بخصوص النسب

[roro-X]

السلام عليكم ورحمة الله وبركاته

بدخل في موضوعي على طول
ابغاكم تساعدوني اي احد يقدر يساعدني لايبخل عليا
ابغا اعرف ايش الفرق بين النسبة الخاصة وبين النسبة الموزونة وكيف اطلعهم ياريت بمثال
لانو كل مره اسمع كلام غير ضيعوني
وكمان ابغا اعرف هما لم يجو يسكنو على اي اساس يسكنو ؟ وكيف اعرف النسبة الخاصة الي طالبتها كل كلية ؟ وعلى اي اساس بيقبلوني في الكلية الفلانية ؟
انا مرا خاايفه مايدخلوني شي ابغاه 😔

ومعليش طولت عليكم واتمنى ربي يحقق لنا كل الاماني ويجعل لنا فيها الخير كلو 💕

[HU~]

وعليكم السلام ورحمة الله وبركاته
أول حاجة النسبة الخاصة هي نفسها النسبة الموزونة!!
كلية الطب ، العلوم الطبية التطبيقية ، الهندسة و الحاسب همّ بس اللي ليهم نسبة خاصة!
وتعرفيها من الأودس > معلومات عن طلب التسكين او التشعيب او التحويل
حتلاقيها آخر شي في جدول ، بالإضافة حتلاقي فوق مكتوب نسبتك العامة كم!

أعطيكي مثال للطب ! طالبين درجات الإنجليزي + الأحياء + الكيمياء.
إقتباس من رد العضو :darkwhite
تضربي درجتك بعدد ساعات الماده .. كل المواد 3 ساعات .. إلا الانجليزي 2
مثلا كيمياء 80 أحياء 85 إنجليزي ليفل 2 76 ليفل 3 67 ليفل 4 89
يصير 80*3 + 85*3 + 76*2 + 67*2 + 89*2 ..
و تقسميها على مجموع عدد ساعات المواد لكل مادة يعني 2+2+2+3+3

و لو طلعت 85+ إذاَ انتي دخلتي في المنافسة على مقاعد كلية الطب!
و اللي هي فرضاَ 200 مقعد! طيب دحين يجي دور النسبة العامة للمقارنة!
ياخدوا أعلى 200 وحدة بناءاً على النسبة العامة *نسبة كل المواد*
و بس لو عندك أي إستفسار تاني قوليلي *^*
الله يكتبلنا اللي فيه خير و يارب نتسكن في رغباتنا الأولى (*w*) !!

[roro-X]

الله يسعدك ويفرج همك ويوفقك يارب ❤❤❤
والله ريحتيني❤❤
ردك يكفي ويوفي 😘❤
بس عندي سؤال كمان الفيزياء مطلوب في الطب صح ؟ لانو مكتوب في الجدول من تحت 😣
يارب يكونو مايبغوه 😓

[HU~]

المشاركة الأصلية كتبت بواسطة roro-x الله يسعدك ويفرج همك ويوفقك يارب ❤❤❤ والله ريحتيني❤❤ ردك يكفي ويوفي 😘❤ بس عندي سؤال كمان الفيزياء مطلوب في الطب صح ؟ لانو مكتوب في الجدول من تحت 😣 يارب يكونو مايبغوه 😓

ياقلبي و الجميع ياااااااا رب ❤
و أوه صح دوبي ألاحظ @_@ للأسف و الفيزيا كمان داخلة في النسبة الخاصة :( !
إن شاء الله ما يأثر عليكي ❤

[roro-X]

للاسف مرا يأثر على نسبتي 😔
خيره ان شاء الله
جزاكي الله خير ماقصرتي 😘❤
وان شاء الله نفرح قريب كلنا بتحقيق الاماني ❤❤