محتار تسجل تعليم عن بعد او انتساب ..........

[اسيرالبحر]

بسم الله الرحمن لرحيم

واصلي واسلم على من لا نبي بعده سيدنا سيد الخلق وخاتم الأنبياء


السلام عليكم ورحمة الله وبركاته

موضوعي هذا راح يوضح بعض الغموض وخاصة الاخوان والأخوات المستجدين الي محتار بين التسجيل في التعليم عن بعد أو إنتساب و سبب كتابتي لما وجدت من الزملاء الي اعرفهم حقيقة عانوا من الموضوع هذا وخاصة في السنة التحضيرية فيجي يقول ياليت سجلت تعليم عن بعد وبعدين حولت انتساب والبعض العكس

نجي نوضح بعض الأشياء والأخطاء سواء في التعليم عن بعد أو الإنتساب

ونبدأ في التعليم عن بعد

التعليم عن بعد حقيقة يدخلك بجو الدراسة يعني تحضر محاضرات وتتابع وتحل واجبات واختبارات وتشارك بالمنتدى وتعرف وش الي لك ووش الي عليك وتضمن بعد توفيق الله 30 درجة بشرط تحل الواجبات وتحل الاختبار وتشارك بالمنتدى وها الكلام كله موجود شرحة الأخوان والأخوات ماقصروا وضحوا وشرحوا كل شي جزاهم الله كل خير يبقى انه بعض الاحيان اذا الاختبار وانته تحل يقفل عليك النظام فيه ايميل للدعم الفني تراسلهم بشرط قبل ينتهي وقت الاختبار راح يرجعولك الاختبار وتحل واهم شي لاتنسوا ايميلك الجامعي راح تجده بعدين في نظام اوديس لأن هو الي راح تراسل منه العماده البعض يبدا وينتهي ومو عارف ان عنده ايميل جامعي وهذي نقطه انتبهوا لها

يا اخواني واخواتي فيه نقطه البعض يسجل تعليم عن بعد ويقول يلا اضمن 30 درجه ولكن ما يسوي اي جهد ولا يتابع المحاضرات ويجي نهاية الترم وقت الاختبارات يذاكر الماده وهنا اكبر خطأ البعض يرتكبه انه ما يذاكر الا قبل يوم الاختبار وهنا مشكله كبيره الامر يحتاج جهد ومذاكره ودام فيه محاضرات راح تريحك في فهم الماده والتعليم عن بعد يصلح للاشخاص الي يقدر يتابع بعض الاخوان والأخوات بسبب ظروفهم وعملهم ما يقدر يتابع لان فيه مشكله اصبح الاختبار ينزل ومهلته 24 ساعه واذا ما حليت بها الفتره تروح عليك الدرجه
فيه نقطه ايضا للمسجلين في التعليم عن بعد طبعا انتوا راح تستخدموا نظان اسمه (ايميس) وها النظام هو الي فيه الاختبارات والواجبات والمشاركه في المنتدى وأفضل مافي ها النظام وجود شرح مبسط لبعض الدروس ويستفاد منه يساعدك على تحظير الدرس قبل تاخذ المحاضرة وهذا للأسف غير مسموح للمنتسبين حقيقة وكان بودي على الاقل يفتح معهم لجل يستفيدوا من الدروس وخاصة الإنجليزي لأن الإنجليزي منزلين كتاب الكتروني نفس الكتاب وفيه مفاتيح للحلول وكذلك الصوتيات والي يبي يطور لغته حقيقة ممتاز جدا ما يبغالك الا تفهم قرمر وتحفظ كلمات
(اذكر احد الزملاء الله يهديه خسر مبلغ من المال بسبب حل كتاب الواجب وكتاب الطالب ) ولما دليته علىه حقيقة تفاجأ من الكتاب واستفاد منه وساعده في الفهم ((( راح إن شاء الله في موضوع جاي اعطيكم الملفات الصوتية والحلول )))
اذاً هذا بختصار التعليم عن بعد.

الانتساب

للأسف المنتسب بعيد كل البعد من جو الدراسة يعني نهاية المطاف يجي يختبر واختباره من 100 درجه مو زي التعليم عن بعد 30 درجه مشاركه وواجب واختبار دوري و70 درجه اختبار ولكن الموجود للمنتسبين مجرد محاضرات مسجله ولكن من متابعتي تم تغيير المحاضرات القديمة واصبحت تنزيلها من موقع ((السنترا)) وهذا موقع للمحاضرات فلما تنزل المحاضرة مايمديك تأخرلجل تعيد
وه الشي تم التغلب عليه بتسجيلك للمحاضرة ببرنامج اسمه ((كمتيجا استوديو)) موجود لما تسجل المحاضرة وتحول التسجيل لملف فديوا خلاص يمديك تأخر وترجع وتعيد على كيفك وتفهم
وكذالك فيه دورات للمنتسبين محدده بوقت معين تحضروها للمواد ودايم الي يسجلوا انتساب من لديه ظروف تحول بينه وبين المتابعه كذلك البعض وخاصة الغير متابع او الي مو عارف كيف يذاكر يتعب كل التعب في المذاكرة والتحصيل والبعض ماشاء الله يتابع ولكن كونه منتسب يجد صعوبه في الحصول على المواد وهذا بختصار الإنتساب

ومني لكم لجل اريحكم ولجل ما تتعبوا سواء تعليم عن بعد أو إنتساب لدي محاضرات لجميع المواد للسنة التحضيرية وخاصة الصعبه منها سواء دروس الترم الاول او الترم الثاني تم تنقيحها
طبعا دروس ( الاحصاء - واللغة الإنجليزية 101) للترم الاول لمن سيدرس ها الدروس في البداية وهي موجوده يبقى مادة مهارات الاتصال ومهارات التعلم والتفكير سهل جدا
ودروس (الرياضيات- واللغة الإنجليزية 102 - واللغة العربية - والحاسب ) تبقى الثقافة الاسلاميه سهله جدا للترم الثاني طبعا البعض يدرس العكس فراح اعطيكم المواد كامله بإذن الله تعالى لجل تستفيدوا منها ولجل تساعدكم في المذاكرة والتحضير

اما طريقة المذاكرة فأول بأول تابع وأكتب ولخص انت بنفسك لا تقلي بتاخذ تلخيص لن هذا هو افكار غيرك مو افكارك فكل انسان يختلف عن الثاني
وفيه امر حقيقة ساعدني كثير ولله الحمد المذاكرة الجماعية حقيقة مذهله جدا بشرط يكون الكل قلبه على الدراسه مو تقلبوها سوالف وحقيقة كنت بمدينه وأحد الزملاء بمدينه وعن طريق برنامج السكايبي نجتمع ونبدأ نذاكر ونتناقش وسبحان الله فادتنا كثير المناقشه والاستذكار مع بعض فجى يوم الاختبار الحمد لله مرتاحين بس راجعنا مراجعه مكثقه اقل درجه اخذناها 92 والبقية متعدية الـ 95 بفضل الله عز وجل وتوفيقه البعض يكره مايرغب المذاكره الجماعية انا نفس الفكره كنت ما استسيغ ها الطريقه ولكن وفقت بأحد الزملاء جزاه الله خير سوينا جدول قبل الاختبار وبدينا نذاكر ماده ماده كنا نجتمع على السكايبي وخاصة الرياضيات طبعا فيه كتاب جابوه القسم ممتاز جدا اسمه كتاب الحلول فكنا نمسك الكتاب موضوع موضوع ونتناقش ونصايح على بعض الين كل منا يفهم الحل وصرنا ولله الحمد نحل المسائل بالنظر فهذا فايدة المذاكره الجماعية

أسأل الله لكم التوفيق وآسف جدا على الإطالة وانتظروني ارفع لكم الدروس وقريبا راح تجدوها بإذن الله تعالى فبإذن الله التعب في جمع الدروس وتضييع الوقت في تسجيل المحاضرات راح اريحكم منه بإذن الله يبقى عليكم بس تتابع الدرس وتكتب ورى المعلم لجل ترسخ معاك المذاكرة اتركم بحفظ الله ورعايته................