اللي يعرف عن ابن سينا يدخل

[وسام نوح]

السلام عليكم ورحمة الله وبركاته

ممكن احد يقول لي متى يبدأ تسجيل في ابن سينا وكيفية التسجيل يعني نروح او بالنت

وانا ابغى اسجل بالمنحة الداخلية فا متى تبدأ المنحة الداخلية ومتى يبدأو في عزوز يقولو التخصصات!

ماني عارف متى يعلنو التخصصات وابي اسجل بالمنحة الداخلية* مع العلم عندي صيفي مادة او اتنين!

شكرا

[_soso_]

سمعت موعدين ناش يقولو 1-8 وناس يقولو 6-8
الاكيد انها ببداية شعبان
والمنح الداخلية تفتح برمضان
والتسجيل لازم تروح لهم بنفسك
ونصيحتي بما انك حامل مادة اسحب خير شر من عزوز
وسجل على طول بابن سينا اول مايفتح التسجيل طبعا مو لازم تاخذهم صيفي
بالتوفيق

[وسام نوح]

طيب انا الثانوي حقي 89 والقدرات 65 !!

ومايمديني اختبر قدرات الا بعد سنتين او سنة كمان , والمنحة الداخلية سنتين بس من بعد التخرج يعني السنة دي اخر مرة اسجل ب المنحة

ممكن يمشوني أو لا ؟ ياريت احد يجاوبني

[violet rose]

صحبتي راحت قريب قالوها احتمال كبيررر النسب تنزل دي السنه 65 قدرات وتحصيلي بدال 70
وفي شروط المنح الداخلية نزلوها ل65 قدرات 60 تحصيلي


الشروط الواجب توفرها في قبول الدارس المتقدم للمنحة لخريجي الثانوية العامة:

1.أن يكون سعودي الجنسية.
2.أن يكون حسن السيرة والسلوك.
3.أن يكون الطالب مسجل في احد الجامعات والكليات الأهلية المشمولة في برنامج المنح .
4.أن لا يتجاوز الدارس الحد الأدنى من المدة الزمنية ( المعتادة ) للحصول على الدرجة.
5.أن تكون الدراسة بنظام الانتظام بالجامعات والكليات الأهلية. على الأ يقل عدد الوحدات الدراسية المسجلة فصلياً عن 12 ساعة .
6.أن يحصل الطالب على معدل لا يقل عن جيد جدا (80%) في الثانوية العامة ومعدل لا يقل عن (65%) للقدرات والتحصيلي (60%)
7.ان يكون الطالب من خريجي الثانوية العامة للعوام الدراسية 1433/1432هـ و1434/1433هـ

نسختها من موقع وزارة التعليم العالي ..

[طـالـب !]

اذكر رحت الصيفيه اللي راحت لأبن سينا كذا بس قلتلهم بسجل
بس قفلو التخصصات مابقي الا تخصص واحد ناسي وش هو

المشكله مالهم حس متى فتحو ! بس الموظف قالي ع طول بنفس اليوم اللي فتحو خلصت التخصصات ! فأذا انك بتسجل فيها الحق بدري

الشي الثاني تدفعلهم رسوم التسجيل تقريبا 3000 وتدفع الرسوم حق الترم اللي هيا مادري كم يمكن 25 االف او شي كذا؟! المهم بعد كم يوم يفتح التسجيل فالمنح واذا انقبلت يرجعولك فلوسك ماعدا الرسوم اظن ماترجع<<لابد الزرف

[طـالـب !]

وفيه اظن نوعين من المنح وحده من التعليم العالي ووحده اظن من الموارد البشريه؟ شوف الافضل وبالتوفيق

[_soso_]

اليوم رحت لابن سينا اتأكد
الرسوم الف ريال مع مبلغ الترم الاول 25 الف المجموع كله 26 الف
اعطوني الايصال حقهم تحسبا لو ابغى اسجل بدري
لانه التخصصات بسرعة تقفل يمكن من ثاني ثالث يوم الطب يقفل !
انا محتارة مثلك ادخلها بس ماعرف اش مستقبل الكليات الاهلية
بالتوفيق

[no0ona.s]

حتى انا برضو نفس الشي ابا طب اسنان وما اتوقع انقبل في عبدالعزيز وابن سينا تسجيلها حيفتح بسررعة قبل ماتطلع نتايج التسكين ومرة صعب اسحب ملفي من دون ما اعرف ايش اتسكنت فعشان كدا ابا اعرف اذا صح كلامهم يقولو انو التسجيل يقفل بسرعة ابا اسال مايفتح التسجيل تاني في رمضان بعد التسكين حقنا او مثلا بين الترمين ؟ لأنو غالبية الناس يقولو انو الجامعات الاهلية بس يقولو كدا بس انها تقدر تسجل فيها الين رمضان وكدا بس انا خايفة تكون ابن سينا غير مع العلم انو كل الي حولو لإبن سينا وكنت اقرا مواضيعهم كانو يقولو انو حولنا لمن ما انقبلنا في عبدالعزيز طب فأبغا اتأكد من دا الكلام فلوسمحتو الي يعرف يفيدني

[وسام نوح]

طيب سؤال دحين انا مثلا لو قدمت ودفعت الفلوس

ومانقبلت ف المنحة الداخلية لا سمح الله! ايش اسوي ؟؟ :\ يمديني اقدم ب الموارد البشرية؟ وكيف الطريقة

والتقديم لازم يكون معايا شهادتي الاصلية! وانا شهادتي ف الجامعة ومابى اسوي اخلاء طرف يمكن مانقبل بالمنحة الداخلية

يعني اروح اسجل قبل ماتبدأ المنحة الداخلية؟ افتكر انو المنحة الداخلية لها رقم تسجيل كدا لازم من نفس الكلية فا ماعرف دحين اقدم ولا بعد ماتبدأ المنحة الداخلية



ياريت احد يجاوبني :(

[وسام نوح]

ياريت احد يجاوبني ويكون كلامو موثوق