استفسار هام عن كلية ابن سينا

[no0ona.s]

السلام عليكم ورحمة الله وبركاته
انا انتهيت من السنة التحضيرية الحمدلله بمعدل 4.48 وحابة ادخل طب اسنان لكن معدلي مايسمحلي انو انقبل ففكرت احول لكلية ابن سينا ولكن مترردة لعدة اسباب اولا التسجيل والتحويل للكلية يفتح 6 شعبان ويقفل بسرعة قبل ماتطلع نتايج التسكين حقت عبدالعزيز ومررة صعبة اسحب ملفي وانا ما اعرف ايش اتخصصت هنا مع العلم انو رغبتي التانية صيدلة وفي احتمال بسيط انو انقبل والسبب التاني انو اختلف النظام في كلية ابن سينا السنة هادي واذا حيعادلولي بس المواد الي درستها وموجودة عندهم والمواد التانية (5مواد ) لازم ادرسها على سنة كاملة زي السنة التحضيرية يعني الزبدة حتضيع عليا سنة ومحا ابدأ طب الا مع الدفعة التانية فلوسمحتو الي في كلية ابن سينا او يعرف عنها عندي استفسار في حاجات اولا هل التسجيل ممكن يفتح تاني في رمضان بعد نتايج التسكين ؟ لانو كل الناس الي محولين قبل كدا الي كنت اقرا مواضيعهم ماحولو الا لمن طلعت نتايجهم حقت التسكين وماما تقلي اكيد التسجيل يكون موجود بس هما مايقوللي عشان اسجل من البداية قبل لاتطلع النتايج وتاني شي هل يكون في تحويل بين الترمين ؟ يعيني اذا جلست الترم دا في عبدالعزيز وماقدرت احول لطب اسنان هل اقدر احول لكلية ابن سينا الترم التاني ؟ لوسمحتو الي عندو اي معلومة يقلي هيا لانو مررة احتاج اعرف دي الاشياء عشان لازم اقرر في الاسبوع دا ومرة مترددة واهلي يقولولي انو مررة مجازفة احول من جامعة حكومية لجامعة اهلية مهي مضمونة وانا وضعي مستقر في عبدالعزيز بس الي يعرف شي يساعدني لوسمحتو

[بيو كيميائية ^_^]

و عليكم السلامـ

ياحلوة التسكين مو على معدلك

على النسبة الموزونة

هو تحويلك مرة مجازفة لأن ماشاء الله معدلك كويس

لو كانت النسب أقل ففعلًا بتزعلين

فكري كثير و كمان أستخيري

و إذا ماتسهلت أمورك في ابن سينا فإصرفي النظر لأن ماراح تكون كويسة لك

الله يكتب لك الخير

[no0ona.s]

ايوة هوا صح كلامك الافضل انو استنى التسكين بس انا متأكدة انو محا انقبل في شي كويس هنا عشان انا شفت امس النسب الموزونة الي وقفو عليها السنة الي فاتت في التخصصات كلها فوق التسعين بكتير انا نسبتي الموزونة 89 ودفعتنا هادي السنة مررة اشطر من السنة الي فاتت ماشالله فبس مررة محتارة ومني عارفة ايش اسوي بس الله يخترلي الي في الخير

[بيو كيميائية ^_^]

هو ماحد يقدر يجزم
خلاص روحي ابن سينا من الحين دام أكيد مابتدخلين اللي تبينه


أستخيري و قدمي تحويل لإبن سينا و إذا قبلوكِ خلاص روحي

دام بتحققين حلمك فما تفرق حكومي أو أهلي

و ابن سينا معتمدة يعني مضمونه

[roro-X]

وانا كمان افكر احول ونسبتي قريبة منك والموزونة كمان :)
الله يختار لنا الي فيه الخير ويعوضنا خير يارب

[no0ona.s]

ايوة إن شاء الله ربنا يسهل بس الشي الي نفسي اتأكد منو واعرفو مزبوط انو التسجيل عندهم في ابن سينا ممكن يفتح بعد نتايج التسكين حقتنا وممكن يكون في تحويل بين الترمين ولا لأ بس عشان ابا استنى التسكين واخاف يروحو عليا الاتنين وللمعلومية كل الناس يقولو انو الجامعات الاهلية بس كدا يقولو بس التسجيل عندهم يستمر الين رمضان اضن وكمان كل الي حولو لإبن سينا قبل وكنت اقرا مواضيعهم قالو انهم حولو بعد ماطلعت نتايج تسكينهم وما انقبلو في عبدالعزيز طب يعني معناتو يكون في تسجيل الين نتايج التسكين الين رمضان عشان كدا هوا دا الشي الي ابا اتأكد منو اخاف يكون اتغير شي دي السنة وبس الله يخترلنا الي في الخير

[_soso_]

اولا متاكدة انك سالتيهم انه لازم نعيد السنة كاملة ؟
حتى لو خلصلتي بترم المواد الخمسة هذي مو معقول اش تسوي بالترم الثاني مثلا ؟! ماسالتيهم
ثانيا حبيبتي لا متاكد صار التسجيل يقفل بدري ليش ؟ انا اقلك
لانه البنات صارو كلهم يبغو طب ومع اعتماد كلية ابن سينا صار التسجيل يقفل بدري لامتلااء المقاعد وانا مثلك رحت سألت الموظفة وقالت كثير مرة زيك من عبدالعزيز جايين
العام كانو يستنو نتايج التسكين ويرحو ابن سينا يمكن عشان التسجيل كان يفتح بوقت تاني
شفي اقلك شيء ماحد بفيدك الا نفسك واذا نسبتك زي ماتقولي 89 ماتوقع تخشي طب
بس احتمال تدخلي اقسام صحية ثانية
فاذا ماعندك مانع تدرسي علوم طبية صيدلة تمريض الخ .. اقعدي بعبدالعزيز افضل
واذا نفسك مرة بطب سجلي بابن سينا احسن لك
والله يوفقنا انا افكر اسوي مثلك
بس صعب مرررة اني اعيد سنة كاملة
يعني موادهم للتحضيري اتوقع بتكون سهلة مقارنة بعبدالعزيز وعددها خمسة مواد
حرام نخلصلها بسنة كاملة المفروض حدهم ترم بالكتير
لاني سمعت العام كانو يعادلو لهم بس يدرسو ترم مع اولى والترم الثاني ينقولهم ثانية طب
الله يوفق الجميع

[no0ona.s]

ايوة حبيبي انا متأكدة من دا الكلام وسألتهم عليه كم مررة على انو حيعادلولنا المواد بس حندرس ال5 المواد حقتهم على سنة وهيا مواد مررة قليلة على سنة ويمدي تندرس في ترم واحد وسالتهم هادا السؤال قالو انو هادي السنة النظام اتغير حتى لو خلصت الترم الأول محا اخش تانية طب الترم التاني قالت حأقعد فاضية واستنى السنةالي بعدها مع الدفعة التانية قالت انو السنة الي فاتت كانو يخيلوهم يدرسو الترم الاول ال 5موادوالترم التاني يدخلوهم تانية طب بس تقول مانفع النظام عشان كدا غيرو فبس يعني مافي امل حتضيع السنة كاملة حتضيع بس ابا اعرف ايش قصدك انو الاماكن تخلص يعني صح الكلام انو التسجيل حيقفل ومحا يفتح تاني بعد التسكين ؟

[_soso_]

الي زي وضعك ووضعي كثير من بنات جامعة عزوز غير الي خريجي الثانوية وغير الاجانب
والمقاعد محدودة قرب المية تزيد او تنقص
يعني اكيد بتخلص المقاعد بعد مايفتحو بالتسجيل بكم يوم
لو راجعتي المواضيع الي فاتت كثير بنات خلوهم انتظار او دخلوهم صيدلة
بس والله ظلم نعيد السنة

[Lujain :)]

نسبتي الموزونة 89 ودفعتنا هادي السنة مررة اشطر من السنة الي فاتت ماشالله فبس مررة محتارة ومني عارفة ايش اسوي بس الله يخترلي الي في الخير

مين قلك إنهم اشطر :) ؟