافي ان شاء الله بشرط الجدية
وأخيرا انت صاحب القرار الاول والاخير في هذه الحالة
وبالتوفيق لكم في الدراين

[ابوعزه بيشه]

صباح الخير
أنا جيت انزل ترم صيفي امس ورفض معي

[غيم تايه]

^^

كم عدد الساعات اللي تجاوزتها ؟! .. ولاحظ انه لازم تسدد في الاول ....


موفق يا رب ؛؛؛

[ابوعزه بيشه]

46 ساعه عديته ورفض معي تنزيل الترم الصيفي

[كريم المطيري]

بصراحه لوني مكانك مابقى الا حوالي 15 ساعه اخذها الترم القادم واوفر المبلغ و15 ساعه ماهي صعبه تقراء فيها من هالحين وباذن الله كلها امتياز .




خصوصا انك تدفع رسووووووووووووووووووووووووم
لو مجاني ممكن

[غيم تايه]

المشاركة الأصلية كتبت بواسطة ابوعزه بيشه 46 ساعه عديته ورفض معي تنزيل الترم الصيفي

ما يمديك تسجل صيفي لازم تتجاوز 50 ساعة ،، موفق يارب ""